ۇكىمەت • 12 جەلتوقسان، 2019

ا. مامين لوندون قالاسىنا جۇمىس ساپارىمەن باردى

16 رەتكورسەتىلدى

پرەمەر-مينيستر اسقار مامين لوندون قالاسىنا جۇمىس ساپارى اياسىندا ەۋروپالىق قايتا قۇرۋ جانە دامۋ بانكىنىڭ (ەققدب) پرەزيدەنتى سۋما چاكرابارتيمەن كەزدەسۋ وتكىزدى. 

«قازاقستانننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەققدب-مەن ىنتىماقتاستىققا زور كوڭىل بولەدى. وتكەن 27 جىلدا ەققدب-نىڭ قازاقستانعا ينۆەستيتسيالار كولەمى 260-تان استام جوبادا $9 ملرد-تان استى»، دەدى ا. مامين.

كەلىسسوز قورىتىندىسى بويىنشا ۇكىمەت پەن ەققدب اراسىندا قازاقستاندا دەنساۋلىق ساقتاۋ ينفراقۇرىلىمىن جاڭعىرتۋدىڭ كەشەندى باعدارلاماسىن ىسكە اسىرۋ جونىندەگى ءوزارا تۇسىنىستىك تۋرالى مەموراندۋمعا قول قويىلدى.

«قازاقستاندا  2020–2024 جىلدارعا ارنالعان دەنساۋلىق ساقتاۋدىڭ مەملەكەتتىك باعدارلاماسى اياسىندا جاڭا كوپسالالى اۋرۋحانالار سالىنادى. ءبىز ەققدب-نىڭ دەنساۋلىق ساقتاۋ جۇيەسىنىڭ ينفراقۇرىلىمىن جاڭعىرتۋعا قاتىسۋىن قولدايمىز»، دەدى ا. مامين.

ءوز تاراپىنان، ەققدب پرەزيدەنتى سۋما چاكرابارتي دەنساۋلىق ساقتاۋ ينفراقۇرىلىمىن جاڭعىرتۋ جوبالارىن قارجىلاندىرۋعا قىزىعۋشىلىق ءبىلدىردى. 

ۇكىمەت باسشىسى ەققدب-نىڭ قازاقستانداعى مەملەكەتتىك-جەكەشەلىك ارىپتەستىك سالاسىنداعى ءىرى جوبانى - ۇلكەن الماتى اۆتوموبيل اينالما جولىن ء(ۇاااج) ىسكە اسىرۋعا قاتىسۋىنىڭ ماڭىزدىلىعىن اتاپ ءوتتى. 

تاراپتار قازاقستاندا تۇرعىن ءۇي-كوممۋنالدىق شارۋاشىلىعى، كولىك ينفراقۇرىلىمى، جاڭارتىلاتىن ەنەرگيا كوزدەرى جانە ت.ب. سالالاردا مەملەكەتتىك-جەكەشەلىك ارىپتەستىك جوبالارىن ىسكە اسىرۋ بويىنشا ەكىجاقتى ىنتىماقتاستىق پەرسپەكتيۆالارىن تالقىلادى. 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار