رەسەيدىڭ ساراتوۆ وبلىسىنداعى پۋگاچەۆو قالاشىعىندا ورىن العان وقيعاعا بايلانىستى ەلدىڭڭ جوعارعى سوتى ستاۆروپول ولكەسى مەكتەپتەرىندە وقۋشى قىزداردىڭ حيدجاب كيۋىنە تىيىم سالعان شەشىم شىعاردى. جالپى, رەسەيدىڭ ستاۆروپول ولكەسى شەشەنستان, داعىستان, كاباردا-بالقار جانە قاراشاي-شەركەس ايماقتارىمەن شەكتەسەدى. سوندىقتان جەكەلەگەن مالىمەت كوزدەرىندە رەسەيدەگى حالىقتىڭ 20 ميلليونعا جۋىعى مۇسىلماندار ەكەندىگى ايتىلىپ قالىپ ءجۇر. بۇل تۋرالى REGNUMاقپارات اگەنتتىگى حابارلادى.
ماسەلەنىڭ ەكىنشى جاعىنا كەلسەك, پۋگاچەۆودا بۇدان بۇرىن ورىن العان تارتىپسىزدىككە بايلانىستى رەسەي پرەزيدەنتىنىڭ فەدەرالدى وكرۋگ بويىنشا ۋاكىلەتتى وكىلى ميحايل باباچ شەشەن جاستارىن اتالعان ايماقتان شىعارۋ كەرەك دەگەن شەشىمگە كەلدى. ال ساراتوۆ وبلىسىنىڭ گۋبەرناتورى ۆالەري راداەۆ وتكەن جىلى شەشەندەرگە قاتىستى قوزعالعان ءىستى قايتا قاراۋ قاجەتتىگىن, جەرگىلىكتى پوليتسەيلەر مەن شەشەن قاۋىمىنىڭ اراسىنداعى بايلانىستى ءجىتى زەرتتەۋدى العا تارتتى.
بىرقاتار ساراپشىلاردىڭ پىكىرىنشە, پۋگاچەۆودا بولعان وقيعاعا بايلانىستى جەرگىلىكتى بيلىك ماردىمدى شەشىم قابىلداماي, جانجالدان بويلارىن اۋلاق ۇستاعان سىڭايلى. ءتىپتى قالا باسشىسى ستانيسلاۆ سيدوروۆ ەرەۋىلگە شىققاندار الدىنا شىعۋدان, بۇقارالىق اقپارات قۇرالدارى وكىلدەرىنە سۇحبات بەرۋدەن بوي تاسالاعان.
ارنايى جۇرگىزىلگەن تەكسەرۋ كەزىندە «جامان قىلىعىمەن» كوزگە تۇسكەن شەشەن جاستارىن پۋگاچەۆودان شىعارۋ ءىسى جۇزەگە اسىرىلدى. دەگەنمەن, ءىشىنارا ورىس پەن ارميان ۇلتىنان دا كوشى-قون زاڭدىلىعىن بۇزۋشىلار كەزىكتى. وسىعان قاراپ, جەرگىلىكتى بيلىكتىڭ قانشالىقتى دارەجەدە جۇمىس اتقارعانىن اڭعارۋعا بولادى.
وسى جىلدىڭ مامىر ايىنىڭ باسىندا REGNUM اقپارات اگەنتتىگىندە جاريالانعان ماتەريالدا تاتارستان رەسپۋبليكاسىندا دا سىرتتان كەلگەندەردى ەلىنە قايتارۋ تۋرالى ماسەلە كوتەرىلگەنى جازىلعان. اسىرەسە, وسى وڭىردەگى كۋرماناەۆ سەلوسىنىڭ تۇرعىندارى جوعارىداعى تاقىرىپتىڭ وزەكتى ەكەنىن العا تارتىپ, سىرتتان تابىس تابۋعا كەلگەندەردى قۋىپ شىعۋدى جىلدامداتىپ ىسكە اسىرۋ كەرەكتىگىنە ەكپىن بەردى. سوعان قاراماستان, ايتىلعان ماسەلە ءالى كۇنگە دەيىن باسى اشىق كۇيىندە قالىپ وتىر. بۇقارالىق اقپارات قۇرالىنداعى دەرەككە جۇگىنسەك, پۋگاچەۆودا كىسى قولىنان قازا بولعان ازامات تاتار ەكەن. سول سەبەپتى دە, جەرگىلىكتى وڭىردەگى جۇرتشىلىق سىرتتان كەلگەندەردى تىزىمگە الۋ ءىسىن قوزعاپ وتىر.
رەسەي اۋماعىنىڭ كولەمىنە بايلانىستى كوشى-قون ماسەلەسىن ساناۋلى ۋاقىتتا رەتتەپ شىعۋ مۇمكىن ەمەس. كەيبىرەۋلەر پۋگاچەۆودا ورىن العان قايعىلى وقيعانى قالا باسشىسى ستانيسلاۆ سيدروۆ پەن باس پوليتسەيدىڭ ۇيىمداستىرۋ جۇمىسىنىڭ ولاقتىعىنان ىزدەيدى. تارتىپكە «باعىنباعان» وزگە ۇلت وكىلىنىڭ اسپاننان سالبىراپ تۇسە قالماعانى بەلگىلى. ولار بىرتىندەپ كەلىپ, جايعاسىپ العان ەدى. مۇنىڭ ارتى ءبىر ۇلتتىڭ اتىنا كىر كەلتىرەتىنىن كەزىندە ەشكىم ويلاپ جاتپادى. ەندى كەلىپ شيكىلىكتىڭ استارىن وزگە ۇلت جاستارىن كەزىندە قالادان قۋىپ شىعۋ ءىسىنىڭ قولعا الىنباعانىمەن قاراستىرادى. شىنداپ كەلگەندە, بۇل شەشىم تىعىرىقتان شىعۋدىڭ جولى ەمەس. قالا باسشىسى وزگەرگەنىمەن دە, ايتىلعان ماسەلە بىردەن رەتتەلە قويمايدى.
ۇلتارالىق, دىنارالىق ۇستانىم دۇرىس جۇرگىزىلمەگەن جەردە قايشىلىقتار تۋىندايدى. سوندىقتان مەملەكەتتىك جۇيەنىڭ ىرگەسى شەتىنەمەس ءۇشىن بارلىق ءىستى جۇيەلى جۇرگىزۋ قاجەت. ال ءبىز قازىرگى كەزدە تاياۋ شىعىستا جانتۇرشىگەرلىك سوعىس بولىپ جاتقانىن كوزبەن كورىپ وتىرمىز. سونىڭ سالدارىنان حريستيان قاۋىمىنا سول ەلدەن كەتۋگە تۋرا كەلدى.
وسىنداي كەلەڭسىزدىكتەردى كورە, بىلە تۇرا پۋگاچەۆودا ورىن العان وقيعا قايتالانباس ءۇشىن نە ىستەۋ قاجەت دەگەن زاڭدى سۇراق تۋىندايدى. الدە تۇتاس ۇلتقا بىرجاقتى باعا بەرمەس ءۇشىن ورت
