قوعام • 18 قاراشا، 2019

«نۇرلى جەر»: تۇرعىن ءۇي كەزەگى تۇرعىنداردىڭ تابىس دەڭگەيىنە بايلانىستى جاسالاتىن بولادى

23 رەتكورسەتىلدى

ۇكىمەتتە وتكەن ءباسپاسوز كونفەرەنتسياسىندا يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ 2020-2025 جىلدارعا ارنالعان «نۇرلى جەر» جاڭا باعدارلاماسىنىڭ جوباسى تۋرالى ايتىپ بەردى. بۇل تۋرالى primeminister.kz حابارلادى. 

ونىڭ ايتۋىنشا، «نۇرلى جەر» مەملەكەتتىك باعدارلاماسىن جۇزەگە اسىرۋ تۇرعىن ءۇي قۇرىلىسىنا باعىتتالاتىن ينۆەستيتسيالاردىڭ جىل سايىنعى ءوسىمىن قامتاماسىز ەتكەن باعدارلامالاردىڭ ءبىرى بولدى. قازىر 2020-2025 جىلدارعا ارنالعان «نۇرلى جەر» ازىرلەنۋ ۇستىندە، وندا تۇرعىنداردىڭ تابىسى مەن ولاردىڭ تۇرعىن ءۇي باعدارلاماسىنا قاتىسۋىنا بازا نازار اۋدارىلادى.

«ەگەر ءبىرىنشى باعدارلاما تەك تۇرعىن ءۇي قۇرىلىسىنا عانا قاتىستى بولسا، ەكىنشى باعدارلامانىڭ قامتيتىن ماسەلەلەرى كوپ. ونىڭ ىشىندە جىلۋمەن جانە سۋمەن جابدىقتاۋ، كوممۋنالدىق سەكتوردى جاڭعىرتۋ، تۇرعىن ۇيلەردى جوندەۋ جانە وڭىرلەردى دامىتۋ بار»، — دەدى ق. وسكەنباەۆ.

تۇرعىن ءۇيدىڭ قولجەتىمدىلىگى ساتىسى ەنگىزىلەدى، تۇرعىندار تابىسى ايقىنداۋشى فاكتور بولادى.

ء«بىز ىشىندە قايتا باعدارلاۋ جاسادىق. كەزەك ادامداردىڭ تابىسىنا بايلانىستى جاسالاتىن بولادى. ءبىز تابىستارى بويىنشا شەكتەۋدى ۇيعاردىق، ءبىرىنشى ساتىعا تابىسى ءبىر ەڭ تومەنگى كۇنكورىس دەڭگەيىنە دەيىنگى (2019 ج. – 29 700 تەڭگە) وتباسىلار جاتادى — ولار ءۇشىن ءبىز ساتىپ الۋ قۇقىعىنسىز جالعا بەرىلەتىن تۇرعىن ءۇي سالۋىمىز كەرەك. تابىسى ەكى ەڭ تومەنگى كورسەتكىش دەڭگەيىنە دەيىن (2019 ج. – 59 400 تەڭگە)  بولاتىن ەكىنشى ساناتتاعى وتباسىلار ءۇشىن ءبىز جىلدىعى 2% بولاتىن جەڭىلدىكتى نەسيە قاراستىرۋىمىز كەرەك. ءۇشىنشى ساناتتا –تابىسى ءۇش ەڭ تومەنگى كۇنكورىس دەڭگەيىنە دەيىنگى (2019 ج. — 92 000 تەڭگە) ازاماتتار – ولار ءۇشىن ءبىز جىلدىعى 5% تەتىكتى ۇسىنامىز. ال تابىسى بۇدان جوعارى ازاماتتار 7-20-25 باعدارلاماسىنا قاتىسا الادى نەمەسە ەكىنشى دەڭگەيلى بانكتەر ارقىلى تۇرعىن ءۇي الۋعا ۇمىتكەر بولا الادى»، — دەپ ءتۇسىندىردى ق. وسكەنباەۆ.

