قازاقستان • 02 قاڭتار، 2020

ەلوردادا كوممۋنالدىق قىزمەتتەر پاركى جاڭا ارنايى تەحنيكامەن تولىقتى

299 رەتكورسەتىلدى

ەلوردادا كوممۋنالدىق قىزمەتتەر پاركى جاڭا ارنايى تەحنيكامەن تولىقتى. جولدار مەن تروتۋارلاردى قاردان تازالاۋ ءۇشىن 60-تان استام تەحنيكا الىندى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


ولاردىڭ ىشىندە ساموسۆالدار، اۆتوگرەيدەرلەر، قۇم شاشقىشتار، تراكتورلار جانە ت.ب. كوكتەم مەن جاز مەزگىلدەرى پايدالانۋعا بولاتىن 50-گە جۋىق ارنايى تەحنيكا الۋ جوسپارلانىپ وتىر. 

ايتا كەتەيىك، 2019 جىلدىڭ جەلتوقسان ايىندا كوممۋنالدىق قىزمەتتەر پاركى 70-كە جۋىق ارنايى تەحنيكامەن تولىقتى. كوممۋنالدىق قىزمەتكەرلەردىڭ ايتۋىنشا، ەسكى تەحنيكانىڭ توزۋى 30-دان 50% - عا دەيىن قۇراعان. پارك تەحنيكاسىن جاڭارتۋ قىزمەتكەرلەر ءۇشىن قولايلى ەڭبەك جاعدايلارىن جاساۋعا جانە سانيتارلىق تازالاۋدىڭ ساپاسىن ارتتىرۋعا مۇمكىندىك بەرەدى. ارنايى تەحنيكا قاراجاتتى وڭتايلاندىرۋ مەن «قدب ليزينگ» اق-مەن بىرلەسە ساتىپ الۋ ەسەبىنەن الىندى. تەحنيكانىڭ باسىم بولىگى - وتاندىق ءونىم.

ەلوردا اكىمى التاي كولگىنوۆتىڭ تاپسىرماسىنا سايكەس 2020 جىلدىڭ قاڭتارىنان باستاپ كوممۋنالدىق قىزمەتكەرلەردىڭ جالاقىسى 10-نان 45%-عا دەيىن ءوستى. سونىمەن قاتار ەڭبەكاقى تولەۋدىڭ ىنتالاندىرۋشى جۇيەسى ەنگىزىلدى. بۇل دا كوممۋنالدىق قىزمەتكەرلەردىڭ جالاقىسىن ارتتىرۋعا مۇمكىندىك بەردى.


سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار