قازاقستان • 18 قاراشا، 2019

اۋىل شارۋاشىلىعى مينيسترلىگى جەردى ءتيىمسىز پايدالانۋشىلاردىڭ ءتىزىمىن جاسايدى

59 رەتكورسەتىلدى

اۋىل شارۋاشىلىعى ءمينيسترى ساپارحان وماروۆ قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە اۋىل شارۋاشىلىعى ماقساتىنداعى جەرلەردى باسقارۋدىڭ تيىمدىلىگىن ارتتىرۋ باعىتىنداعى شارالارمەن تانىستىردى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

ءمينيستردىڭ مالىمەتىنشە، وزگەرىستەردىڭ باسىم بولىگى تسيفرلاندىرۋ مەن جاڭا تەحنولوگيالاردى ەنگىزۋمەن بايلانىستى. بۇل ءوز كەزەگىندە اۋىل شارۋاشىلىعى سالاسىن اشىق، قاراپايىم جانە ءتيىمدى ەتەدى.

سوڭعى ءۇش جىلدا اۋىل شارۋاشىلىعى مينيسترلىگى بىرقاتار ناتيجەلى ىستەر اتقاردى. مىسالى، اۋىل شارۋاشىلىعى ۋچاسكەلەرىنىڭ ساندىق كاداسترى جاسالدى. ەندى مينيسترلىكتە ناقتى ايماقتاعى ءار ەگىستىكتىڭ، جايىلىم، باق نەمەسە شابىندىق القاپتارىنىڭ كولەمىن، سونداي-اق ءار جەر يەسىنىڭ اتى-ءجونى تۋرالى اقپارات بار.

شامامەن 80 مىڭ ادامنىڭ يەلىگىندەگى 290 مىڭنان استام ەگىستىك القاپتارى تسيفراندىرىلدى. ولاردىڭ جالپى اۋماعى - 26 ملن گەكتاردى قۇرايدى. سونداي-اق، 49 مىڭ قازاقستاندىققا تيەسىلى 132 مىڭ جايىلىم جەر تسيفرلاندىرىلدى. ساندىق اگروكاداستر مالىمەتتەرىمەن qoldau.kz سايتىنان كەز كەلگەن ادام تانىسا الادى.

ء«بىز جەر قاتىناستارى سالاسىنداعى مەملەكەتتىك ساياسات پەن باسقارۋدى بىرتىندەپ ساندىق فورماتقا اۋىستىرۋدامىز. بۇگىنگى كۇنى ناقتى دەرەكتەرى بار اگروونەركاسىپتىك كەشەننىڭ احۋالدىق ورتالىعى بار. ونلاين كاداستر بىزگە پايدالانىلاتىن جەردىڭ ءاربىر ۋچاسكەسىن تولىق مونيتورينگ پەن باقىلاۋ ورناتۋعا مۇمكىندىك بەرەدى. ءار ەگىستىكپەن جايىلىم بويىنشا وسىمدىكتەردىڭ ۆەگەتاتسياسى، توپىراقتىڭ تەمپەراتۋراسى، اۋا تەمپەراتۋراسى، توپىراقتاعى ىلعال، جاۋىن-شاشىن، حيميالىق قۇرامى جانە ارامشوپتەرمەن زالالدانۋى كۇندەلىكتى وزگەرىستەردى كورىپ وتىرامىز. سوندىقتان دا ءبىز جەردىڭ قانشا ۋاقىت پايدالانىلاتىنىن نەمەسە تۇرىپ قالعانىن بىلەمىز»، - دەدى ساپارحان وماروۆ.



بۇدان باسقا، مينيسترلىك اگروونەركاسىپتىك كەشەن سۋبەكتىلەرىن سۋبسيديالاۋ پروتسەسىن تولىعىمەن اۆتوماتتاندىردى.

جاقىن ارادا ەگىستىك پەن جايىلىمداردىڭ تاريحى قامتىلعان كىتاپتى جاريالاۋ جوسپارلانۋدا. سونداي-اق، جەردى ءتيىمسىز پايدالانۋشىلاردىڭ «اشىق ءتىزىمىن» جاساۋ جانە وسى تىزىمگە كىرگەن جەر پايدالانۋشىلارعا سۋبسيديا بەرۋگە تىيىم سالۋ شارالارى، 2021 جىلعا دەيىن جەر بەرۋ جونىندەگى بالاماسىز ەلەكتروندىق كونكۋرستاردى وتكىزۋ جۇيەسىن ەنگىزۋ، ەگىس پەن جايىلىمداعى بايلانىس ماسەلەسىن تولىق شەشۋ، اوك جاعدايىن تەز جانە ساپالى تالداۋعا جانە بولجاۋعا مۇمكىندىك بەرەتىن «ۇلكەن دەرەكتەردىڭ» تولىققاندى جۇيەسىن قۇرۋ جوسپارلانىپ وتىر.

سونداي-اق ساپارحان وماروۆ اۋىل شارۋاشىلىعى ماقساتىنداعى جەرلەردى باسقارۋدىڭ تيىمدىلىگىن ارتتىراتىن شارالار قاتارىنا قر اۋىل شارۋاشىلى مينيسترلىگىنىڭ كەيبىر زاڭ شىعارۋ باعىتىنداعى باستامالارى كىرەتىنىن حابارلادى. سونىمەن قاتار، پايدالانىلمايتىن ۋچاسكەلەردى قايتارىپ الۋدى جەدەلدەتۋ ءۇشىن مينيسترلىك زاڭ جوباسىن ازىرلەدى. وندا قر اۋىل شارۋاشلىعى مينيسرلىگىنە جەردى پايدالانۋ مەن قورعاۋدى مەملەكەتتىك باقىلاۋ فۋنكتسيالارىن بەرۋ، سونداي-اق پايدالانىلمايتىن اۋىل شارۋاشىلىعى جەرلەرىنە سالىناتىن سالىقتىڭ بازالىق ستاۆكاسىن 20 ەسەگە ارتتىرۋ ۇسىنىلادى.
سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار