ءورت سوندىرۋشىلەر كەلگەن كەزدە ءتورتىنشى قاباتتاعى ەكى بولمەلى پاتەر وت قۇشاعىندا بولعان. جەكە قۇرامنىڭ جەدەل ءىس-قيمىلىنىڭ ارقاسىندا ءتۇتىن جۇتىپ تۇنشىققان ءتورت ادام قۇتقارىلىپ, 10 تۇرعىن تىسقا شىعارىلدى.
ء–ورت ورنىنا قاراعاندى وبلىستىق تجد ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ جەكە قۇرامىنان 18 ادام بارعان بولاتىن. وقيعا بولعان جەردە ءۇش اۆتوتسيستەرنا جانە ءبىر اۆتوساتى جۇمىس ىستەدى. جەكە قۇرامنىڭ ساپالى جۇرگىزىلگەن بارلاۋ جانە ۇيلەسىمدى ءىس-ارەكەتتەرىنىڭ ارقاسىندا ادامداردىڭ قازا بولۋىنا, سونىمەن قاتار وتتىڭ تارالۋىنا جول بەرىلگەن جوق. ءورتتىڭ شىعۋىنا پاتەردە بولعان ادامنىڭ ءىس-ارەكەتى سەبەپشى بولعان, دەپ حابارلادى تجد ءباسپاسوز قىزمەتى.
ءدال وسىنداي ءورت وقيعاسى شاحان كەنتىندە دە بولدى. تۇرعىن ءۇيدىڭ 2-ءشى قاباتىنداعى وت قۇشاعىندا قالعان پاتەرگە ءورت سوندىرۋشىلەر – قاراۋىل باستىعى ب.وتەباەۆ پەن بولىمشە كومانديرى س.مارحابا اۆتوساتى ارقىلى كوتەرىلىپ, ىشكە ەنگەن.
ءۇي يەسى ورتەنىپ جاتقان پاتەردە بولعان ەكەن. ول اس ۇيدە 2-ءشى دارەجەلى تەرميكالىق كۇيىك الىپ, گازدان تۇنشىعىپ جاتقان جەرىنەن تابىلدى. زارداپ شەگۋشى ەسىن بىلگەن, الايدا ۇرەيگە بوي الدىرىپ, پاتەرىنەن شىعا الماي قالعان بولسا كەرەك. ونى ءورت سوندىرۋشەلىر تازا اۋاعا شىعارىپ, جەدەل جاردەم بريگاداسىنا تاپسىردى. سونداي-اق وسى ءۇيدىڭ تاعى ءتورت تۇرعىنى قاۋىپسىز جەرگە كوشىرىلدى.
بۇل جەردەگى ءورت ۇزارتقىشتىڭ جەلىلىك سىمىنىڭ قىسقا تۇيىقتالۋىنان بولعان كورىنەدى. وقيعا ورنىندا جەكە قۇرامنىڭ 13 قىزمەتكەرى جۇمىس ىستەپ, 3 بىرلىك تەحنيكا جۇمىلدىرىلدى.
كاسىبي مىندەتتەرىن ادال اتقارىپ, ءوز ىستەرىنىڭ شىن شەبەرى ەكەنىن دالەلدەگەن ءورت سوندىرۋشىلەرگە تۇرعىندار العىس ايتىپ, ريزاشىلىق سەزىمدەرىن جەتكىزدى.
