ورتالىق سايلاۋ كوميسسياسى تاراتقان مالىمەت بويىنشا, اۋىل اكىمى لاۋازىمىنا ۇسىنىلعان 155 ۇمىتكەر سايلاۋعا قاتىسپايتىن بولدى. ويتكەنى, كەيبىرىنىڭ تابىسى مەن مۇلكى جونىندەگى اقپاراتتان شيكىلىك شىقتى. بۇل تۋرالى «1 ەۋرازيا» تەلەارناسى حابارلادى.
اۋماقتىق سايلاۋ كوميسسيالارىنىڭ شەشىمىنە سايكەس, 91 ۇمىتكەر تالاپ دەڭگەيىنەن تابىلا الماسا, 61 ازامات ءوز ەركىمەن سايلاۋعا قاتىسپايتىنى جونىندە ءوتىنىش جازعان ەكەن. قالعان 3 ۇمىتكەردىڭ تىزىمنەن نە سەبەپتى الىنعانى بەلگىسىز. تىركەۋدەن ءساتتى وتكەن 7 مىڭ 18 ادام بۇگىن ۇگىت-ناسيحات جۇمىستارىن باستاپ كەتتى. «اۋىل اكىمى بولعىسى كەلگەن جەكەلەگەن ۇمىتكەرلەردىڭ قۇجاتىنان شيكىلىك شىقتى. سوندىقتان ولار سايلاۋعا قاتىسا المايدى. ال تىركەۋدەن وتكەن تالاپكەرلەردىڭ ۇگىت-ناسيحاتىن جۇرگىزەتىن ادامدار سانى بەستەن اسپاۋى ءتيىس», - دەيدى ورتالىق سايلاۋ كوميسسياسىنىڭ ءباسپاسوز حاتشىسى ۆەنەرا جەكسەمبەكوۆا.
دانيار تۇيمەباي.
