رۋحانيات • 05 جەلتوقسان، 2019

كۇلكى كەرۋەنى № 19

3423 رەتكورسەتىلدى

ء*ازىل اڭگىمە

   ساڭىراۋعا سالەم بەرسەڭ...

– اسسالاۋماعالەيكۇم، قيسىق! ءتىرىمىسىڭ؟ سەنى ولگەلى جاتىر دەپ ەدى عوي. ولەتىن بولساڭ مىنا قيىن زاماندا وكىمەتكە تەككە ماسىل بولماي، نەگە تەزىرەك كەتپەيسىڭ؟ بازارگۇل قۇرداس قالاي، بابىندا ما؟

– كوبىكپىسىڭ؟ اۋزىڭدى جىبىرلاتىپ نە وتتاپ تۇرسىڭ؟

– ءتىرىمىسىڭ دەيمىن. بازارگۇل قۇرداس قالاي دەيمىن، قۋ ساڭىراۋ.

– نەمەنە؟ بازارعا باردىم دەيدى. بازار كۇيىپ تۇرعان شىعار. ەتتىڭ باعاسى قالاي؟

– بازارىڭ نە، ءاي سەنىڭ؟ قايداعى بازاردى ايتىپ تۇرسىڭ؟ ەتتى قايتپەكسىڭ؟ ەتسىز دە ولمەيسىڭ.

– نەمەنە؟

– ەتسىز دە  ولمەيسىڭ دەيمىن.

 – بەتسىز دەيدى. بەتسىزدىك سەنەن ءوتىپ، ماعان جەتىپ پە؟ كورىنگەننىڭ مالىن ۇرلاپ، قىر اسىرىپ، تۇك كورمەگەندەي ءمۇلايىمسىپ، بايىپ جاتقان كورىنەسىڭ عوي. قازىرگى زاماندا بەتسىزدەر بايىماسا، ءجونى ءتۇزۋ ادام باي ما؟

 – اۋ، ساعان بەتسىز دەگەن بىرەۋ بار ما؟ قايداعى بايلىقتى ايتىپ وتىرسىڭ؟ جاز بويى اۋزىمىز نە قانتقا، نە شايعا جارىمادى. كۇزدە اناۋ قۇنان وگىزدى ايىرباستاماعاندا ءبىتىپ ەك.

 – نەمەنە؟

 – ەندى  بولماعاندا ءبىتىپ ەك دەيمىن، قۋ ساڭىراۋ، ءبىتىپ ەك.

–ۇكىمەت دەيدى! ۇكىمەتتە نەڭ بار؟ ۇكىمەت حالىقتى قالاي جەتكىزەمىن دەپ جانتالاسىپ-اق جاتىر عوي. جەتپەسە، ەندى قايتسىن. ۇكىمەت نە ىستەسە دە، ءبىلىپ ىستەيدى. بىلمەيتىن ادام ۇكىمەت بولا الا ما؟ ۇكىمەتتە شارۋاڭ بولماسىن.

 – قاپ، مىنا ساڭىراۋ قۇرتتى-اۋ. ءاي ساعان ۇكىمەت دەگەن  كىم بار؟ ۇكىمەت ءبارىن بىلەدى  دەيدى. بىلگىش بولسا، ايتسىنشى، بيىل مەنىڭ بالام  مەكتەپكە نەلىكتەن بارماي قالدى؟

 – نە وتتاپ تۇرسىڭ؟

 – ءوي، ۇكىمەت بىلگىش بولسا ايتسىنشى، بيىل مەنىڭ بالام مەكتەپكە نەلىكتەن بارماي قالدى دەيمىن، نەلىكتەن بارماي قالدى؟

 – سارى ماي قايدان بولسىن. ەكى-ءۇش سيىردىڭ ءبارىن سويىپ، كور-جەرگە ايىرباستاپ قۇرتقانبىز.قارا شايعا قاراپ قالدىق.

 – قاپ، مىنا ساڭىراۋعا قايدان عانا كەلىپ ەم. ءاي، سەنەن كىم سارى ماي سۇراپ  تۇر. سارى مايىڭ نە؟ قارا شاي ىشسەڭ قاتىپ قالارمىن دەيسىڭ بە؟ قايتا قارا شايىڭ بار ەكەن.

 – قاراسايعا باردىم دەيدى. ونداعىلار قالاي ەكەن؟

 – قوي مىنا ساڭىراۋعا داۋا بولماس. ءيا، قاراسايعا باردىم. ءبارى دە جاقسى.

 – نەمەنە؟

 – جاقسى عوي دەيمىن.

 – جاقىباي دەيدى. ول يت نە ىستەپ ءجۇر ەكەن؟

 – ءيا، جاقىباي دەيمىن. ول يت پالە عوي. جاڭا كاسىپكە ماشىقتانىپ الىپتى. شاش قيىپ، ساقال الامىن دەيدى.

 – نە قىلام دەيدى.

 – ساقال الامىن دەيدى.

 – توقال الامىن دەيدى؟.

 – ءيا، توقال الامىن دەيدى. ءوزى ءتىپتى قۋتىڭ-قۋتىڭ ەتەدى. اجارلانىپ الىپتى. ءتۇرى تۋرا جيىرماداعى جاس سياقتى.

 – نەمەنە؟

 – ءوي، جيىرماداعى جاس سياقتى دەيمىن، جاس سياقتى.

 – ماس سياقتى دەيمىسىڭ؟

 – ءيا، ماس سياقتى.

 – اۋ؟

 – نەمەنە، اۋ؟ ماس سياقتى دەگەن جوقپىن با ەندى. اتاڭنىڭ باسىنا اۋ-اۋلاپ وتىرسىڭ با؟

 – نەمەنە؟

 – و، قۇداي!  بۇل تاسكەرەڭنىڭ كوڭىلىن سۇرايمىن دەپ  نەم بار ەدى. ءاي، قۋ ساڭىراۋ، سەنى جۇرت ولەيىن دەپ جاتىر دەپ ءسۇيىنشى سۇراپ ءجۇر ەدى عوي. انانى دا، مىنانى دا «اۋ»،  «ماۋ» دەپ جۇيكەسىن ءجۇن قىلساڭ قايتسىن ەندى. حالىقتى وتىرىكشى، قارابەت قىلماي، نەگە كەتپەيسىڭ؟ وكىمەت تە ءبىر  ماسىلدان تەزىرەك قۇتىلار ەدى. انا جاققا دا ءبىر ساڭىراۋ  كەرەك شىعار.

 – نە وتتاپ تۇرسىڭ؟

 – ءوي، كەتپەيسىڭ بە دەيمىن. شىرەنىپ نەعىپ جاتىرسىڭ، كەتپەيسىڭ بە؟

 – ەكپەيسىڭ بە دەيدى. نەنى ەگۋىم كەرەك ەدى مەنىڭ؟

 – ءيا، ەكپەيسىڭ بە.  ەگەتىن نارسە تاپپاي ءجۇرسىڭ بە؟ كارتوپ ەك، ماركوۆ ەك، ءسابىز ەك، قاربىز ەك، قيار ەك، اناۋ ساڭىراۋ قۇلاعىڭدى ەك، ەك، ەك، ەك، ەك...

 – اۋ؟

 – و، اتاڭنىڭ...

 – الگى وسى نە وتتاپ كەتتى؟ ءوزىنىڭ ەسى  دۇرىس ەمەس-اۋ دەيمىن. مىناۋسى كىم-ەي، ە، ءبىر قىزىمنان ءبىر قىزىم سوراقى دەمەكشى، مىلجىڭنان  قۇتىلىپ، قىرتقا تاپ كەلدىم بە... كىرسىن بەرمەن...

                                                                   

دامەر ءابىش

قوستاناي

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

ۇقساس جاڭالىقتار