26 جەلتوقسان، 2019

ءار كۇن سايىن ForteBank-ءتىڭ كۇنتىزبەسىنەن ابايدىڭ قارا ءسوزىن وقيسىز

13 رەتكورسەتىلدى

ءار ادامنىڭ جۇمىس كۇنى كۇنتىزبەنى ءبىر شولۋدان باستالادى. ال ءار كۇن سايىن سول كۇنتىزبەڭىزگە ءبىر كوز تاستاعاندا، ابايدىڭ قارا سوزدەرىنىڭ ءبىر جولىن وقىپ تۇرساڭىز، كەرەمەت ەمەس پە؟ جاڭا جىل قارساڭىندا ForteBank 2020 جىلعا ارنالعان وزگەشە كورپوراتيۆتىك كۇنتىزبەسىن ۇسىندى. وندا الەمنىڭ بىرنەشە ەلىنىڭ سۋرەتشىلەرى قازاقتىڭ ۇلى اقىنى اباي قۇنانباي ۇلىنىڭ قۇندى مۇراسىن بارىنشا جاڭعىرتۋعا تىرىسقان. كۇنتىزبەنىڭ ءار بەتىنە ايگىلى اقىننىڭ قىرىق بەس قاراسوزىنەن ۇزىندىلەر كەلتىرىلگەن.

Movators شىعارماشىلىق ستۋدياسىنىڭ باس پروديۋسەرى دميتري ششەگوليحيننىڭ سوزىنشە، ابايدىڭ قاراسوزدەرى وتە ويلى، ال ءتىلى شۇرايلى. ء«بىر عانا جولىمەن بىرنەشە ماعىنانى ۇقتىرادى، حالىق مۇراسىنىڭ قۇندى دۇنيەلەرىمەن سۋسىنداتادى. ول ءومىر سۇرگەن ۋاقىتتىڭ الەۋمەتتىك ءمانىن ەسكەرسەڭىز دە، ءالى كۇنگە ءمانىن جوعالتپاعان ناقىلداردى كورەسىز. راس، اباي شىعارماشىلىعىن وزگە تىلدەرگە اۋدارۋ قيىن، بىراق ءبىز كلاسسيكالىق سوزدەرىمىزدى قازىرگى سويلەۋ مادەنيەتىمەن ۇشتاستىرا وتىرىپ، ولاردى قايتا جاڭعىرتۋعا تىرىستىق»، دەيدى ول.

اباي-175

كۇنتىزبەنىڭ 12 بەتىندە قازاقستان، گرۋزيا، رەسەي جانە بەلارۋس ەلدەرىنىڭ الدىڭعى قاتارلى ديزاينەرلەرى جاساعان 12 تۇپنۇسقا سۋرەت بار. ولاردىڭ ارقايسىسى ستيلدىك ايىرماشىلىعىنا قاراماستان، ءبىر عانا ويدى قاۋزايدى، ول - اباي شىعارماشىلىعىنىڭ كوركەمدىگىن زەرتتەۋگە تىرىسۋ.

كۇنتىزبە اباي مۇراسىن قايتا جاڭعىرتۋدى عانا ەمەس، سونىمەن قاتار ForteBank-ءتىڭ ەكولوگيالىق ۇمتىلىسىن دە بەينەلەيتىنىمەن قىزىقتى. «كۇنتىزبە ەكولوگيالىق تازا فورماتتا، جارتىلاي قايتا وڭدەلگەن ماتەريالداردان جاسالعان. سول سەبەپتى، ونى بيولوگيالىق تۇرعىدان تولىعىمەن ىدىراتۋعا بولادى»، - دەيدى ForteBank-ءتىڭ ماركەتينگ جونىندەگى ديرەكتورى انتون كيم. ونىڭ ايتۋىنشا، بۇل ونىمدەر وتكەن ۋاقىت پەن بولاشاقتىڭ اراسىنداعى قازىرگى تاقىرىپتىڭ ناعىز جالعاسى ىسپەتتى.

اباي-175

12 بەتتەگى ۇزىندىلەر – تەڭىزدىڭ ءبىر تامشىسىنداي عانا. كۇنتىزبەنى جاساۋشىلار ايتقانداي، ولاردى تاڭداۋ دا وڭاي بولعان جوق. اقيقاتىندا، اباي كوپ جاعدايدا ويلى، مۇڭدى اقىن رەتىندە قابىلدانادى، ال ونىڭ ءار جولىنىڭ ءمانىن اشۋ ۇلتتىڭ قاسىرەتىن تاپ باسۋمەن، شىندىقتى ايقىنداي تۇسۋمەن تەڭ.

ال ForteBank پەن سۋرەتشىلەر ەڭ ويلى، سالماقتى ۇزىندىلەردى تاڭداپ الۋعا تىرىستى. ايتپاقشى، اقىننىڭ مەرەيتويىنا وراي، جوبا ۇيىمداستىرۋشىلارى تەك كۇنتىزبەنى عانا جاساپ قويعان جوق. اباي قۇنانباي ۇلىنىڭ 175 جىلدىق مەرەيتويىن كەز كەلگەن ادام لايىقتى تۇردە اتاپ ءوتۋ ءۇشىن ForteBank ءوزىنىڭ ۆەب-سايتىندا بارلىق كورنەكى سۋرەتتەردى وتە قول جەتىمدى تۇردە ورنالاستىرىپ قويدى. ونى كەز كەلگەن قولدانۋشى فۋتبولكالارىنا، كرۋجكالارىنا كومپيۋتەرىنىڭ «جۇمىس ۇستەلىندەگى» فون رەتىندە قولدانا الادى، ويتكەنى ابايدىڭ قارا سوزدەرى عاسىرلاردان كەيىن دە قۇنىن جوعالتپايتىن دانالىق.

اباي-175

«كۇنتىزبە ەكولوگيالىق تازا فورماتتا جارتىلاي قايتا وڭدەلگەن ماتەريالداردان جاسالادى، سوندىقتان ول تولىعىمەن بيوەلەمەنتتەرمەن ىدىرايدى. بۇل ونىمدەردى كەشەگى مەن بولاشاقتىڭ قازىرگى ۋاقىتتاعى ناعىز جالعاسى دەپ بىلگەنىمىز ءجون. ءبىز بىلىمبەرۋ ۇيىمدارى ءۇشىن وقۋ ماتەريالدارىن جاساۋدى، قازاقستان قالالارىنىڭ كوشەلەرىن كوركەمونەر تۋىندىلارىمەن بەزەندىرۋدى جانە كليەنتتەر مەن اقىنداردىڭ شىعارماشىلىق مۇرالارى تۋرالى پىكىر الماسۋ جۇرگىزۋدى جوسپارلاپ وتىرمىز. ForteBank جوباسى كلاسسيكاعا زاماناۋي ونەردىڭ پريزماسى ارقىلى قاراۋعا ارنالعان »، - دەدى ForteBank ماركەتينگ جونىندەگى ديرەكتورى انتون كيم.

اباي-175

سوڭعى جاڭالىقتار

ۇقساس جاڭالىقتار