الىپتىڭ جاڭا تىنىسى اشىلادى

بۇرىن اتىراۋ مۇناي وڭدەۋ زاۋىتىندا العاش رەت جاپونيانىڭ «مارۋبەني كورپورەيشن» كومپانياسى قايتا جاڭعىرتۋ جوباسىن ىسكە اسىرعان ەدى. ەندى  اتالعان زاۋىتتا قىتايدىڭ «ءSىNOPEC ءEngىneerىng» كومپانياسى حوش ءيىستى كومىرسۋتەكتەر شىعاراتىن كەشەن قۇرىلىسىن قولعا الدى. بۇل جوبا قۇرىلىسى باستالماس بۇرىن, ياعني 2009 جىلعى قازاندا ءاتموز جانە «SINOPEC Engineering» كومپانياسىنىڭ باسشىلارى ءوزارا شارتقا قول قويدى. جوبا بويىنشا جاڭا كەشەنگە سالىناتىن ينۆەستيتسيالىق قارجىنىڭ كولەمى 1 ميلليارد 40 ميلليون اقش دوللارىن قۇرايدى. قازىر زاۋىت اۋماعىنداعى 17 قۇرىلىس الاڭىندا قايناعان ەڭبەكتىڭ كورىگى قىزا ءتۇستى. وسىنشا الاڭداعى  قۇرىلىس-مونتاج جۇمىستارىنىڭ باس مەردىگەرى تاراپىنان زاۋىتقا قاجەتتى ءىرى كولەمدى, سونىمەن بىرگە, قوسالقى جابدىقتاردى جەتكىزۋ باستالدى. تاياۋدا قىتايلىق «SINOPEC Engineering» كومپانياسى زاۋىتقا س602 ا/ۆ مودۋلىنىڭ ەكى كولونناسىن اكەلدى. ءار كولوننانىڭ سالماعى  292 توننا تارتادى. مۇناي وڭدەۋ زاۋىتىنىڭ ءباسپاسوز قىزمەتى حابارلاعانداي, مودۋلدىڭ كولوننالارى قىتايدا دايىندالىپ,  شانحاي پورتىنان ماريۋپول جانە اقتاۋ پورتتارى ارقىلى اتىراۋعا جەتكىزىلىپتى. ال اتىراۋ وزەن پورتىنان قوس كولوننانى مۇناي وڭدەۋ زاۋىتىنا دەيىن جەتكىزۋ 4 ساعاتقا جۋىق  ۋاقىتتى العان. ەڭ ءىرى كولەمدى سانالاتىن كولوننالاردى تاسىمالداۋعا  ەكى كولىك ەكسپەديتسياسى, سونداي-اق, قوسالقى مەردىگەردىڭ ءبىرى «ساگا تەرمينال لوگيستيك» كاسىپورنى تارتىلدى. ەندى زاۋىت ماماندارىنىڭ ايتۋىنشا, باس مەردىگەر كومپانيا تاياۋدا تاعى دا وسىنداي ەكى كولوننا اكەلۋدى كوزدەپتى.  بىراق كەلەسى كولوننالار بولشەكتەلگەن كۇيىندە  جەتكىزىلىپ, ولاردى زاۋىتتىڭ قۇرىلىس الاڭدارىندا قۇراستىرۋ قولعا الىنادى ەكەن. ال سالماعى العاشقى كولوننالاردان الدەقايدا كوپ بولاتىنى كۇتىلۋدە. وسىلايشا, ەلىمىزدىڭ «قارا التىن» وڭدەۋ سالاسىنداعى كوشباسشى كاسىپورنىنا سونى سەرپىن بەرەتىن جاڭعىرتۋ جۇمىستارى قارقىن العالى وتىر. ايتقانداي, قىتايدان جەتكىزىلگەن  ءىرى كولەمدى مودۋلدى  زاۋىتتىڭ الاڭىندا  قۇراستىرۋ 20 مامىردان كەيىن باستالماق. جولداسبەك شوپەعۇل, «ەگەمەن قازاقستان». اتىراۋ وبلىسى. --------------------------------------- سۋرەتتە: قىتايدا قۇراستىرىلعان الىپ كولوننالاردى تاسىمالداۋ ءساتى.