رۋحانيات • 09 جەلتوقسان، 2019

سايرايدى بۇلبۇل...

105 رەتكورسەتىلدى

استانا كەشى بۇگىن ءتىپتى ەرەكشە قۇلپىرىپ كەتكەندەي. كوشە بويىنا قازداي تىزىلە بوي تۇزگەن سامالاداي جارقىراعان تۇنگى قالا شامدارى دا شاھار كوركىنە كورىك ۇستەپ، ايرىقشا سىرشىلدىق سىيلاپ تۇر. ارقانىڭ ايازىنا قاراماستان، شوق-شوق گ ۇلىن قولتىقتاي «استانا وپەرا» تەاترىنا قاراي اعىلعان جۇرتتىڭ قاراسىندا شەك جوق. ءيا، بۇگىن ايتۋلى كۇن، تاريحي ءسات. وپەرا ساحناسىنىڭ اڭىزعا اينالعان تۇلعاسى، سوتسياليستىك ەڭبەك ەرى، كسرو حالىق ءارتىسى، كسرو مەملەكەتتىك سىيلىعىنىڭ لاۋرەاتى بيبىگۇل تولەگەنوۆا 90 جىلدىق مەرەيتويىن اتاپ وتەدى مۇندا.

قازاقتىڭ بۇلب ۇلى اتان­عان اڭىز ءانشىنىڭ ايتۋلى كە­شىندە ونەردى شىن تۇسىنەتىن تالعامپاز قاۋىم باس قوستى. ءسانى مەن سالتاناتى جاراسقان وپەرا تەاترىنىڭ كەڭ فويەسى مۋ­زىكاعا ىڭكار كوڭىلدەردىڭ جارقىن ەموتسياسىمەن ءتىپتى جارقىراپ كەتكەندەي. اسىرەسە ساراي تورىنە قويىلعان ءانشىنىڭ شىعارماشىلىق ومىرىنەن سىر شەرتەتىن فوتوكورمە تۇتاس ءبىر ءدا­ۋىردىڭ تىنىسىن پاش ەتىپ تۇر. وتكەن عاسىردىڭ مۋزى­كا­لىق ءداستۇرى مەن بۇگىنگى كلاس­سيكالىق قازاق ءان ونەرىنىڭ التىن كوپىرىنە اينالعان اڭىز ءانشىنىڭ قايتالانباس ونەرى جاستىڭ دا، جاسامىستىڭ دا كوڭىلىن ەرەكشە تولقىتىپ، تاماشا كەشتىڭ كۋاسى بولۋعا اسىق­تىرا بەرگەن. سالتاناتتى شارانى مادەنيەت جانە سپورت ءمينيسترى اقتوتى رايىم­قۇ­­لوۆا مەملەكەت باسشىسى قاسىم-جومارت توقاەۆتىڭ قۇت­­­­تىق­تاۋ حاتىمەن اشىپ بەر­دى.

«قۇرمەتتى بيبىگۇل احمەت­قىزى، ءسىزدى تورقالى 90 جاسقا تولعان مەرەيتويىڭىزبەن شىن جۇرەكتەن قۇتتىقتايمىن. ءسىز قازاق ونەرىنىڭ اسقار شى­ڭىنا كوتەرىلىپ، ۇلتتىق ما­دەنيەتتىڭ دامۋىنا زور ەڭ­بەك ءسىڭىردىڭىز. ءوزىڭىزدىڭ تا­بيعي دارىنىڭىزبەن، اسەم داۋىسىڭىزبەن ەلىمىزدىڭ بۇل­بۇل انشىسىنە اينالدىڭىز. ونەردەگى جولىڭىز ەلىمىزدەگى ورىنداۋشىلىق مەكتەپتىڭ ور­كەندەۋىنە جول اشىپ، كەيىنگى جاس ونەرپازدارعا تەمىر­قا­زىق­­تاي جول سىلتەپ كەلەدى. ولار سىزگە قاراپ بوي تۇزەيدى، سىزگە ەلىكتەيدى. حالقىمىز ءوزى­­ڭىزدى ۇلكەن ونەر يەسى عانا ەمەس، تانىمال قايراتكەر تۇل­عا رەتىندە دە جاقسى بىلەدى جا­نە قۇرمەتتەيدى. قازاق مادە­نيەتىنىڭ كەڭ قانات جايىپ، كوكجيەگىنىڭ كەڭەيۋىنە ءسىزدىڭ قوسقان ۇلەسىڭىز وراسان زور دەپ بىلەمىن. حالىقتىڭ ماحابباتى مەن قوشەمەتىنە بولەنىپ جۇرە بەرىڭىز»، دەلىنگەن قۇتتىقتاۋ حاتتا.

مەرەيلى كەشتىڭ شىمىل­دىعى احمەت جۇبانوۆ پەن لاتيف ءحاميديدىڭ «اباي» وپە­­راسىنداعى «تويباستار» كو­رىنىسىمەن ءتۇرىلدى. تەاتر ار­­­تىستەرىنىڭ ورىنداۋىنداعى تا­ماشا حور-شاشۋ زيالى مۋ­زىكا تويىنىڭ شىرايىن اشا تۇس­كەندەي. «استانا وپە­را­نىڭ» ۇلكەن زا­لىنا ينە شان­شار ورىن قالدىرماي لىق تولعان تال­عامپاز تىڭدارماننىڭ قو­شەمەتىنە بولەنگەن مەرەي­توي يەسى ساحنا تورىنە كوتە­رى­لىپ، قايتالانباس ۇنىمەن قىز جىبەكتىڭ «گاككۋىن» قۇي­قى­لجىتتى. بۇلبۇل ءانشى­نىڭ ورىنداۋىنداعى ع.تو­قاي سو­­زىنە جازىلعان تاتار­دىڭ «تافتيلياۋ» مەن ن.لى­سەن­كونىڭ «ناتالكا-پولتاۆكا» وپە­راسىنداعى ناتالكانىڭ اريا­سىن دا كورەرمەن زور ىقى­لاسپەن قارسى الىپ، تىك تۇرىپ قوشەمەت كورسەتتى.

ءيا، عالامات كونتسەرتكە جي­نالعان قالىڭ كورەرمەن ءۇشىن عانا ەمەس، قازاقتىڭ بۇل­­­ب ۇلىمەن ءبىر ساحنادا ونەر كورسەتۋ جاس ونەرپازدار ءۇشىن دە، تاجىريبەلى ونەر ماي­­­­تال­ماندارى ءۇشىن دە زور مارتەبە ەكەنى ءسوزسىز. مەرە­كە­لىك كەشتى ودان ءارى ۇستازىن قۇت­تىقتاي كەلگەن وپەرا ونە­­رىنىڭ ءبىر توپ تالانتتى شو­­عى­­رى جالعاپ اكەتتى. مە­رەي­­­لى مۋزىكا كەشىندە دينا حام­زينا، جاننات باقتاي، مە­­دەت شوتاباەۆ، ازامات جىل­­­­تىرگوزوۆ باستاعان وپەرا ونە­­رىنىڭ شەبەرلەرىمەن قاتار، يتا­­ليادان ارنايى كەلگەن ءان­شى، بيبىگۇل تولەگەنوۆا اتىن­داعى بايقاۋدىڭ گران-پري يەگەرى كوزيمو ورەستە، سونداي-اق دارىندى جاس ارتىستەر – نا­زىم ساعىنتاي، گۇلجانات سا­پاقوۆا، مەيىر باينەش، گۇل­دانا الدادوسوۆا جانە تا­عى دا باسقا انشىلەر تاماشا ونەرىن تارتۋ ەتتى. اسىرەسە يتا­ليالىق ءانشى كوزيمو ورەس­تەنىڭ ورىن­داۋىنداعى اباي­دىڭ «مەن كوردىم ۇزىن قايىڭ قۇ­لاعا­نىن» ءانى تالعامپاز تىڭ­­دار­مان­دى ءتانتى ەتكەنى ءسوزسىز. كلاس­­سيكالىق مۋزىكا كە­شىنىڭ سو­ڭىنان ءسوز العان مە­رەي­توي يەسى حالىق الدىنا شى­عىپ باس ءيىپ، 60 جىلدان اسا قوشە­مە­تى­مەن ەركەلەتىپ كەلە جاتقان بار­شا تىڭدارمانىنا العىسىن جەتكىزدى.

– حالقىمنىڭ ىستىق ماحابباتى مەن شەكسىز قوشەمەتىن شىعارماشىلىعىما، ونەرىمە بەرىلگەن ۇلكەن باعا دەپ بىلەمىن. سوندىقتان مەن تالعامپاز تىڭ­دارماندارىمنىڭ الدىندا وراسان زور جاۋاپكەرشىلىكتى سەزىنەمىن. ساحناعا ءار شىققان سايىن تولقىپ تۇرامىن. ەن­دەشە بۇگىنگى كونتسەرتتى دە سول اسا مارتەبەلى تىڭدارمان­دا­رىمنىڭ الدىنداعى تاعى ءبىر تاماشا ەسەپ بەرۋىم دەپ قابىل الارسىزدار. بۇل تەك قانا مەنىڭ كەشىم ەمەس، مەنىمەن بىرگە ءبىر ساحنادا ونەر كورسەتىپ، سىرلاس، سىيلاس بولعان روزا جامانوۆا، ەرمەك سەركەباەۆ باستاعان بار­شا ءان الىپتارىنىڭ رۋحىنا باعىشتالعان تاعىلىم كەشى. ارداقتى حالقىم، اياۋلى تىڭدارماندارىم، مەنىڭ سىزدەرمەن عانا ونەرىم ۇستەم، مەرەيىم بيىك. بارلىعىڭىزعا باسىمدى ءيىپ العىسىمدى بىل­دىرەمىن. قۇداي تاعالا بىز­گە قايعى كورسەتپەسىن، بەي­بىت ءومى­رىمىز بۇزىلماي، بار­لى­عىمىز امان بولايىق»، دەدى بيبىگۇل تولەگەنوۆا.

شىمىلدىق جابىلدى. جا­رىق ءوشتى. بىراق قۇلاقتا قال­عان قۇيقىلجىعان بۇلبۇل ءۇن جۇرەككە ءسىڭىپ، الدەقاشان كو­­ڭىل تۇكپىرىنە ورنىعىپ ال­عان­داي. سوعىلعان شاپالاق تولاس­تار ەمەس...

سوڭعى جاڭالىقتار

ۇلتتىق كينوداعى كارانتين

ايماقتار • بۇگىن، 16:56

ۇقساس جاڭالىقتار