«تاياۋ شىعىستان سۋىت حابار. بۇگىن تاڭەرتەڭ يمام حومەيني حالىقارالىق اۋەجايىنان ۇشقان ۋكراينا حالىقارالىق اۋە جولدارى اۆياكومپانياسىنىڭ جولاۋشىلار ۇشاعى اپاتقا ۇشىراپ, اۋەجايعا جاقىن جەردە قۇلادى. الدىن الا مالىمەت بويىنشا ۇشاق بورتىنداعى بارلىق جولاۋشىلار مەن ەكيپاج مۇشەلەرى قازا تاپتى. ءبىزدىڭ ەلشىلىك قايعىلى جاعداي تۋرالى اقپاراتتى جانە قازا بولعانداردىڭ ءتىزىمىن ناقتىلاپ جاتىر. بارلىق جولاۋشىلار مەن ەكيپاج مۇشەلەرىنىڭ تۋعان-تۋىسقاندارى مەن جاقىندارىنا شىن جۇرەكتەن كوڭىل ايتامىن» دەپ جازدى ۋكراينا پرەزيدەنتى.
سوڭعى مالىمەتكە سايكەس, ۇشاق بورتىندا بارلىعى 176 ادام بولعان, 167 جولاۋشى مەن 9 ەكيپاج مۇشەسى.
وسىعان دەيىن بورتىندا 180 جولاۋشى مەن ەكيپاج مۇشەسى بار Boeing 737 ۇشاعى تاڭەرتەڭ تەگەراندا يمام حومەيني اتىنداعى اۋەجايىنان ۇشقاننان كەيىن كوپ ۇزاماي اپاتقا ۇشىراعانىن حابارلاعان ەدىك.
سىرتقى ىستەر مينيسترلىگى ۇشاقتا قازاقستان ازاماتتارى بولماعانىن حابارلادى.
