وكىنىشتىسى, اق ادال مالدى قورادان شىعارىپ ۇرلاپ كەتۋ وقيعاسى ءالى ازايماي تۇر. سونداي جاعدايدىڭ ءبىرى الاكول اۋدانىنىڭ قازاقستان اۋىلىندا بولدى. 16 جەلتوقسان كۇنى اۋىل تۇرعىنىنىڭ قوراسىنان اسىل تۇقىمدى 9 باس سيىر ۇرلانعان. مال يەسىنىڭ ءوز بەتىنشە ىزدەگەن ارەكەتىنەن تۇك ونبەي, پوليتسياعا شاعىمدانىپتى.
الاكول اۋدانىنىڭ پوليتسەيلەرى ءبىر اپتا بويى ءىز كەسىپ, ۇرىنىڭ الىسقا ۇزاماعانىن انىقتاپتى. ءۇشارال قالاسىنىڭ 2 تۇرعىنى كۇدىككە ءىلىندى. بۇرىن دا مال ۇرلاپ سوتتالعان باۋكەسپە باستاپقىدا بۇلتارعانىمەن, ارتىنان كانىسىن مويىنداپتى.
ولار ۇرلانعان مالدىڭ ءبىرازىن ساتىپ تا ۇلگەرىپتى. 2 باس سيىردى سويىپ, بازارعا ساۋدالاعان ەكەن. مالدىڭ قۇنى 2 ملن تەڭگەگە باعالاندى. بۇيىرعان 7 باس سيىردى مال يەسىنە قايتارعان پوليتسەيلەرگە اۋىل تۇرعىندارى ءدان ريزا.
