كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىنىڭ 2013 جىلعى ءبىرىنشى جارتىجىلدىق قورىتىندىسى بويىنشا القا وتىرىسى ءوتتى. وعان اگەنتتىكتىڭ ورتالىق اپپاراتى مەن اۋماقتىق بولىمشەلەردىڭ باسشىلىق جانە جەكە قۇرامدارى بايلانىس جۇيەسى ارقىلى قاتىستى.
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىنىڭ 2013 جىلعى ءبىرىنشى جارتىجىلدىق قورىتىندىسى بويىنشا القا وتىرىسى ءوتتى. وعان اگەنتتىكتىڭ ورتالىق اپپاراتى مەن اۋماقتىق بولىمشەلەردىڭ باسشىلىق جانە جەكە قۇرامدارى بايلانىس جۇيەسى ارقىلى قاتىستى.
القانىڭ جۇمىسىن اشقان اگەنتتىك توراعاسى راشيد ءتۇسىپبەكوۆ: «ءبىرىنشى جارتىجىلدىق بويىنشا جۇمىستىڭ ناتيجەلەرى ءبىزدىڭ بارلىق نەگىزگى باعىتتار بويىنشا وڭ كورسەتكىشتەرگە قول جەتكىزگەنىمىزدى نەگىزدەيدى», دەدى.
ر.تۇسىپبەكوۆتىڭ ايتۋىنشا, اۋىر جانە اسا اۋىر قىلمىستاردى اشۋ 25 پايىزعا وسكەن, سىبايلاس جەمقورلىق قىلمىستار 8 پايىزعا اسىرا انىقتالعان. سىبايلاس جەمقورلىق قىلمىستار ءۇشىن جاۋاپكەرشىلىككە تارتىلعان تۇلعالاردىڭ سانى 20 پايىزعا ارتقان. ال جۇيەلى جەمقورلىق فاكتىلەرى بويىنشا 221 قىلمىستىق ءىس قوزعالعان.
وتكەن جىلى ەكونوميكا سالاسىنداعى قىلمىستاردىڭ ءبىر بولىگى دەكريميناليزاتسيالاندى. قارجى پوليتسياسى ءوز جۇمىسىن قاۋىپتىلىگى جوعارى ەكونوميكالىق قىلمىستاردى اشۋعا باعىتتادى. وسىنداي فاكتىلەر بويىنشا 3198 قىلمىستىق ءىس قوزعالدى. ولاردىڭ بارلىعى دەرلىك كولەڭكەلى ەكونوميكا سالاسىنا جاتادى. ۇيىمداسقان قىلمىستىق توپتارمەن كۇرەس باعىتىندا دا وڭ وزگەرىستەر ورىن الا باستاعان. وسى ساناتتاعى 26 قىلمىستىق ءىس قوزعالعان. بۇل وتكەن سوڭعى جىلدىڭ قوسارلانعان كورسەتكىشىنەن دە اسادى.
وسىلايشا قارجى پوليتسياسى جالعان كاسىپكەرلىكپەن كۇرەس ناتيجەسىندە بيۋدجەتكە تۇسەتىن سالىقتاردى دا كوبەيتتى. بايانداماشىنىڭ ايتۋىنشا, جالعان كاسىپكەرلىك پەن جالعان مامىلەلەر جاساۋ فاكتىلەرىن انىقتاۋ 5 ەسە ارتقان. جالعان مامىلەلەر جاساۋ ۇستىندە الاياقتاردى ۇستاۋ 3 ەسەگە دەيىن كوبەيگەن. ناتيجەسىندە ەكىنشى دەڭگەيلى بانكتەردە قولما-قول اقشاعا الماستىرىلعان قاراجاتتىڭ سومماسى 605 ملرد.تەڭگەدەن 511 ملرد.تەڭگەگە دەيىن نەمەسە 16 پايىزعا ازايعان. ال بۇرىن قارجىنى قولما-قول اقشاعا اۋىستىرۋ تۇراقتى تۇردە ءوسىپ وتىرعان. قارجى پوليتسياسىنىڭ وسى باعىتتاعى جۇمىسىنىڭ جاندانۋى, سونىمەن قاتار شاعىن جانە ورتا بيزنەستەن بيۋدجەتكە تۇسەتىن سالىقتاردىڭ 27 پايىزعا ارتۋىنا ءوز اسەرىن تيگىزدى. بيۋدجەتتەن قوسىمشا قۇن سالىعىن زاڭسىز كەرى قايتارۋ قىلمىستارىن انىقتاۋ دا 2,5 ەسە كوبەيگەن. بۇل بيۋدجەتتەن قايتارىلاتىن سومالاردىڭ ازايۋىنا اكەلدى. ەگەر 2012 جىلى كاسىپكەرلەرگە بيۋدجەتتەن 450 ملرد. تەڭگە قايتارىلسا, وسى جىلدىڭ 6 ايىندا 83 ملرد.تەڭگە قايتارىلعان.
