استانا – الەمدىك ۇنقاتىسۋ الاڭى

بۇل – حالىقارالىق مەديا قوعامداستىق وكىلدەرى ءۇشىن وتە ماڭىزدى وقيعا كەشە استانا تورىندە ورنالاسقان «قازمەديا ورتالىعى» تەلەراديوكەشەنىندە 10-شى ەۋرازيا مەديا-فورۋمى ءوز جۇمىسىن باستادى. بۇل فورۋمعا الەمنىڭ تۇكپىر-تۇكپىرىنەن, دالىرەك ايتقاندا, 45-تەن استام مەملەكەتتەن 430-عا تارتا قاتىسۋشى كەلدى. القالى جيىننىڭ قازاقستاننىڭ ەلورداسى – استانا قالاسىندا العاش رەت وتكىزىلۋى جانە ونى 200-گە جۋىق قازاقستاندىق جانە شەتەلدىك جۋرناليستەردىڭ جان-جاققا تاراتۋى فورۋمنىڭ ماڭىزى مەن وزەكتىلىگىن ارتتىرا تۇسكەنى انىق.   فورۋمنىڭ مودەراتورى رەتىن­دە العاش ءسوز العان «ءال-جازيرا ينگليش» تەلەارناسىنىڭ بەلگىلى جۇرگىزۋشىسى جانە پروديۋسەرى ريزحان «قازاقستاننىڭ استاناسىنا, وسىنداي ەرەكشە ءارى ساۋلەتتى قالاعا اتباسىن بۇرۋىم مەن ءۇشىن ايرىقشا قۇرمەت», دەپ اتاپ ءوتتى. بۇدان كەيىنگى كەزەكتە ءسوز سويلەگەن ەلىمىزدىڭ ۇكىمەت باسشىسى سەرىكاحمەتوۆ قازاقستان پرەزيدەنتى نۇرسۇلتان نازار­باەۆ­تىڭ 10-شى ەۋرازيا مەديا-فورۋمىنا قاتىسۋشىلارعا ارنا­عان قۇتتىقتاۋ ءسوزىن وقىپ بەردى. قۇتتىقتاۋدا: «قۇرمەتتى جيىنعا قاتىسۋشىلار! مەرەيتويلىق ونىن­شى ەۋرازيا مەديا-فورۋمىنىڭ اشىلۋىنا وراي مەنىڭ قۇتتىق­تاۋىم­دى قابىل الىڭىزدار! ون جىل ىشىندە ەۋرازيا مەديا-فورۋمى قازىرگى زاماننىڭ مەيلىنشە كوكەيكەستى ماسەلەلەرى بويىنشا پىكىر الماساتىن جاھاندىق اۋقىم­داعى بىرەگەي ۇنقاتىسۋ الاڭىنا اينالدى. بۇل – تەك قازاقستان عانا ەمەس, حالىقارالىق مەديا قو­عامداستىعىنىڭ بارلىق وكىل­دە­رى ءۇشىن دە ماڭىزدى وقيعا. الەم­نىڭ جەتەكشى ساراپشىلارى فورۋمدا XXI عاسىردىڭ زاماناۋي ساۋالدارىنا عالامدىق تۇرعىدا زەردەلى جاۋاپ تابادى. اقپارات­تى­ڭ عالامدىق دەڭگەيدە قولجە­تىم­دىلىگى مەن جاريالىلىعى ءداۋى­رىنىڭ باستالۋى باق-قا تالاپتى كۇشەيتىپ, ولاردىڭ قوعام الدىن­داعى مورالدىق جاۋاپكەرشىلىگىن ارتتىرادى. ونىنشى ەۋرازيا مەديا-فورۋمى گەوساياسات پەن مەديا سالاسىنداعى تۇيىندەردى شەشۋ جولدارىن ىزدەستىرۋدە جۋرناليستەر, ساياساتكەرلەر جانە قوعام قايراتكەرلەرىنىڭ كۇش-جىگەرىن جۇ­مىلدىرۋعا ىقپال ەتەدى دەگەن سەنىمدەمىن. سىزدەرگە قىزىقتى جۇزدەسۋلەر, پايىمدى پىكىرتالاس, شابىت جانە شىعارماشىلىق تابىس تىلەيمىن!», دەلىنگەن. پرەزيدەنتتىڭ قۇتتىقتاۋ ءسوزىن جەتكىزگەن سەرىك احمەتوۆ بۇدان كەيىنگى كەزەكتە قازاقستان ۇكىمەتى اتىنان فورۋمعا قاتىسۋشىلاردى مەرەيتويلىق ونىنشى فورۋم­نىڭ وتۋىمەن قۇتتىقتادى. «مەن قا­زاق­ستان ۇكىمەتى اتىنان مە­رەي­تويلىق فورۋممەن قۇتتىقتاي­مىن. سىزدەر­دىڭ ناتيجەلى پىكىرتا­لاس­تارىڭىز بەن كەڭەستەرىڭىز حا­لىقارالىق مەديا كەڭىستىكتىڭ جانە قازاقستاننىڭ اقپاراتتىق قو­عامداستىعىنىڭ دامۋىنا ىق­پال ەتىپ, ءوزىنىڭ اۋقىمدى ۇلەسىن قوسادى دەپ ويلايمىز», دەدى ۇكىمەت باسشىسى. فورۋم بارىسىندا يران يسلام رەسپۋبليكاسى سىرتقى ىستەر مي­نيس­ترلىگىنىڭ ارنايى وكىلى رامينماحمانپاراس ءسوز الىپ, ءوز ءسوزىن قا­زىر­گىدەي تاريحي تۇرعىدا ماڭىزدى ءجا­نە وتە كۇردەلى وڭىرلىك كەزەڭدەر جاع­دايىندا وسىنداي اۋقىمدى جيىندى – ەۋرازيا مەديا-فورۋمىن ۇيىمداستىرۋشىلارعا ريزاشىلىق سەزىمىن جەتكىزۋدەن باستادى. ءدال قازىرگى كەزەڭدە الەمدە جانە تاياۋ شىعىستا ەرەكشە جاعداي قالىپ­تا­سىپ وتىر. وڭىرلىك جانە حالىق­ارا­لىق دەڭگەيدەگى ءتۇرلى ساياسي, ەكونو­مي­كالىق جانە الەۋمەتتىك داعدا­رىس­تار ءسوزسىز ۇلكەن وزگەرىستەرگە الىپ كەلەدى. باتىس الەمى ءبىر جا­عى­نان الەۋ­مەتتىك-ەكونوميكالىق سالا­داعى ءۇل­كەن قيىندىقتارمەن بەتپە-بەت كەلسە, ەكىنشى جاعىنان يس­لام­دىق ويانۋ مەن جاڭارۋ تولقىنى تاياۋ شىعىس پەن سولتۇستىك افريكا مەم­لە­كەت­تە­رى­نىڭ باسقارۋشى ورگاندارىنا اي­تار­لىقتاي وزگەرىستەر الىپ كەلدى. ءبۇ­گىندە ءىرى دەرجاۆالار بيلىك قۇرى­لىمىنىڭ وزگەرگەنىن قالا­ماي­دى, سوندىقتان وسى ۇدەرىستىڭ الدىن الۋ ءۇشىن ولار ءتۇرلى امال-تاسىلدەرگە سۇيەنىپ, ماقساتتى تۇردە داعدا­رىس­تار ويلاپ تاپتى, دەدى ول. يسلاموفوبيا مەن يرانوفوبيا تولقىنىن قۇرۋ جانە تاراتۋ, وڭىرلىك مەملەكەتتەر اراسىنداعى قاراما-قايشىلىقتاردى قوزدىرۋ, وڭىرلىك ىنتىماقتاستىق پەن ينتەگراتسيانى قالاماۋ, ءتۇرلى پيعىلداعى تەررو­ريس­تىك جانە ەكسترەميستىك توپتاردىڭ ءىس-ارەكەتىنە بارلىق جاعدايدى جاساۋ ءىرى دەرجاۆالاردىڭ كۇن تارتىبىنە ەنگىزىلگەن. ال ولار وزدەرىنىڭ ماق­سات­تارىنا بۇقارالىق اقپارات قۇ­رال­دارى ا