نوميناتسيا يەگەرلەرىن جەڭىستەرىمەن قۇتتىقتاعان قالا باسشىسى جاستار – ەلىمىزدىڭ بولاشاعى ەكەنىن اتاپ ءوتىپ, ەل مۇددەسى ءۇشىن ەڭبەك ەتۋ اركىمنىڭ مىندەتى ەكەنىن ايتتى.
شىمكەنت قالاسى اكىمىنىڭ «ۇزدىك جاستار» بايقاۋىنىڭ ەرەجەسىنە سايكەس 28 نوميناتسيا بويىنشا 14-29 جاس ارالىعىنداعى 126 ۇمىتكەر بايقاۋعا قاتىسىپ, ىرىكتەلگەن بولاتىن. بايقاۋ كوميسسياسىنىڭ ۇسىنىسىمەن 34 جاس ءوز سالالارى بويىنشا ۇزدىك دەپ تانىلدى.
سونىمەن قاتار اكىم «ۇزدىك قوعامدىق ۇيىم» نوميناتسياسىنا لايىقتى دەپ تانىلعان ء«حىى Legion» سالاۋاتتى ءومىر سالتىن قالىپتاستىرۋ قوعامدىق قورىنىڭ مۇشەلەرىنە ەرەكشە العىسىن ءبىلدىردى.
«سىزدەر شىمكەنتتىك جاستاردى سالاۋاتتى ءومىر سالتىن ۇستانۋعا ۇگىتتەپ جۇرگەن ۇزدىك ۇيىم عانا ەمەس, سونىمەن قاتار ولارعا ۇلگى بولىپ جۇرگەن ازاماتسىڭدار. قازىرگى ۋاقىتتا ەڭ كوكەيكەستى ماسەلەلەردىڭ ءبىرى جاستار اراسىندا سالاۋاتتى ءومىر سالتىن قالىپتاستىرۋ. ال ادامنىڭ ء وز دەنساۋلىعىنا كوزقاراسىن وزگەرتۋى, ەڭ الدىمەن تاربيەلىك ماسەلە بولىپ تابىلادى. وسى تۇرعىدا سىزدەردىڭ ەڭبەكتەرىڭىز وراسان ەكەنىن اتاپ وتكىم كەلەدى» دەدى ە.ايتاحانوۆ.
ء«حىى Legion» سالاۋاتتى ءومىر سالتىن قالىپتاستىرۋ قوعامدىق قورى - قازاقستان رەسپۋبليكاسىنىڭ ۆوركاۋت سپورت ءتۇرى بويىنشا چەمپيون جانە قازاقستان رەكوردتتار كىتابىنا ەنگەن ۇيىم.
جاستار جىلى اياسىندا قالادا 3 مىڭنان استام جاس كاسىپكەرلىك كۋرستارىنان ءوتىپ, ولاردىڭ 1000-عا جۋىق جوبالارىنا گرانتتار بەرىلدى. 6 مىڭنان استام جاستار جۇمىسپەن قامتىلدى. وعان قوسا بيىل 904 جاس باسپانامەن قامتاماسىز ەتىلۋدە.
بۇدان بولەك, ستۋدەنت جاستارعا ارنالعان 3 جاتاقحانا پايدالانۋعا بەرىلدى. ال, دارىندى جاستاردى شىڭداۋ ماقساتىندا رەسپۋبليكالىق «جاس اقىندار ايتىسى», «كوڭىلدى تاپقىرلار الاڭى» وتكىزىلسە, جاس اقىنداردىڭ «جاڭا عاسىر اۋەندەرى» جىر جيناعى جارىق كوردى. «شابىت» جوباسى اياسىندا ۇزدىك جاس انشىلەر مەن بي توپتارىنا 10 ارنايى بەينەباياندار ءتۇسىرىلدى. سونىمەن قاتار ۆولونتەرلىكپەن اينالىساتىن 1635 ستۋدەنتكە الەۋمەتتىك كرەديتتەر بەرىلۋدە.
