ويپىر-اي!
اقمولا وبلىسىنىڭ ستەپنوگور قالاسىندا بىرنەشە يت 56 جاستاعى ەر ازاماتتى تالاپ ءولتىردى. بۇدان ءبىراز بۇرىن بۇقارالىق اقپارات قۇرالى بەتىندە 3 جاسار ءسابيدى يت تىستەپ, قانىنا قاۋىپتى كەسەل تاراعانى جازىلعان بولاتىن. ارتىنان سول بالانىڭ مۇرنى شىرىگەنى ءمالىم بولدى. ەندى مىنە, ەل تىنىشتا يتتەر اتپالداي ازاماتتىڭ دەنەسىن شايناپ, جەر بەتىن قانعا بوكتىرىپ وتىر.
وبلىستىق ىشكى ىستەر دەپارتامەنتىنىڭ قىزمەتكەرلەرى جوعارىدا اتالعان وقىس وقيعا يت ساتۋمەن شۇعىلداناتىن ايەلدىڭ ءۇيىنىڭ الدىندا ورىن العانىن ايتادى. نە دەسەك تە, بۇل – كىسى شوشىرلىق كورىنىس. تابىس تابۋ جولىن كوزدەپ, يتتەرىن ساۋدالاپ جۇرگەن ازاماتشاعا اقشا قىمبات بولعانىمەن, ءبىر وتباسى اسىراۋشىسىنان ايىرىلدى. وسىنىڭ وزىنەن يت ۇستاۋداعى قازاقى بەيقامدىعىمىزدى اڭعارۋعا بولادى.
قازىر وسى وقيعاعا بايلانىستى تەرگەۋ امالدارى باستالىپ كەتتى.
باقىتبەك كەنەش ۇلى.
