اۆستراليا ماماندارى سۋ استىمەن جۇزۋشىلەر ءۇشىن اكۋلانىڭ شابۋىلىنان قورعايتىن ەرەكشە گيدروكاستومنىڭ ەكى ءتۇرىن ويلاپ تاپتى. بۇل تۋرالى يتار-تاسس حابارلادى.
ءبىرىنشى كاستوم اق جانە اسپان كوك, سوسىن اق جانە كوك تۇستەرگە بويالعان. سەبەبى, اكۋلانىڭ كورۋ قابىلەتى ناشار بولعاندىقتان, مۇنداي تۇسكە بويالعان كاستومدەر سۋ استىنداعى كورىنىسپەن استاسىپ كەتىپ, جىرتقىشتىڭ شابۋىلداۋ قاۋپىن تومەندەتسە كەرەك. ونىڭ ۇستىنە, اكۋلالار تەك قارا مەن اق تۇستەردى عانا اجىراتا بىلەدى.
گيدروكاستومدەردىڭ ەكىنشى تۇرىندە اق پەن قارا جولاقتار بەينەلەنگەن. مۇنداي كاستوم كيگەن ادامدى اكۋلا ۋلى بالىقپەن شاتاستىرىپ, كوبىنە وعان شابۋىلداۋعا تاۋەكەل ەتپەيتىن كورىنەدى.
كاستومدى جاساپ شىعارۋعا ەكى جىل ۋاقىت جۇمسالعان. بۇل ۋاقىت ارالىعىندا عالىمدار ونشاقتى تاجىريبە جۇرگىزىپ, كيىمدى مانەكەندەرگە كيگىزىپ سۋ استىندا تەكسەرىپ كورگەن. سىناقتان وتكىزۋ بارىسىندا ەشبىر مانەكەن شابۋىلعا ۇشىراماعان, دەگەنمەن, تاۋاردى وندىرۋشىلەر كوستيۋمنىڭ قاۋىپسىزدىگىنە تولىق كەپىلدىك بەرۋدەن باس تارتادى.
گيدروكاستوم ساتىلىمعا شىعىپ تا ۇلگەردى. اقش-تا ونىڭ باعاسى شامامەن 400 دوللاردى قۇراپ وتىر.
ايدار ورىسباەۆ.
