سونداي جاڭا عيماراتتىڭ ءبىرى كەگەن اۋدانىنىڭ ورتالىعىندا اشىلعان بولاتىن. اۋداندىق ورتالىق اۋرۋحانانىڭ جانىنان سالىنىپ, پايدالانۋعا بەرىلگەن ەمحانا قازىر ءوڭىر تۇرعىندارىنا قىزمەت كورسەتۋدە. جاڭا زامانعى تالاپپەن سالىنعان عيمارات دارىگەرلەردىڭ جۇمىس ىستەۋىنە قولايلى. كۇنىنە 250 ادامدى قابىلداۋعا لايىقتالعان ەمحانا تالاپقا ساي قۇرىلعىلارمەن جابدىقتالعان.
– كەگەن اۋدانى بويىنشا اۋداندىق اۋرۋحانا, 2 اۋىلدىق اۋرۋحانا, 9 دارىگەرلىك امبۋلاتوريا, 5 فەلدشەرلىك پۋنكت, 11 مەديتسينالىق بولىمشە تۇرعىنداردىڭ دەنساۋلىعىنا جاۋاپتى. اۋداندا وعارى ءبىلىمدى 59 دارىگەر, ورتا بۋىندى 262 مەديتسينا قىزمەتكەرى بار. ورتالىقتان جاڭا ەمحانانىڭ اشىلۋى قىزمەت كورسەتۋ ساپاسىن جاڭا بيىككە كوتەردى. ءبىر مەزەتتە 250 ناۋقاستى قابىلداي الامىز. مامان دارىگەرلەرگە دە قولايلى جاعداي جاسالدى,- دەيدى كەگەن اۋداندىق اۋرۋحاناسى باس دارىگەرىنىڭ ەمدەۋ ءىسى جونىندەگى ورىنباسارى گۇلميرا مۇقانوۆا.
الماتى وبلىسى
