ەسىل اۋدانىندا بيزنەستىڭ الەۋمەتتىك جاۋاپكەرشىلىگى اياسىندا 67 مەموراندۋمعا قول قويىلدى. مۇنداعى ەرىكتى تۇردەگى ءوزارا ءتيىمدى ىنتىماقتى مامىلە بيزنەس وكىلدەرىنىڭ ايماقتاعى ماڭىزدى ماسەلەلەردى شەشۋگە مۇددەلىگىن كوزدەيدى.
قازىردىڭ وزىندە جەرگىلىكتى كاسىپكەرلەر الەۋمەتتىك سالانى دامىتۋعا 45 ميلليون تەڭگە ءبولىپ وتىر. بۇل قارجىنىڭ 12,8 ميلليون تەڭگەسى ءبىلىم بەرۋ مەكەمەلەرىنىڭ, 4,9 ميلليون تەڭگەسى – دەنساۋلىق ساقتاۋ, 1,7 ميلليون تەڭگەسى مادەنيەت پەن سپورت, 651 مىڭ تەڭگەسى الەۋمەتتىك قورعاۋ جۇيەسىنىڭ يگىلىگىنە جاراتىلادى. ورتاق مامىلەدەگى نەگىزگى جوبالار باستاۋىش سىنىپ وقۋشىلارىن ىستىق تاماقپەن قامتاماسىز ەتۋ, شاعىن ورتالىقتاردىڭ جۇمىسىن ۇيلەستىرۋ, ەلدى مەكەندەردى اباتتاندىرۋ مەن سانيتارلىق تازالىعىن قاداعالاۋ شارالارىنا, الەۋمەتتىك مەكەمەلەرگە جوندەۋ جۇرگىزۋ جانە مۇنداعى قىزمەتكەرلەرگە قارجىلاي قولداۋ كورسەتۋگە باعىتتالعان.
ماڭىزدى ينفراقۇرىلىمداردى دامىتۋ ىسىندە «نوۆو-پريرەچنوە», «زارەچنوە», «اگرو-ولديۆي», «ەسىل-مان», «قۇماي-ەسىل», «قالقامان-ەل», «قاراكول اف» جاۋاپكەرشىلىگى شەكتەۋلى سەرىكتەستىكتەرى مەن «تىنەي», «قىمبات», شارۋا قوجالىقتارى ەلەۋلى ۇلەس قوسۋدا. ماسەلەن, «نوۆو-پريرەچنوە» جشس ءوتكەن بەس ايدا 33,3 ميلليون تەڭگەنىڭ 12 مەموراندۋمىنا قول قويىپ, ءوز ءمىندەتتەمەلەرىن جاۋاپكەرشىلىكپەن اتقارا ءبىلدى. اۋىلدا كۇردەلى ءجوندەۋدەن وتكىزىلگەن مەديتسينالىق پۋنكت, «سولنىشكو» بالالار باقشاسى, قوعامدىق مونشا جۇرتشىلىقتىڭ كوز قۋانىشىنا اينالدى.
باقبەرگەن امالبەك,
«ەگەمەن قازاقستان».
اقمولا وبلىسى.
