جەلىگە جەدەل تاراپ, ءجيى تالقىلانعان بەينەجازبا ادامداردىڭ اشۋ-ىزاسىن تۋعىزعان ەدى. ول بەينەجازبادا توبەلەس شىعارعاندار ىشىندە اۋدان اكىمىنىڭ ورىنباسارى ا. ابدىباەۆ پەن اۋداندىق ساۋلەت جانە قالا قۇرىلىسى ءبولىمىنىڭ مامانى ك.ۇسەنباەۆتىڭ ءۇشىنشى ادامعا قول جۇمساعانى انىق كورىنگەن بولاتىن. كەيىن سوققىعا جىعىلعان ادامنىڭ اۋداندىق مادەنيەت ءۇيىنىڭ قىزمەتكەرى ەكەنى انىقتالعان.
قازىر اۋدان ورتالىعى ۇزىناعاش اۋىلىنداعى «بەلىە روزى» مەيرامحاناسىندا 25 جەلتوقساندا بولعان تارتىپسىزدىككە وراي تەرگەۋ جۇمىسى ءجۇرىپ جاتىر ەكەن. تەرگەۋ اياقتالعاسىن ءىس سوتقا جونەلتىلەدى. ال وقيعاعا قاتىسى بار شەنەۋنىكتەر تەرگەۋ كەزىندەگى تالاپ بويىنشا اتقارىپ وتىرعان قىزمەتتەرىنەن ۋاقىتشا شەتتەتىلگەن.
