كارسك تەڭىزىنىڭ اركتيكالىق اۋا ماسسالارىندا انتيتسيكلون قالىپتاسىپ, وڭتۇستىك-باتىس باعىتىندا جىلجىپ, 21 قاراشادا رەسەيدىڭ ەۋروپالىق تەرريتورياسىنىڭ ورتالىعىنا دەيىن جەتەدى.
انتيتسيكلوننىڭ شىعىس پەريفەرياسى بويىنشا قازاقستانعا باتىس ءسىبىر ارقىلى اركتيكالىق تەڭىزدەن وتە سۋىق اۋا ماسساسى كەلىپ, رەسپۋبليكانىڭ باسىم ايماقتارىندا ايتارلىقتاي كۇن سۋىتادى.
سولتۇستىك, ورتالىق جانە شىعىس وبلىستارىندا اۋا تەمپەراتۋراسى -28-33°س ايازعا دەيىن تومەندەۋى مۇمكىن, سونداي-اق, كەي جەرلەردە قار, بۇرقاسىن, قاتتى ەكپىندى جەل كۇتىلەدى.
سونىمەن قاتار باتىس, وڭتۇستىك جانە وڭتۇستىك-شىعىس وبلىستارىنىڭ كەي جەرلەرىندە قار, كوكتايعاق, تۇمان كۇتىلەدى. اۋا تەمپەراتۋراسى تۇندە مينۋس 7-15°س-قا دەيىن, قيىر وڭتۇستىكتە مينۋس 3-8°س-قا دەيىن سۋىتادى.
