ۇكىمەت • 11 جەلتوقسان، 2019

اسقار مامين جۇمىس ساپارىمەن سان-فرانتسيسكوعا باردى

16 رەتكورسەتىلدى

پرەمەر-ءمينيسترى اسقار مامين اقش-قا جۇمىس ساپارى اياسىندا سان-فرانتسيسكو قالاسىنا بارىپ، وندا تسيفرلىق دامۋ، ۆەنچۋرلىق قارجىلاندىرۋ جانە ەنەرگەتيكا سالاسىنداعى جەتەكشى الەمدىك كومپانيالاردىڭ باسشىلىعىمەن كەزدەسۋلەر وتكىزدى. بۇل تۋرالى primeminister.kz حابارلادى.

ۇكىمەت باسشىسى دۇنيەجۇزىلىك ەكونوميكالىق فورۋمنىڭ (دەف) ء«تورتىنشى ونەركاسىپتىك رەۆوليۋتسيا ورتالىعىنىڭ» باسشىلىعىمەن كەزدەسىپ،  دەف باسقارۋشى ديرەكتورى ر. سامانسپەن يننوۆاتسيالىق تەحنولوگيالاردى رەتتەۋ سالاسىنداعى ىنتىماقتاستىقتىڭ پەرسپەكتيۆالى باعىتتارىن تالقىلادى. 

كەزدەسۋ قورىتىندىسى بويىنشا  ء«تورتىنشى ونەركاسىپتىك رەۆوليۋتسيا ورتالىعى» مەن «استانا» حالىقارالىق قارجى ورتالىعىنىڭ (احقو) اراسىندا زاتتار ينتەرنەتىن (IoT) دامىتۋدا ستراتەگيالىق ارىپتەستىك تۋرالى قۇجاتقا قول قويىلدى، بۇل 2020 جىلى قازاقستاندا ءتورتىنشى ونەركاسىپتىك رەۆوليۋتسيا بويىنشا دەف ۇلەستەس ورتالىعىن قۇرۋعا جاسالعان العاشقى قادام بولدى. مۇنداي مەكەمەلەر جاڭا تەحنولوگيالار مەن يننوۆاتسيالىق جوبالاردىڭ دامۋىن جۇيەلى مەملەكەتتىك قولداۋدى قامتاماسىز ەتۋگە ىقپالىن تيگىزە وتىرىپ، يزرايل، ءۇندىستان،  قىتاي، ءباا، كولۋمبيا، وار، اقش پەن جاپونيادا جۇمىس ىستەيدى. 

پرەمەر-مينيستر ا. مامين «500 Startups» ۆەنچۋرلىق قورىنىڭ باسشىسى ك. تسايمەن كەلىسسوز وتكىزدى، ونىڭ قورىتىندىسى بويىنشا «QazTechVentures» اق قازاقستاندىق ۇلتتىق دامۋ ينستيتۋتىن «500 Startups» V جاھاندىق قورىنا قوسۋ تۋرالى كەلىسىمگە قول قويىلدى. 

بۇل قۇجات بولاشاقتا قازاقستاندا تاقىرىپتىق ۆەنچۋرلىق قور قۇرۋدى قاراستىرادى. جوبا ۆەنچۋرلىق قارجىلاندىرۋ مەن يننوۆاتسيالىق كاسىپكەرلىكتىڭ دامۋىنا سەرپىن بەرەدى، ءسويتىپ، ستارتاپ كومپانيالاردى ۆەنچۋرلىق كاپيتالمەن قامتاماسىز ەتەدى. 

ا. ءماميننىڭ  «Bright Sphere Investment Group» (BSIG) ينۆەستيتسيالىق توبىنىڭ قارجى ديرەكتورى س. رانمەن كەلىسسوز قورىتىندىسى بويىنشا قازاقستاندىق تىكەلەي ينۆەستيتسيالار قورى (KIDF) مەن BSIG اراسىندا 2020 جىلى قازاقستان اۋماعىندا ينفراقۇرىلىمدىق جوبالاردى قارجىلاندىرۋ ءۇشىن بىرلەسكەن قور قۇرۋدا ىنتىماقتاستىق تۋرالى مەموراندۋمعا قول قويىلدى. 

انىقتاما: BSIG – جەتەكشى عالامدىق ينۆەستيتسيالىق توپ، ونىڭ باسقارۋىندا $200 ملرد-تان استام قارجى بار. 7 باسقارۋشى كومپانيا ارقىلى 30 ەلدە جوبالاردى ىسكە اسىرادى، الەم بويىنشا 20 كەڭسەسى جانە 850 ينستيتۋتسيونالدىق جانە ءىرى كورپوراتيۆتىك كليەنتتەرى بار. 