سونداي-اق, قارجى پوليتسياسى اگەنتتىگىنىڭ توراعاسى راشيد ءتۇسىپبەكوۆ الكوگولدىك ءونىمنىڭ زاڭسىز اينالىمى سالاسىنداعى قىلمىستاردى اشۋ 2 ەسە ارتقانىن ايتتى. جۇرگىزىلگەن جۇمىستىڭ ارقاسىندا بيۋدجەتكە اراق ونىمدەرىن ساتۋدان اكتسيزدىك تولەمدەردىڭ 25 پايىزعا ارتقانى بايقالادى. بۇعان قوسا, قازىر الكوگول وندىرۋشىلەرى شىعارىلعان ءونىمنىڭ ناقتى كولەمىن كورسەتۋگە جانە ولاردان سالىق تولەۋگە ءماجبۇر. بۇعان دالەل – ەلىمىزدەگى تىركەلگەن الكوگول ءونىمىنىڭ 7 پايىزعا ءوسۋ كورىنىسى.
مۇناي مەن مۇناي ونىمدەرىنىڭ زاڭسىز اينالىمىن اشكەرەلەۋ 3 ەسە ارتقان. ناتيجەسىندە مۇناي جانە گاز مينيسترلىگىنىڭ مالىمەتتەرىنە سايكەس, اتىراۋ مۇناي وڭدەۋ زاۋىتىنا عانا كەلىپ تۇسەتىن شىعۋى كۇماندى مۇنايدىڭ مولشەرى 2010 جىلعى 300 مىڭ توننادان وسى جىلعى 1,5 مىڭ تونناعا دەيىن ازايعان.
قارجى پوليتسياسىندا تەرگەۋ ساپاسى دا ەداۋىر جاقسارعان كورىنەدى. ولاردىڭ وندىرىسىندە بولعان قىلمىستىق ىستەردىڭ سانى وتكەن جىلمەن سالىستىرعاندا 36 پايىزعا ارتقان, تەرگەۋ بارىسىندا قىسقارتىلاتىن قىلمىستىق ءىستەردىڭ سانى 15 پايىزعا تومەندەگەن, قوسىمشا تەرگەۋگە قايتارىلعان قىلمىستىق ىستەردىڭ سانى تىپتەن ازايدى. قىلمىستىق ىستەردى سوتقا جولداۋ 1,5 ەسەگە جوعارىلاپ, بارلىق اياقتالعان ىستەردىڭ 80 پايىزىن قۇرادى. نەگىزىنەن وعان قارجى پوليتسياسىندا سوتقا دەيىنگى ءوندىرىستى جەتىلدىرۋ بويىنشا قابىلدانعان شارالار سەبەپ بولىپ وتىر.
بارلىق بولىمشەلەردە كەزەكشى وفيتسەر لاۋازىمى ەنگىزىلدى, بەكىتىلگەن جاڭا قۇرىلىم پوليتسەيلىك تەرگەۋ قاعيداسىنىڭ بارلىق تالاپتارىنا سايكەس كەلەدى. ماتەريالدار بويىنشا تەكسەرىس جۇرگىزۋ جەدەلدىگى ارتتى. ەگەر بۇرىن ارىزداردىڭ جارتىسى دەرلىك 2 ايعا دەيىن تەكسەرىلسە, بۇگىن ولار بويىنشا تەكسەرىس 3 تاۋلىككە دەيىن عانا ءجۇرەدى. قىلمىستىق ءىس جۇرگىزۋدىڭ جەڭىلدەتىلگەن ءتارتىبى كەڭىنەن قولدانىلۋدا. جەڭىلدەتىلگەن تارتىپپەن اياقتالعان ىستەردىڭ سانى 3 ەسە كوبەيدى. ەڭ باستىسى, قارجى پوليتسياسى تالداۋ جولىمەن جالپى زالال مولشەرى 70 ملرد.تەڭگەنى قۇرايتىن 200-دەن استام قىلم