ونىڭ ايتۋىنشا، مىسالى «باقىتتى وتباسى» جەڭىلدىكتى باعدارلاماسىندا ەندى شەكتەۋ بولمايدى، بارلىق ساناتتاعى ازاماتتار قاتىسا الادى، ولار تابىستارى بويىنشا بولىنەدى.

«باعدارلامانىڭ ءبىرىنشى كەزەڭىنە تەك تۇرعىنداردىڭ ءۇش ساناتى عانا قاتىسا الاتىن. ولار – كوپ بالالى انالار، تولىق ەمەس وتباسىلار جانە مۇگەدەك بالالاردى تاربيەلەپ وتىرعان وتباسىلار. قازىر جاڭا باعدارلامادا ەشقانداي شەكتەۋ جوق، كەزەكتە تۇرعىنداردىڭ ءبارى قاتىسا الادى، تەك ىشىندە ءبىز تابىستارى بويىنشا بولەتىن بولامىز»، — دەدى يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى. 

سونىمەن قاتار ق. وسكەنباەۆ تۇرعىنداردىڭ ومىرلىك جاعدايلارىنا بايلانىستى ساتىپ الاتىن تۇرعىن ءۇيىنىڭ ساناتىن قايتا وزگەرتۋ ماسەلەسى قاراستىرىلىپ جاتقانىن ايتتى.

«جالعا بەرىلگەن تۇرعىن ءۇيدى مىسالى، ەگەر ادام جالعا السا جانە ءبىر ۋاقىتتا تقجب-دە قاراجات جيناقتاعان بولسا، نەسيەگە بەرىلەتىن تۇرعىن ءۇي ساناتىنا اۋىستىرۋعا بولادى. سونداي-اق كەرىسىنشە جاعداي دا تۋىنداۋى مۇمكىن، مىسالى، وتباسى مۇشەلەرىنىڭ ءبىرى جۇمىسسىز قالسا جانە نەسيە تولەۋگە مۇمكىندىگى بولماسا، وندا بۇل تەتىك ەسەپشوتتا جينالعان قاراجاتىن ساقتاۋدى، بىراق تۇرعىن ءۇيدى وتباسىنىڭ جاعدايى جاقسارعانشا جالعا بەرىلەتىن تۇرعىن ءۇي ساناتىنا اۋىستىرۋدى قاراستىرادى. باسقاشا ايتقاندا، ءبىز ومىردە ءتۇرلى جاعدايلارعا تاپ بولۋى مۇمكىن ادامدار ءۇشىن بارىنشا جاعداي جاسايمىز»، — دەپ قوستى ق. وسكەنباەۆ. 

ايتا كەتەيىك، «نۇرلى جەر» باعدارلاماسى اياسىندا 2018 جىلى 12،5 ملن ش.م. نەمەسە ەلىمىزدىڭ ءبىر تۇرعىنىنا 0،68 ش.م. تۇرعىن ءۇي پايدالانۋعا بەرىلدى، بۇل تمد ەلدەرىنىڭ اراسىنداعى ەڭ جوعارعى كورسەتكىش. بيىل 13 ملن ش.م. تۇرعىن ءۇيدى پايدالانۋعا بەرۋ جوسپارلانعان. 

سوڭعى جاڭالىقتار

كۇلكى كەرۋەنى № 20

رۋحانيات • 06 جەلتوقسان، 2019

ورالدا جاستار باستامالارىن قولداۋ جاقسى

ايماقتار • 06 جەلتوقسان، 2019

قونىس اۋدارۋشىلاردى قولداۋ قانداي؟

قوعام • 06 جەلتوقسان، 2019

تاۋلىگىنە 15-16 توننا ءسۇت الىنادى

ايماقتار • 06 جەلتوقسان، 2019

ۇقساس جاڭالىقتار