ءتورت جانە ودان دا كوپ كامەلەتكە تولماعان بالالارى بار وتباسىلار ءۇشىن بالالارى كامەلەت جاسىنا تولعانعا دەيىن تابىسىنا قاراماستان, اي سايىن جاردەماقى تولەنەتىن بولادى. مەمجاردەماقى مولشەرى ءار ءتۇرلى, ياعني ءار بالاعا ورتا ەسەپپەن 10 625 تەڭگەدەن كەلەدى.
سونىمەن, ءتورت بالاسى بار وتباسىلار 42,5 مىڭ تەڭگە, بەس بالاسى بارلار - 53 مىڭنان استام, التى بالاسى بارلار – 64 مىڭنان استام, جەتى جانە ودان كوپ – 74,4 مىڭنان استام جاردەماقى الادى. بۇل رەتتە كىرىسى كەدەيلىك شەگىنەن تومەن وتباسىلارعا تولەنەتىن اتاۋلى الەۋمەتتىك تولەم ساقتالادى.
سونىمەن قاتار, بالانىڭ تۋىلۋىنا بايلانىستى بىرجولعى تولەم دە وسەدى. ءبىرىنشى, ەكىنشى جانە ءۇشىنشى بالانىڭ تۋىلۋىنا بايلانىستى بىرجولعى تولەم 38 اەك, ياعني 100 مىڭ 738 بولادى. ءتورتىنشى جانە ودان دا كوپ بالالاردىڭ تۋىلۋىنا وراي 63 اەك نەمەسە 167 مىڭ 13 تەڭگەنى قۇرايدى.
