...بالاباقشا قۇرىلىسى باستالدى
وڭىردەگى باسقا قالالارداعىداي, جەزقازعاندا دا جەتكىنشەكتەردى مەكتەپ جاسىنا دەيىنگى ورىندارعا جاپپاي قامتۋ وزەكتى ماسەلە سانالادى. وسىعان بايلانىستى «بالاپان» مەملەكەتتىك باعدارلاماسى اياسىندا سالىنىپ جاتقان جاڭا بالاباقشا ونى شەشۋدى جەڭىلدەتە تۇسپەك.
بۇگىندە شاھارداعى 3-تەن 6-عا دەيىنگى جانە 2-دەن 3-كە دەيىنگى بۇلدىرشىندەردى ارناۋلى ورىندارعا تاربيەگە تارتۋ 80 پايىز شاماسىندا بولسا, بوي كوتەرىپ كەلە جاتقان قۇرىلىس ولاردىڭ ءبارىنىڭ وسىنداي مەكەمەلەرگە قامتىلۋىن قامتاماسىز ەتەدى.
ايقىن نەسىپباي,
«ەگەمەن قازاقستان».
جەزقازعان.
...قىزمەت كورسەتۋ ورتالىعى
كوكشەتاۋداعى «الاتاۋ» اكىمشىلىك ورتالىعىندا حالىققا قىزمەت كورسەتۋ ورتالىعىنىڭ فيليالى اشىلدى.
– جاڭا ورتالىق كوكشەتاۋلىقتار ءۇشىن وتە ءتيىمدى. بۇرىن باس كەڭسە كۇنىنە 500-600 ازاماتتى قابىلدايتىن. ەندى ۇزىن-سونار كەزەك ازايىپ, قۇجاتتاردى جىلدام رەسىمدەۋگە مۇمكىندىك تۋىپ وتىر. بۇگىندە قىزمەتتىڭ 148 ءتۇرىن كورسەتەمىز, الداعى ۋاقىتتا ونىڭ سانىن 425-كە جەتكىزبەكشىمىز, – دەيدى وبلىستىق حالىققا قىزمەت كورسەتۋ ورتالىعىنىڭ ديرەكتورى شوقان ءابدىلمانوۆ.
سونىمەن قاتار, №1 ءبولىم مەن بۋراباي اۋدانىنداعى ءبولىمشەدە «سonnection ورتالىق» وزىنە ءوزى قىزمەت كورسەتۋ سەكتورى اشىلدى. وسىنىڭ ارقاسىندا ازاماتتار «ەلەكتروندى ۇكىمەت» پورتالى ارقىلى ۇيدە وتىرىپ-اق جۇمىس جاساۋعا مۇمكىندىك الدى. قاناتقاقتى جوبا الداعى ۋاقىتتا بارلىق 22 فيليالدى قامتيدى.
باقبەرگەن امالبەك,
«ەگەمەن قازاقستان».
اقمولا وبلىسى.
...پاتەرلەر –
جاس ماماندارعا
جاقىندا زايسان اۋدانىنىڭ ءبىرجان اۋىلىندا التى پاتەرلى باسپانانى پايدالانۋعا بەرۋگە ارنالعان تۇساۋكەسەر ءراسىمى ءوتىپ, وعان اۋدان اكىمى الماس وڭداقانوۆ, اۋداندىق ءماسليحاتتىڭ حاتشىسى داۋلەت ىدىرىشەۆ, اۋىل تۇرعىندارى قاتىستى. پاتەر العانداردىڭ قاتارىندا «ديپلوممەن – اۋىلعا!» باعدارلاماسىمەن قىزمەت جولىن باستاعان ۇستاز, دارىگەر, كىتاپحاناشى, اكىمشىلىك ماماندارى بار.
اۋدان اكىمى پاتەر كىلتىن العانداردى قۋانىشتارىمەن قۇتتىقتاپ, دارحان قاسىمحان ۇلى باستاعان قۇرىلىسشىلارعا العىسىن ايتتى. سول كۇنى كورشىلەس دايىر اۋىلىندا فۋتبول الاڭى دا اشىلدى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.
