قازاقستاننىڭ ارمەنياداعى ەلشىلىگىنىڭ مالىمەتتەرى بويىنشا اتالعان جيناققا 16-21 عاسىرلار ارالىعىنداعى قازاقستاندىق جازۋشىلار مەن اقىنداردىڭ ءتۇرلى جانرلارىنداعى ادەبي شىعارمالار كىردى. مۇندا ادەبيەتتانۋ جانە عىلىمي ماقالالار بار.
ارميان تىلىنە اۋدارۋ مەن قۇرىستىرۋشى رەتىندە م.ابوگيان اتىنداعى ادەبيەت ينستيتۋتى مەن ەرەۆان مەملەكەتتىك ۋنيۆەرسيتەتى بولدى. كوركەم اۋدارماسى مەن باسىلىمدى دايىنداۋعا تاجىريبەلى ارميان ماماندارى ات سالىستى.
ەكى مەملەكەتتىڭ بۇگىنگى تاريحىندا تۇڭعىش رەت ۇلى قازاق كلاسسيكتەرى مەن ادەبيەت شەبەرلەرى وۆاننەس تۋمانيان مەن حاچاتۋر ابوۆياننىڭ تىلىندە - اباي قۇنانباەۆ, شاكارىم, ماعجان جۇماباەۆ, ءىلياس جانسۇگىروۆ, جامبىل جاباەۆ, مۇقاعالي ماقاتاەۆ, تايىر جاروكوۆ جانە باسقادا ۇلى پەرزەنتتەرى سويلەپ كەتتى. الايدا, بۇل قازاق ادەبيەتىنىڭ كورنەكتى شىعارماشىلاردىڭ تولىق ءتىزىمى ەمەس. جالپى, بۇل جيناققا 100-دەن استام شىعارما ەندى.
قازاقستاننىڭ ارمەنياداعى ەلشىسى ت. ورازاەۆ ءوزىنىڭ سوزىندە, اتالعان جوبا 2017 جىلعى ساۋىردە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن ىسكە اسىرىلىپ كەلە جاتقان «رۋحاني جانعىرۋ» اتتى مەملەكەتتىك باعدارلاماسى ارقاسىندا ورىندالعانىن اتاپ كەتتى. ونىڭ نەگىزگى ماقساتى قازىرگى الەمدە ۇلتتىڭ باسەكەگە قابىلەتتىلىگى مەن مادەني جانە زياتكەرلىك الەۋەتىمەن انىقتالاتىندىعىندا جاتىر. وسى تۇرعىدا ەلشى ماسكەۋ مەملەكەتتىك ۋنيۆەرسيتەتى جارىققا شىعارعان ەكى تومدىق انتولوگيا جيناعىنا نازار اۋداردى. سول جيناقتا اتالعان شارا اياسىندا ارميان قاۋىمىنا ۇسىنىلدى.
ءبىلىم, عىلىم, مادەنيەت جانە سپورت ءمينيسترىنىڭ ورىنباسارى ا.حزماليان ءوزىنىڭ قۇتتىقتاۋ سوزىندە الەمدىك ونەر ۇدەرىسىنىڭ بىرىكتىرۋ شەڭبەرىندە ايقىن كورىنىپ تۇرعان قازاق ادەبيەتى ۇلتتىق بىرەگەيلىكتى قالىپتاستىرۋ, مادەنيەتارالىق ۇنقاتىسۋدى دامىتۋ جانە الەمدىك ساحنادا قازاق ەلىنىڭ رۋحاني وڭ كەلبەتىن نىعايتۋ ءۇشىن ستراتەگيالىق تۇرعىدان تۇراقتى ەكەندىگىن اتاپ ءوتتى. بۇعان سەبەپ – ەلشىلىكتىڭ قولداۋىمەن جارىق كورگەن انتولوگيا.
ارنايى وسى شاراعا قازاقستاننان كەلگەن قوناق, جازۋشىلار وداعى توراعاسىنىڭ ورىنباسارى ب.جاقىپ ءوز سوزىندە قازاق جازۋشىسى نەمەسە اقىنىنىڭ ولەڭدەرى نەمەسە شىعارمالارى ءارتۇرلى تىلدەرگە اۋدارىلعان كەزدە عانا سۇرانىسقا يە بولادى دەپ مالىمدەدى. «بۇگىنگى انتولوگيا - ارميان-قازاق مادەني-گۋمانيتارلىق ىنتىماقتاستىعىن ودان ءارى نىعايتۋعا قوسىلعان باعاسىز ۇلەس»-دەدى ەلىمىزدىڭ جازۋشىسى.
باسىلىمنىڭ باس قۇراستىرۋشىسى, ادەبيەت ينستيتۋتىنىڭ ديرەكتورى ۆ.دەۆريكيان ءوز سوزىندە ەكى ەل حالىقتارىنىڭ شىعارماشىلىق الەۋەتىن دامىتۋ جولىندا ماڭىزدى ورىن الاتىن قازاقستان مەن ارمەنيا اراسىنداعى ادەبي سۇحباتتاسۋدى جانداندىرۋ ماسەلەسىنە توقتالدى.
جاقىن كۇندەرى ەرەۆاننىڭ اتاقتى «Bzez» باسپاسىنان 300 تارالىممەن شىققان جيناق ارمەنيانىڭ 2 ميلليون ادام قامتيتىن جەتەكشى كىتاپحانالارى مەن جوعارى وقۋ ورىندارىنا, سونداي-اق قازاقستاندىق ۋنيۆەرسيتەتتەر, ۇيىمدار مەن قورلارىنا جەتكىزىلەدى.
الماتى
