جويىلعان وتقارۋدىڭ دەنىن تۇرعىندار ءوز ەركىمەن قۇقىق قورعاۋ ورگاندارىنا اكەلىپ تاپسىرعان. بىلتىر 97 ادام ەسكى قارۋ-جاراق پەن وق-ءدارى وتكىزىپ, ولارعا سىياقى رەتىندە 6,5 ملن تەڭگە بيۋدجەت قارجىسى جۇمسالعان ەكەن.
الايدا, تۇرعىندار اراسىندا زاڭسىز قارۋ ساقتايتىندار قاتارى ازايماي وتىر. ماسەلەن, 1 قاڭتار كۇنى تالدىقورعان قالاسىنداعى پوليتسيا ءپاترۋلى كۇدىكتى كورىنگەن كولىكتى توقتاتىپ, تەكسەرۋ كەزىندە وتقارۋ تاپتى. «BMB» كولىگىن تىزگىندەگەن 19 جاستاعى جىگىت 16 كاليبرلى مىلتىق پەن گاز پيستولەتىنىڭ رۇحسات قاعازىن كورسەتە الماعان. تەكسەرۋ كەزىندە زاڭسىز قارۋ-جاراقتىڭ تىركەۋ ءنومىرى قولدان وشىرىلگەنى انىقتالدى.