قازاقستاندا يننوۆاتسيالىق ەكوجۇيەنى، ۆەنچۋرلىق كاپيتال مەن ستارتاپ جوبالاردى دامىتۋ ماسەلەلەرى ا. ءماميننىڭ «Plug and Play» كومپانياسىنىڭ باسشىلىعىمەن اڭگىمەسى بارىسىندا قاراستىرىلدى، ونىڭ كەڭسەسىن «Astana Hub» الاڭىندا اشۋ كوزدەلگەن. 

ۇكىمەت باسشىسى «C3.ai» كومپانياسىنىڭ باس اتقارۋشى ديرەكتورى ت. سيبەلمەن كەلىسسوز كەزىندە قر مۇنايگاز جانە باسقا دا سەكتورلارىندا جاساندى ينتەللەكتىنى قولدانۋدا ىنتىماقتاستىق ماسەلەلەرىن تالقىلادى. 

«Cisco» ترانسۇلتتىق كومپانياسىنىڭ پرەزيدەنتى گ. ديدريحپەن كەزدەسۋدە «تسيفرلىق قازاقستان» مەملەكەتتىك باعدارلاماسىندا بەكىتىلگەن ماقساتتارعا قول جەتكىزۋدە جانە اقپاراتتىق تەحنولوگيالار سالاسىندا ىنتىماقتاستىقتىڭ جاڭارتىلعان ستراتەگياسىن ىسكە اسىرۋ ماسەلەلەرى قارالدى. 

«One Web» كومپانياسىنىڭ باس اتقارۋشى ديرەكتورى ا. شتەكەلمەن كەزدەسۋ بارىسىندا قازاقستاننىڭ اۋماعىن، ونىڭ ىشىندە شالعايداعى جانە جەتۋ قيىن اۋدانداردى جەرسەرىكتىك بايلانىس ارقىلى جاپپاي جىلدامدىعى جوعارى كەڭ جولاقتى ينتەرنەتپەن قامتۋ جوباسىن ىسكە اسىرۋ پەرسپەكتيۆالارى قارالدى. كەلىسسوز قورىتىندىسى بويىنشا احقو باسقارۋشىسى ق. كەلىمبەتوۆ جانە «One Web» باسشىسى ا. شتەكەل جوبانى ودان ءارى ىلگەرىلەتۋ تۋرالى قۇجاتقا قول قويدى. 

«Chevron» كورپوراتسياسىنىڭ بارلاۋ جانە كەن ءوندىرۋ جونىندەگى اتقارۋشى ۆيتسە-پرەزيدەنتى د. دجونسونمەن اڭگىمەلەسۋ كەزىندە بولاشاق كەڭەيتۋ جوباسى، «تەڭىزشەۆرويل» جوباسىندا تاۋارلار مەن كورسەتىلەتىن قىزمەتتەر بويىنشا قازاقستاندىق قامتۋدى ودان ءارى ارتتىرۋ، سونداي-اق قازاقستاندىق جۇمىسكەرلەردىڭ الەۋمەتتىك قامسىزداندىرىلۋى مەن ەڭبەك جاعدايلارىن جاقسارتۋ بويىنشا بىرلەسكەن شارالار ازىرلەۋ ماسەلەلەرى تالقىلاندى. 

«ValvTechnologies» كومپانياسىنىڭ پرەزيدەنتى ك. حانتپەن كەلىسسوز بارىسىندا قازاقستاندا مۇنايگاز سەكتورى ءۇشىن كلاپاندار مەن تيەكتەر شىعارۋ زاۋىتىن اشۋ مۇمكىندىگى قارالدى. شىعارىلعان ءونىمدى بولاشاقتا «تەڭىزشەۆرويل»-دى كەڭەيتۋ جوباسىن ىسكە اسىرۋ اياسىندا پايدالانۋ، سونداي-اق كورشىلەس ەلدەردىڭ نارىقتارىنا ەكسپورتتاۋ جوسپارلانعان. 

ا. مامين «42» كومپيۋتەرلىك باعدارلامالاۋ مەكتەبىنىڭ جانە ءىت سالاسىنداعى «Qwasar» ءبىلىم بەرۋ كومپانياسىنىڭ نەگىزىن قالاۋشى ك. يامگنانەمەن كەزدەسۋ وتكىزىپ، ونىمەن قازاقستاننىڭ تسيفرلىق ەكونوميكاسى ءۇشىن ماماندار دايارلاۋداعى ىنتىماقتاستىق پەرسپەكتيۆالارىن تالقىلادى. 

پرەمەر-مينيستر «Tesla» كومپانياسىنىڭ كەڭسەسى مەن زاۋىتىن ارالادى، وندا كومپانيا باسشىلىعىمەن كەزدەسۋ اياسىندا قازاقستاندا جانار-جاعارماي قۇيۋ ستانتسيالارى جەلىسىن كەڭەيتۋ جانە ەلەكتروموبيلدەر ءۇشىن سەرۆيس ورتالىقتارىن اشۋ ماسەلەلەرى قارالدى. 

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

ۇقساس جاڭالىقتار