قازاقستان • 10 جەلتوقسان، 2019

قارۋلى كۇشتەردە مامانداردى دايارلاۋ باستالدى

11 رەتكورسەتىلدى

باسقارۋ ورگاندارىنىڭ، قۇرامالار مەن بولىمدەردىڭ 2020 وقۋ جىلىنا ارنالعان جاۋىنگەرلىك دايارلىق جوسپارىنا سايكەس قازاقستاننىڭ قارۋلى كۇشتەرىندە بارلىق ساناتتاعى اسكەري قىزمەتشىلەرمەن ماماندىق بويىنشا دايارلىق جۇرگىزىلەدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


ول جاۋىنگەرلىك دايارلىق اپتاسىنان كەيىن باستالادى. نەگىزگى ماقسات –اسكەري قىزمەتشىلەردىڭ جەكە قۇرامىنىڭ فۋنكتسيونالدىق مىندەتتەرىن، شتاتتىق قارۋ-جاراق پەن اسكەري تەحنيكانى زەردەلەۋى، اتۋدى، شتاتتىق بايلانىس قۇرالدارىمەن جۇمىس ىستەۋدى جانە العاشقى مەديتسينالىق كومەك كورسەتۋدى ۇيرەتۋ.

ساباقتار ءاربىر اسكەري ماماندىق بويىنشا جەكە وتكىزىلەدى. اسكەري قىزمەتشىلەر وقۋ توپتارىنىڭ قۇرامىندا جۇمىس ىستەيدى. وقىتۋدى حالىقارالىق سايىس پەن وقۋ-جاتتىعۋلاردىڭ قاتىسۋشىلارى مەن جۇلدەگەرلەرى بولىپ تابىلاتىن تاجىريبەلى اسكەري ماماندار، نۇسقاۋشىلار جۇرگىزەدى.

ماسەلەن، تانك بولىمشەلەرىندە كوزدەۋشى-وپەراتورلار سياقتى ماماندار بار.  ولار بەرىلگەن ماقساتتاردى ءدال جانە ناقتى جويا ءبىلۋى جانە ەكيپاج قۇرامىندا ۇيلەسىمدى جۇمىس ىستەي الۋى ءتيىس. «شىعىس» وڭىرلىك قولباسشىلىعىندا اسكەري قىزمەتشىلەرىمەن وسى ماماندىق بويىنشا «تانك بياتلونى» اسكەري حالىقارالىق ويىندارىنىڭ قاتىسۋشىسى جانە بىرنەشە دۇركىن جۇلدەگەرى، كوزدەۋشى – وپەراتور، اعا سەرجانت دميتري الكەنوۆ جۇمىس ىستەيدى. 2017 جىلى قازاقستاندىق تانكيستەر كومانداسى وسى ءىرى جارىستا ەكىنشى ورىندى السا، ال 2019 جىلى ءۇشىنشى ورىندى يەلەندى.  

«ماماندىق بويىنشا دايىندىق كەزىندە ءبىز نىساناشى-وپەراتورلاردى زەڭبىرەكتەن اتۋ جانە ونىمەن قوسارلانعان پۋلەمەتتەن اتۋ ەرەجەلەرىن ۇيرەتۋىمىز كەرەك. نەگىزىنەن كوزدەۋشى-وپەراتوردىڭ ءىس-ارەكەتتەرى ايتارلىقتاي فيزيكالىق جۇكتەمەلەرمەن بايلانىستى. سونىمەن قاتار، ول تانك ەكيپاجىنىڭ مۇشەلەرىمەن تىكەلەي جانە تەحنيكالىق قۇرىلعىلاردىڭ كومەگىمەن تۇراقتى بايلانىستا بولۋى ءتيىس. بۇل قاسيەتتەردىڭ بارلىعى اسكەري قىزمەتشىنىڭ كاسىبيلىگىن ارتتىرۋ جانە ءوز ماماندىعى مەن ۇرىستاعى ماقساتىن دۇرىس ءتۇسىنۋ ءۇشىن قاجەت»، دەپ اتاپ ءوتتى ول.

«شىعىس» وڭىرلىك قولباسشىلىعى اسكەرلەرىنىڭ قولباسشىسى پولكوۆنيك اسان ءجۇسىپوۆ اتاپ وتكەندە بۇنگى تاڭدا دايىندىقتان شامامەن 700 اسكەري قىزمەتشى وتۋدە. ولارعا 500 وقۋ توبى مەن 1100-دەن اسا تاجىريبەلى نۇسقاۋشى-سەرجانت تاڭدالىنىپ الىنىپ، وقۋ-ماتەريالدىق بازا، اسكەري تەحنيكا مەن وق دارىلەر بولىنگەن.

ەلىمىزدىڭ قارۋلى كۇشتەرىندە تەك ساۋاتتى، ءوز ءىسىن جەتىك بىلەتىن جوعارى بىلىكتى ماماندار قىزمەت ەتۋى ءتيىس. ول مەيلى سنايپەر، ۇشقىش نەمەسە تانكيست بولسىن. سوندىقتان اسكەري قىزمەتشىلەردىڭ جاۋىنگەرلىك دايارلىعىنىڭ جەكە ءتۇرى رەتىندە ارنايى دايىندىققا ەرەكشە كوڭىل بولىنەدى.


سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار