دەنساۋلىق ساقتاۋ باسقارماسىنىڭ جەتەكشىسى تيمۋر سۇلتانعازيەۆتىڭ ايتۋىنشا, تۇرعىندار اراسىندا ءجيى كەزدەسەتىن كەسەلدەردىڭ اراسىندا ميوكارد اسا قاۋىپتى سانالادى. وسى سەبەپتى جول كارتالارىنىڭ ىشىندە وتكىر ينفاركت, ينفاركت ميوكاردى, ينسۋلت, ونكولوگيا, جاراقاتتار, بوسانۋ كەزىندە كومەك كورسەتۋ ماسەلەلەرى باسىمدىققا يە. ايماقتا قان اينالىمى جۇيەلەرى بويىنشا كەزدەسەتىن سىرقات دەڭگەيى رەسپۋبليكالىق كورسەتكىشتەن جوعارى. بۇل جاعدايعا قارتايۋدىڭ جوعارى كورسەتكىشى ايتارلىقتاي اسەر ەتەدى.
وبلىستاعى حالىقتىڭ 55,8 پايىزىنىڭ جاسى 65-تەن اسىپ كەتكەن. دەسە دە, اتالمىش توپتاعى ءولىم-ءجىتىم كورسەتكىشى 11,4 پايىزعا ازايعان. سوڭعى 3 جىلدا 37,3 پايىزعا كەمىگەن. جۇرەكتىڭ يشەميالىق اۋرۋلارىنان كەلەتىن ءولىم-ءجىتىم 20 پايىزعا, باس-مي تامىرلارىنىڭ جارىلۋىنان بولاتىن ءولىم دەڭگەيى 9 پايىزعا ازايعان.
«قان اينالىمى اۋرۋلارى بويىنشا 48 مىڭ ادام سكرينينگتەن ءوتتى. 1380 ادامدا اۋرۋ بارى بەلگىلى بولدى. انىقتالعان پاتسيەنتتىڭ ءبارى ەسەپكە الىنىپ, ەم-دوم الىپ جاتىر», - دەيدى ت.سۇلتانعازيەۆ.
العاشقى مەديتسينالىق-سانيتارلىق كومەك بەرەتىن دارىگەرلەر كارديولوگيالىق اۋرۋلارى بار ازاماتتارعا كومەك كورسەتۋ بويىنشا بىلىمدەرىن جەتىلدىرۋدە. سونىمەن قاتار كارديولوگيالىق ورتالىققا قۇنى 467 ملن تەڭگە تۇراتىن تسيفرلىق انگيوگراف ورناتۋ جوسپارلانعان.
سولتۇستىك قازاقستان وبلىسى
