وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى ولجاس ساپاربەكوۆتىڭ ايتۋىنا قاراعاندا, جالپى كورسەتكىشى جوعارى بولعانىمەن, وبلىس وڭىرلەرىندە ينۆەستيتسيا تارتۋ ءىسى تەڭ ەمەس.
«مىسالى, وتكەن جىلعى ون ايمەن سالىستىرعاندا رۋدنىي قالاسى مەن قوستاناي, امانگەلدى, جانگەلدين اۋداندارىندا ينۆەستيتسيا تارتۋ تومەندەگەن, ونىڭ ەسەسىنە جىتىعارا, مەڭدىعارا, قارابالىق, التىنسارين اۋداندارىندا ينۆەستيتسيا كولەمى وسكەن» دەدى ولجام ساپاربەكوۆ. 2010 جىلدان باستالعان يندۋسترياليزاتسيالاۋ مەملەكەتتىك باعدارلاماسى اياسىندا وبلىستا قۇنى 150 ملرد تەڭگە بولاتىن 91 جوبا جۇزەگە اسىپ, 6 مىڭنان اسا جۇمىس ورنى اشىلدى.
وبلىستىڭ نەگىزگى كاپيتالىنا تارتىلعان ينۆەستيتسيالىق قارجىنىڭ ارقاسىندا قوستاناي قالاسىندا يندۋستريالىق ايماق پايدا بولدى. وندا قازىر 400 ملرد تەڭگەلىك 15 جوبا ورنالاستىرىلعان. «بەلارۋس» جانە «كيروۆەتس» تراكتورلارى قۇراستىرىلا باستادى. اۋىل شارۋاشىلىعى سالاسىندا شەتەلدىك ارىپتەستەرمەن بىرلەسىپ قولعا العان «Bio Grain» زاۋىتىنىڭ قۇرىلىسى ءجۇرىپ جاتىر. ول اۋىل شارۋاشىلىعى ونىمدەرىن تەرەڭدەتە وڭدەيتىن بولادى.
