ۇكىمەت • 18 قاراشا، 2019

اسقار مامين ينۆەستيتسيالىق احۋالدى جاقسارتۋ جونىندەگى كەڭەس وتىرىسىن وتكىزدى

21 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ينۆەستيتسيالىق احۋالدى جاقسارتۋ جونىندەگى كەڭەستىڭ (ياجك) وتىرىسىندا دۇنيەجۇزىلىك ساۋدا ۇيىمى (دسۇ) مەن ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) تالاپتارىنا سايكەس قازاقستان ەكونوميكاسىنداعى باسەكەلەستىك ورتانى دامىتۋ ماسەلەلەرى قارالدى. بۇل تۋرالى primeminister.kz حابارلادى. 

قر ۇلتتىق ەكونوميكا ءمينيسترى ر. دالەنوۆ، سونىمەن بىرگە اقش-تىڭ قازاقستاندا تىركەلگەن ەلشىسى ۋ. موزەر، ۇلىبريتانيا ەلشىسى – م. گيففورد، كانادا ەلشىسى – ن. برۋسسو، ەۋروپالىق وداق ەلشىسى – سۆەن-ولوۆ كارلسسون، كانادا پرەمەر-ءمينيسترىنىڭ ەو مەن ەۋروپاداعى ارنايى ەلشىسى س. ديون، ەىدۇ وكىلدەرى، «Ernst & Young» كونسالتينگتىك كومپانياسىنىڭ وكىلدەرى جانە ت.ب. قازاقستانداعى ەكونوميكالىق باسەكەلەستىكتى دامىتۋدىڭ قازىرگى جاعدايى مەن پەرسپەكتيۆالارى تۋرالى، سونداي-اق، اتالعان سالاداعى ساياساتتى جەتىلدىرۋ جونىندەگى ۇسىنىستارىمەن بايانداما جاسادى.

«قازاقستاننىڭ تۇڭعىش پرەزيدەنتى – ەلباسى ن. نازارباەۆ جانە مەملەكەت باسشىسى ق. توقاەۆ باسەكەلى ورتا مەن مونوپولياعا قارسى زاڭنامانىڭ دامۋىن ەكونوميكالىق ساياساتتىڭ باسىم باعىتتارىنىڭ ءبىرى رەتىندە قاراستىرادى»، — دەدى ا. مامين. 

قازاقستان قابىلداپ جاتقان باسەكەلەستىكتى جانە ىسكەرلىك احۋالدى دامىتۋ بويىنشا شارالار بيىلعى 10 ايدا ەل ەكونوميكاسىنىڭ 4،4%-عا وسۋىنە، سونداي-اق، قازاقستاننىڭ ەققدب، حۆق، ادب، دۇنيەجۇزىلىك بانك جانە دۇنيەجۇزىلىك ەكونوميكالىق فورۋم رەيتينگتەرىندەگى پوزيتسيالارىنىڭ كوتەرىلۋىنە ىقپال ەتتى. قازاقستاننىڭ ەىدۇ باسەكەلەستىك جونىندەگى كوميتەتتەگى ستاتۋسىن ارتتىرۋ ماسەلەسى قارالىپ جاتىر. 

ۇكىمەت باسشىسى مەملەكەتتىڭ ەكونوميكاداعى ءرولىن تومەندەتۋ ماقساتىندا، وسى جىلدىڭ سوڭىنا قاراي مەملەكەت قاتىسۋىمەن كومپانيالاردىڭ قاتىسۋعا رۇقسات ەتىلەتىن قىزمەت تۇرلەرىنىڭ سانى 30%-دان استامعا – 347-دەن 240-قا دەيىن ازاياتىنىن اتاپ ءوتتى.

پرەمەر-مينيستر 2016–2020 جىلدارعا ارنالعان جەكەشەلەندىرۋدىڭ كەشەندى جوسپارىنداعى 864 اكتيۆتەن قازىرگى كەزدە 500-گە جۋىعى جەكەشەلەندىرىلگەنىن ايتتى، بۇل ينفراقۇرىلىمدى باسقارۋدىڭ ونىمدىلىگى مەن تيىمدىلىگىن، قۇرىلىس، تاۋ-كەن ءوندىرىسى، اۋىل شارۋاشىلىعى، وڭدەۋ جانە باسقا دا سالالاردا مەنەدجمەنتتى ارتتىرۋعا مۇمكىندىك بەردى. 

ۇكىمەت باسشىسى قازاقستاننىڭ ەكونوميكالىق ساياساتىنىڭ باسىمدىقتارىنىڭ ءبىرى — شاعىن جانە ورتا بيزنەستى دامىتۋ ەكەنىن اتاپ ءوتتى.

«2005 جىلدان 2018 جىل ارالىعىندا ەل ەكونوميكاسىنداعى شوب ۇلەسى ءۇش ەسەگە جۋىق – 10،5%-دان 28،4%-عا دەيىن ءوستى. 2025 جىلعا قاراي ءبىز بۇل كورسەتكىشتى 35%-عا دەيىن جەتكىزۋدى جوسپارلاپ وتىرمىز. قويىلعان ماقساتتارعا قول جەتكىزۋ ءۇشىن كوپ جۇمىستار اتقارۋىمىز كەرەك»، — دەدى پرەمەر-مينيستر.

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار