تاراپتار «ExxonMobil» كومپانياسىنىڭ قازاقستانداعى قىزمەتىن, سونىڭ ىشىندە كومپانيانىڭ تەڭىز, قاشاعان جانە وزگە جوبالارىنداعى قاتىسۋىن, سونداي-اق ينۆەستيتسيالىق ىنتىماقتاستىقتى كەڭەيتۋ بويىنشا جوسپارلارىن تالقىلادى.
م. تىلەۋبەردى «ExxonMobil» كومپانياسىنىڭ قازاقستاننىڭ مۇناي-گاز سالاسىن دامىتۋداعى جانە قازاقستان رەسپۋبليكاسى پرەزيدەنتىنىڭ جانىنداعى شەتەلدىك ينۆەستورلار كەڭەسىنىڭ قىزمەتىن قامتاماسىز ەتۋدەگى ۇلكەن ءرولىن اتاپ ءوتتى.
ءوز كەزەگىندە, د. سيۆاسامبۋ ەلدىڭ ينۆەستيتسيالىق كليماتتى جاقسارتۋ جانە شەتەلدىك ينۆەستورلار ءۇشىن قولايلى جاعدايلار جاساۋ بويىنشا جۇرگىزىپ جاتقان جۇمىستارىن جوعارى باعالايتىندىعىن اتاپ ءوتتى.
«ExxonMobil» كومپانياسى قازاقستانداعى قىزمەتىن 1993 جىلى باستاپ, ەل ەكونوميكاسىنا ەنگەن ءىرى باتىس مۇناي ينۆەستورلارىنىڭ ءبىرى بولدى. قۇيىلعان ينۆەستيتسيا كولەمى 22 ملرد. اقش. دولل قۇرايدى. كومپانيا مۇناي مەن گازدى بارلاۋ, يگەرۋ جانە تاسىمالداۋ سەكىلدى باعىتتاردا جۇمىس ىستەيدى.
