ايماقتار • 18 قاراشا، 2019

نۇرلان نوعاەۆ: ۇوس ارداگەرلەرى ءبىزدىڭ قامقورلىعىمىزدى كۇن سايىن سەزىنۋى ءتيىس

44 رەتكورسەتىلدى

وبلىس اكىمى نۇرلان نوعاەۆ اپپاراتتىق كەڭەستە وسىلاي اتاپ ءوتتى.

اپپاراتتىق كەڭەس كەزىندە نۇرلان نوعاەۆ جەڭىستىڭ 75 جىلدىعىن مەرەكەلەۋگە دايىندىق ماسەلەسىن كوتەردى. ءوڭىر باسشىسى اتاپ ايتقانداي، جەڭىس مەيرامى تەك مەرەكەلىك شارالارمەن شەكتەلمەۋى ءتيىس.

-  9 مامىرعا قازىردەن باستاپ كۇن سايىن ىجداعاتپەن دايىندالۋ قاجەت. ماسەلەن، ماعان تەلەگرامم چات-كانالىنا قالا تۇرعىندارىنان ءتۇرلى وتىنىشتەر ءتۇسىپ جاتادى. ايتالىق، تاياۋدا ءبىر جەرگىلىكتى تۇرعىن جەڭىس ساياباعىندا ورناتىلعان ەسكەرتكىش تاقتالارداعى ۇلى وتان سوعىسىنا قاتىسۋشىلاردىڭ اتى-جوندەرىندەگى قاتەلەردى تۇزەتۋدى ۇسىندى: كەڭەس وداعىنىڭ باتىرى كانتسەۆا دەپ كورسەتىلگەن، كانتسەۆ دەپ تۇزەتۋ قاجەت. ءبىرىنشى ورىنباسارىم  سەرىك شاپكەنوۆكە  وسى ماسەلەمەن اينالىسۋدى تاپسىرامىن، - دەپ تاپسىرما بەردى نۇرلان نوعاەۆ. -بۇدان بولەك، ۇلى وتان سوعىسىنىڭ ارداگەرلەرى كۇن سايىن ءبىزدىڭ قامقورلىعىمىزدى سەزىنۋى ءتيىس. وبلىستا ۇلى وتان سوعىسىنىڭ مايداندارىندا شايقاسقانداردان نەبارى 11 ادام قالىپتى. وكىنىشكە قاراي، ولاردىڭ قاتارى جىل سايىن سيرەپ كەلەدى. ءبىزدىڭ ولارعا دەگەن العىسىمىز تەك 9 مامىرمەن شەكتەلمەۋى كەرەك. بەيبىت ءومىردى قامتاماسىز ەتكەن باتىرلارىمىزعا دەگەن  ءبىزدىڭ العىسىمىز سول  –  ولاردى ۇدايى قامقورلاپ، قولداۋىمىز قاجەت.

كەڭەستىڭ قورىتىندىسىمەن قۇزىرلى ورگاندارعا بىرقاتار ناقتى تاپسىرمالار بەرىلدى.

 

اتىراۋ

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار