سپورت • 19 قاراشا، 2019

ازامات نۇرپەيىسوۆتى ەسكە الۋعا ارنالعان رەسپۋبليكالىق تۋرنير ءوتتى

16 رەتكورسەتىلدى

پەتروپاۆلدا كاپيتان قويان-قولتىق ۇرىستان ازامات نۇرپەيىسوۆتى ەسكە الۋعا ارنالعان رەسپۋبليكالىق تۋرنير ءوز مارەسىنە جەتتى.

جوعارى اسكەري جانە ارنايى وقۋ مەكەمەلەرىنىڭ كۋرسانتتارى مەن تىڭداۋشىلارى اراسىنداعى قويان-قولتىق ۇرىستان وتكىزىلەتىن بۇل تۋرنير وسىمەن ءتورتىنشى رەت وتكىزىلىپ وتىر. پەتروپاۆلداعى ءىىم اسكەري ينستيتۋتىنىڭ باستىعى، گەنەرال-مايور باۋىرجان ابجانوۆ ونىڭ داستۇرگە اينالىپ كەلە جاتقانىن اتاپ ءوتتى.

حالىقارالىق دارەجەدەگى سپورت شەبەرى، كاپيتان ازامات نۇرپەيىسوۆ - تاۋەلسىز قازاقستانداعى ەرەكشە ەسىمدەردىڭ ءبىرى. ول پەتروپاۆل قالاسىنىڭ تۋماسى، ۇلتتىق ۇلاننىڭ ارنايى بولىنىسىندە قىزمەت ەتىپ، سپورتپەن قىزىعا شۇعىلداندى. 27 جاسىندا ول كيكبوكسينگتەن حالىقارالىق دارەجەدەگى سپورت شەبەرى بولدى. 2009 جىلى يتاليادا جانە 2013 جىلى تۇركيادا وتكەن الەم چەمپيوناتىنىڭ ەكى دۇركىن كۇمىس جۇلدەگەرى، 2011 جىلى يرلانديادا وتكەن الەم چەمپيوناتىنىڭ قولا جۇلدەگەرى، 2012 جىلى ءۇندىستاندا ازيا چەمپيونى، قازاقستاننىڭ بىرنەشە دۇركىن چەمپيونى، قويان-قولتىق ۇرىستان ۇۇ قولباسشىسىنىڭ كۋبوگىنا وتكىزىلگەن حالىقارالىق ءتۋرنيردىڭ جەڭىمپازى اتاندى. اۋىر سىرقات چەمپيون ءومىرىن قىرشىنىنان قيدى، الايدا ول اقتىق دەمى تاۋسىلعانشا قىزمەتىن، سپورت پەن ومىرگە قۇشتارلىعىنان ساتكە دە اينىعان ەمەس. ء«بىر جىلدان استام ۋاقىت اۋىر دەرتپەن الىسقان چەمپيون سپورتتاعى جەڭىستى كۇندەرىنىڭ الدا ەكەنىن جانە ارنايى ءبولىنىس ساربازى ءۇشىن نەگىزگى جەتىستىك سانالاتىن - كۇرەڭ بەرەت يەسى اتاناتىنىن ارماندادى»، - دەدى تۋرنيردە ءسوز العان وبلىستىق پوليتسيا دەپارتامەنتىنىڭ باستىعى، پولكوۆنيك  مارات تولەباەۆ. «سىرقاتىنا مويىماي، ەرلىك پەن توزىمدىلىك تانىتقان ازامات نۇرپەيىسوۆتىڭ مىقتى رۋحى قۇقىق قورعاۋ ورگاندارىنىڭ قىزمەتكەرلەرىنە ۇلگى بولىپ قالا بەرمەك. اتالعان تۋرنيرگە قاتىسۋ - پوليتسيا قىزمەتكەرلەرى ءۇشىن ۇلكەن مارتەبە»، دەپ ءسوزىن جالعاستىردى ول.

«جەڭىس» سپورت كەشەنى بازاسىندا بولعان تۋرنيرگە 8 سالماق دارەجەسى بويىنشا 7 قۇراما كوماندادان 60 سپورتشى كۇش سىناستى. ەكى كۇنگە سوزىلعان قىزۋ تارتىستا تۋرنير يەلەرى – قىزىلجار اسكەري ينستيتۋتىنىڭ كومانداسى جەڭىمپاز اتاندى. ەكىنشى جۇلدەلى ورىندى – ءىىم قاراعاندى اكادەمياسىنىڭ كۋرسانتتارى يەلەنسە، ءۇشىنشى ورىندى - ءىىم پاۆلودار قالاسىنداعى وقۋ ورتالىعىنىڭ سپورتشىلارى ەنشىلەدى.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار