ۇكىمەت • 18 قاراشا، 2019

ۇكىمەتتە ەلىمىزدىڭ ءمامس ەنگىزۋگە ازىرلىگى تالقىلاندى

50 رەتكورسەتىلدى

ۇكىمەتتىڭ سەلەكتورلىق وتىرىسىندا قاراعاندى وبلىسىندا مىندەتتى الەۋمەتتىك مەديتسينالىق ساقتاندىرۋدى ء(مامس) ەنگىزۋ بويىنشا قاناتقاقتى جوبانىڭ ىسكە اسىرىلۋ قورىتىندىلارى قارالدى. بۇل تۋرالى primeminister.kz حابارلادى. 

قر دەنساۋلىق ساقتاۋ ءمينيسترى ە. ءبىرتانوۆ، قاراعاندى وبلىسىنىڭ اكىمى ج. قاسىمبەك، «مىندەتتى الەۋمەتتىك مەديتسينالىق ساقتاندىرۋ قورى» كەاق باسقارما توراعاسى ا. جۇماعۇلوۆ بايانداما جاسادى.

وسى جىلدىڭ 1 قىركۇيەگىنەن باستاپ قاراعاندى وبلىسىندا پيلوتتىق جوبا ىسكە اسىرىلۋدا، ول ءمامس جۇيەسىن اپروباتسيالاۋعا جانە ونى قازاقستاندا تولىق كولەمدە ەنگىزۋگە دايىندالۋعا مۇمكىندىك بەردى. وڭىردە ەكى ايدا تۇرعىنداردى مەديتسينالىق ساقتاندىرۋ (192%-عا) ەسەبىنەن وڭالتۋ كومەگى (42،2%-عا) جانە قىمبات زەرتتەۋلەرمەن (كت جانە مرت) قامتۋ كولەمى ارتتى.

تەگىن مەديتسينالىق كومەكتىڭ كەپىلدىك بەرىلگەن كولەمىنىڭ (تمككك) جاڭا مودەلى جانە ءمامس پاكەتى 2020 جىلدىڭ 1 قاڭتارىنان باستاپ ءۇش دەڭگەيلى مەديتسينالىق قامسىزداندىرۋ جۇيەسىن ەنگىزۋدى قاراستىرادى.

ءبىرىنشى دەڭگەي — تمككك جاڭا مودەلى مەملەكەت مىندەتتەمەلەرىنىڭ ناقتى شەكتەرىن انىقتايدى جانە حالىقتى بازالىق مەديتسينالىق قىزمەتتەرمەن جالپىلاما قامتۋ بويىنشا جالپىعا بىردەي تانىلعان حالىقارالىق ستاندارتتى جۇزەگە اسىرادى.

ەكىنشى دەڭگەي — ساقتاندىرىلعان تۇرعىندارعا ارنالعان ءمامس پاكەتى، بۇل تمككك تىس مەديتسينالىق كومەكتىڭ قولجەتىمدىلىگىن قامتاماسىز ەتەدى.

ءۇشىنشى دەڭگەي — بۇل تمككك جانە مامس پاكەتتەرىنە كىرمەيتىن مەديتسينالىق قىزمەتتەر. ولار اقىلى تۇردە نەمەسە ەرىكتى مەديتسينالىق ساقتاندىرۋ ەسەبىنەن قامتاماسىز ەتىلەدى.

مەملەكەت حالىقتى العاشقى مەديتسينالىق-سانيتارلىق كومەك دەڭگەيىندە بازالىق مەديتسينالىق قىزمەتتەردىڭ قاجەتتى پاكەتىمەن (پروفيلاكتيكالىق ەگۋلەر مەن مەديتسينالىق تەكسەرۋلەر، پاتروناج، جۇكتىلىك كەزىندە قاراۋ جانە ت.ب.) جانە جەدەل جانە شۇعىل كومەككە قولجەتىمدىلىكپەن قامتاماسىز ەتۋدى جالعاستىرۋدا.

ءمامس ەنگىزۋدى ەسكەرە وتىرىپ، جالپى العاندا 2020 جىلى دەنساۋلىق ساقتاۋ سالاسىنا ارنالعان بيۋدجەت ەلىمىز بويىنشا شامامەن 1،5 ترلن تەڭگەنى قۇرايدى، ونىڭ ىشىندە ءمامس ەسەبىنەن 500 ملرد تەڭگەدەن استام قاراجات. مەديتسينالىق وڭالتۋدى قوسا العاندا، حالىقتىڭ قاجەتتىلىكتەرىنە نەگىزدەلگەن مەديتسينالىق كومەكتىڭ باسىم تۇرلەرىن قارجىلاندىرۋ ەداۋىر ارتادى، ول كەلەسى جىلى 7 ەسەگە جانە 2025 جىلعا قاراي 11 ەسەگە دەيىن ۇلعايادى. كەلەسى جىلى مەديتسينا قىزمەتكەرلەرىنىڭ جالاقىسى دارىگەرلەرگە 30%-عا جانە ورتا مەديتسينا قىزمەتكەرىنە 20%-عا، ال 2025 جىلعا قاراي ولار قازىرگى جالاقىمەن سالىستىرعاندا 2 ەسە وسەدى.

«ەلباسى ن. نازارباەۆ مىندەتتى الەۋمەتتىك مەديتسينالىق ساقتاندىرۋعا كوشۋگە تولىق دايىندىقتى قامتاماسىز ەتۋ مىندەتىن قويدى. مەملەكەت باسشىسى ق. توقاەۆ ءوز جولداۋىندا الەۋمەتتىك مەديتسينالىق ساقتاندىرۋدى ىسكە اسىرۋ ماسەلەسىنە ۇلكەن جاۋاپكەرشىلىكپەن قاراۋ قاجەتتىگىن ەسكەرتتى. ونىمەن بارلىق قازاقستاندىق قامتىلۋى ءتيىس. ول ءۇشىن بارلىق دەڭگەيدەگى مەديتسينالىق مەكەمەلەر قاجەتتى اقپاراتتىق جۇيەلەرگە قوسىلۋى كەرەك. ءاربىر ازاماتتىڭ دەرەكتەرى جاڭارتىلۋى ءتيىس»، — دەدى ا. مامين.

پرەمەر-مينيستر ءمامس ەنگىزۋ بويىنشا پيلوتتىق جوبانىڭ ناتيجەسىن وڭ باعالاپ، قاراعاندى وبلىسىنىڭ بۇل تاجىريبەسىن باسقا وڭىرلەر دە ەسكەرۋى قاجەت ەكەنىن ايتتى.

ۇكىمەت باسشىسى وسى جىلدىڭ سوڭىنا دەيىن مەديتسينالىق ۇيىمداردىڭ ءمامس ىسكە قوسۋعا تولىق دايىندىعىن قامتاماسىز ەتۋدى، تۇرعىندار تۋرالى دەرەكتەردىڭ تولىق جاڭارتىلۋىن اياقتاۋدى جانە بالالار، ستۋدەنتتەر مەن ءۇش جاسقا دەيىنگى بالالاردى تاربيەلەپ وتىرعان، جۇمىسسىز ازاماتتار بويىنشا اقپاراتتىق جۇيەلەردەگى دەرەكتەردىڭ دالدىگىن قامتاماسىز ەتۋدى تاپسىردى.

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار