رۋحانيات • 10 جەلتوقسان، 2019

كۇلكى كەرۋەنى № 22

3311 رەتكورسەتىلدى

بىردە...

اتاقتى سۋرەتشى رەريحتىڭ شەبەرحاناسىندا ءبىر سىنشى سۋرەتشىنىڭ «تۋىندىسىنا» قاراپ تۇرىپ:

– قانداي عاجاپ دۇنيە! وزىندىك ورنەك، وزگەشە قۇبىلىس قوي مىناۋ! – دەپ تاڭدانىس بىلدىرگەندە رەريح:

– ە، ول انا سۋرەت سالىپ جاتىپ قالامىمدى ءالسىن-ءالسىن تازارتىپ تۇراتىن ورىن عوي... – دەگەن ەكەن.

***

كەڭەستەر وداعىنىڭ حالىق ءارتيسى ماحمۋد ەسامباەۆ 1991 جىلدىڭ ناۋرىز ايىندا تەلەباعدارلاما جۇرگىزۋشى سەرگەي ديتياچەۆكە بۇكىلوداقتىق سىيلىقتىڭ ديپلومىن تاپسىرىپ:

– جوعارعى اتاعىڭ قۇتتى بولسىن! – دەپ قۇتتىقتاعاندا سەرگەي ديتياچەۆ:

– ە، بۇل اتاقتى وسىمەن ءۇشىنشى رەت الۋىم... وسى بۇكىلوداقتىق ءۇش اتاقتى ءبىر عانا «رەسەيدىڭ ەڭبەك سىڭىرگەن ءارتيسى» دەگەن اتاققا ايىرباستاپ الماسقا بولماس پا ەكەن... ايىرما بولسا مەن تولەۋگە ءازىرمىن... – دەگەن ەكەن. 

***

 

 ونورە دە  بالزاك گرافولوگيامەن اينالىسقاندى، ياعني ادامنىڭ جازۋىنا قاراپ مىنەز-قۇلقىن، بولاشاعىن اجىراتۋدى  جاقسى كورگەن ەكەن. ءبىر بيكەش بالزاكقا وقۋشىنىڭ داپتەرىن  كورسەتەدى دە، جازۋىنا قاراپ  وقۋشىنىڭ بولاشاعى تۋرالى ايتىپ بەرۋىن وتىنەدى.

 – ءسىز بۇل بالانىڭ شەشەسىسىز بە؟

 – جوق.

 – وندا مەن بار شىندىقتى ايتا الادى ەكەنمىن: بۇل بالا – جەڭىلتەك، جالقاۋ ءارى توپاس. ونىڭ قولىنان ەش جاقسىلىق كەلمەيدى.

 بيكەش ىشەك-سىلەسى قاتىپ كۇلەدى.

  – بالزاك مىرزا، ءسىز قالايشا  ءوزىڭىزدىڭ جازۋىڭىزدى تانىماي قالدىڭىز؟ بۇل ءسىزدىڭ مەكتەپتە وقىپ جۇرگەندەگى داپتەرىڭىز عوي...

 سول كۇننەن باستاپ  بالزاك گرافولوگيامەن اينالاسۋىن دوعارىپتى.

***

  برەجنەۆ كابينەتىنە كىرگەن سۋسلوۆقا:

  – جولداس سۋسلوۆ، ءسىز مەنىڭ « تىڭ» اتتى كىتابىمدى وقىدىڭىز با؟ – دەيدى.

 ساسىپ قالعان سۋسلوۆ:

  – وقىعاندا قانداي، لەونيد يليچ، ەكى قايتارا وقىپ شىققانمىن، – دەپ كەتۋگە اسىعادى.

  – كىرۋىڭىزدەن كەتۋىڭىز جىلدام بولدى عوي؟ – دەيدى برەجنەۆ.

  – « تىڭىڭىز» عاجاپ كىتاپ، ءۇشىنشى رەت وقىپ شىقسام با دەپ تۇرعانىم، – دەپ شىعا جونەلەدى.

سوندا  لەونيد يليچ ويلانىپ: «ويپىر-اي-ءا، ءبارى عاجاپ كىتاپ دەيدى... قوي، ونى مەن دە وقىپ تاستايىنشى...» – دەپ «تىڭدى» قولىنا الىپتى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار