وسى ورايدا, الماتى وبلىسىندا قالىپتى نان باعاسىنىڭ وسۋىنە جول بەرمەۋ ماقساتىندا «جەتىسۋ» الەۋمەتتىك-كاسىپكەرلىك كورپوراتسياسى تۇراقتاندىرۋ قورىنىڭ قاراجاتى ەسەبىنەن 6 مىڭ توننا كولەمىندە ءبىرىنشى سۇرىپتى بيداي ۇنىن ساتىپ الدى. بۇگىندە «جەتىسۋ» الەۋمەتتىك-كاسىپكەرلىك كورپوراتسياسى, اۋدان اكىمدىكتەرى جانەناۋبايحانالار اراسىندا ۇن جەتكىزۋ جونىندە اگەنتتىك كەلىسىم جاسالعان.
ال ناۋبايحانالارعا ارزان باعامەن جونەلتىلەتىن ۇن جەرگىلىكتى «ازيااگروفۋد» كاسىپورنىنان ساتىپ الىنۋدا. زاۋىت الماتى وبلىسىندا قالىپتى نان باعاسىن تۇراقتاندىرۋعا باعىتتالعان ءىس-شارالارعا ۇنەمى قاتىسىپ كەلەدى.
- بۇگىنگە دەيىن الماتى وبلىسىنىڭ اۋداندارىنىڭ باسىم بولىگىنە 500 توننادان استام توننا ۇن جىبەردىك. الداعى ۋاقىتتا بارلىق ناۋبايحانالار جوعارى ساپالى ۇنمەن تۇراقتى تۇردە قامتاماسىز ەتىلەدى. قازىر شامالعان ستانساسىنان تالدىقورعان قالاسىنا, الاكول جانە قاراتال اۋداندارىنا 4 ۆاگون ۇن جونەلتىلۋدە, - دەيءدى «ازيااگروفۋد» اق باسقارما توراعاسى سايان اشەنوۆ.
ءوز كەزەگىندە «جەتىسۋ» الەۋمەتتىك-كاسىپكەرلىك كورپوراتسياسى ۇن شىعارۋشى كاسىپورىننان ءونىمءنىڭ كيلوگراممىن 130 تەڭگەدەن ساتىپ الۋدا. ال ناۋبايحانالار ءۇشىن ۇن باعاسى 90 تەڭگەدەن بەلگىلەندى. وسىلايشا, مەملەكەت ناۋبايحانلار جۇمساعان ۇننىڭ ءاربىر كيلوگرامم ءۇشىن 40 تەڭگەدەنسۋبسيديا ءبولىپ وتىر.
- بۇنداي باعا ناۋبايحانالاردىڭ قالىپتى ناننىڭ وزىندىك قۇنىن 80-85 تەڭگەدەن اسىرماۋعا مۇمكىندىك بەرەدى. ۇنعا دەگەن سۇرانىس وتە جوعارى.بۇل باعانىڭ تومەندىگىمەن عانا ەمەس, ساپاسىمەن دە بايلانىستى. قازىرگى ۋاقىتتا كورپوراتسيا, اۋدان اكىمدىكتەرى مەن ناۋبايحانالار اراسىندا ۇن جەتكىزۋ تۋرالى 38 كەلىسىم جاسالدى, - دەءيدى «جەتىسۋ» الەۋمەتتىك-كاسىپكەرلىك كورپوراتسياسى مەملەكەتتىك باعدارلامالاردى جۇزەگە اسىرۋ جونىندەگى دەپارتامەنتتىڭ ديرەكتورى باحتيار سەمبەكوۆ.
