حوككەي • 27 جەلتوقسان، 2019

سكا-عا شاماسى جەتپەدى

7 رەتكورسەتىلدى

قۇرلىقتىق حوككەي ليگاسىندا (قحل) سىنعا ءتۇسىپ جاتقان نۇر-سۇلتاننىڭ «بارىس» كلۋبى «بارىس ارەنادا» سانكت-پەتەربۋرگتىڭ سكا كومانداسىمەن وينادى.

ەلوردالىقتار سكا-عا قارسى ويىندى تاماشا باستادى. ماتچتىڭ نەبارى 11-سەكۋندىندا اتتە وحتاماا جىلدام گول سوعىپ، ويىندى تاماشالاۋعا كەلگەن التى مىڭنان اسا جانكۇيەرگە قۋانىش سىيلاعان بولاتىن. الايدا بۇل قۋانىش ۇزاققا سوزىلمادى. اينالدىرعان 9 مينۋتتىڭ ىشىندە سكا حوككەيشىلەرى ءۇش گول سوعىپ، تارازى باسىن وزدەرىنە اۋداردى. ال 13-مينۋتتا الەكسەي ماكليۋكوۆ ەسەپ ايىرماسىن قىسقارتقانىمەن، ەكىنشى كەزەڭدە سانكت-پەتەربۋرگ كومانداسى تاعى ءۇش گول سوقتى. 25-مينۋتتا نايل ياكۋپوۆ، 28-مينۋتتا ۆاسيلي توكرانوۆ مەرگەندىگىمەن كوزگە تۇسسە، 38-مينۋتتا ارتەم زۋب ويىنداعى ءۇشىنشى، جالپى ماتچتىڭ سوڭعى گولىن سوقتى.

وسىلايشا، «بارىس» قاتارىنان ەكىنشى ويىندا جەڭىلىس تاپتى. ال سكا كومانداسىن سەگىزىن ويىننان بەرى جەڭە الماي كەلەدى. جەرلەستەرىمىز سانكت-پەتەربۋرگ كلۋبىنان سوڭعى رەت 2015 جىلى باسىم تۇسكەن بولاتىن. «بارىس» كەلەسى كەزدەسۋىن بۇگىن ماسكەۋدىڭ «دينامو» كومانداسىمەن وتكىزەدى.

سوڭعى جاڭالىقتار

ۇقساس جاڭالىقتار