ونىڭ قالا مەكتەپتەرىنىڭ اراسىندا وتكەن عىلىمي جوبالار سايىسىندا ەڭ ۇزدىك اتانعانىنا ەش تاڭعالۋعا بولمايدى. ۇلىنىڭ تەحنيكاعا دەگەن ەرەكشە يكەمدىلىگىن بايقاعان اتا-اناسى ءۇش جاسىنان باستاپ ۇيىرمەگە جازدىرتقان. سودان لەگو ويىنىنا دەگەن اۋەستىلىگى حوببيعا ۇلاسىپ, كەيىن روبوتتەحنيكانى تاڭداپ العان. ءوزى تۇراتىن مەكەنجاي اۋماعىندا تاريحي ماڭىزعا تولى نىسانداردىڭ بار ەكەنىن بىلگەن ول وسى تاقىرىپتى تەرەڭىرەك تانىپ, «لەگو تىلىندە سويلەتۋدى» ۇيعارعان.
«قاسىموۆ مەشىتى ەلىمىز بويىنشا تاستان قالانعان ءارى ەڭ كونە عيباداتحانالاردىڭ ءبىرى ەكەنىن ەستىپ, نەگە ۋاقىت ۇردىسىنە وراي جاڭعىرتپاسقا دەگەن وي كەلدى. ەسىل وزەنى ارقىلى وتەتىن كوپىر, زارەچنىي كەنتى, قالا جانە ساياجايلارمەن بايلانىستىرا وتىرىپ, كەشەندى تۇردە كورسەتۋگە ۇمتىلدىم. ىزدەنىسىم جامان شىقپاعان سياقتى. ارينە, جەتىلدىرەتىن تۇستارى بار. ونى ءىشىم سەزەدى. كەلەشەكتە بۇدان دا كۇردەلەندىرە تۇسپەكپىن», دەيدى № 14 مەكتەپتىڭ وقۋشىسى.
ونىڭ «ويقالالەگو باعىتى» اتتى عىلىمي جوباسى «ولكەتانۋ» اتالىمى بويىنشا ەڭ ۇزدىك دەپ تانىلعان. ەندىگى ويى – وبلىس ورتالىعىنىڭ شەتكەرى اۋماعىندا ورنالاسقان ويقالا شاعىن اۋدانىنا قاتىستى باسقا دا كورىكتى جەرلەردى بەينەلەۋ. وعان «ويقالانىڭ جەتى كەرمەتى» دەگەن ات تا تاۋىپ قويىپتى. دۇرىس كۇتىم جوقتىعىنان تۇپنۇسقاسى ساقتالماعان بولماسا قيراۋدىڭ از-اق الدىندا تۇرعان تاريحي عيماراتتاردى بۇرىنعى قالپىنا كەلتىرۋ ماقساتىمەن قاجەتتى دەرەكتەردى جيناستىرىپ, اۋداننىڭ شاعىن كارتاسىن جاساۋعا كىرىسىپ كەتكەن.
بۇل تاقىرىپ ۆانيانىڭ سىنىپتاسى ەۆگەنيا رازوناەۆانى دا ەرەكشە ىنتىقتىرىپتى. وسى سەبەپتى بولار, عىلىمي جوباسىن قاتپار-قاتپار تاريحىن ىشىنە بۇككەن كەنتتى زەرتتەۋگە ارناپ, «ويقالا – مەنىڭ كىشى وتانىم» جوباسىن ۇسىنىپتى. جوبانى تاڭداعانعا دەيىن ويقالا جايلى ەشتەڭە بىلمەيتىنمىن. ءبىر عانا اۋليە پەتر مەن پاۆەل اپوستولدارىنىڭ شىركەۋىنىڭ ءوزى نەگە تۇرادى؟» دەيدى ول تۋعان جەر جايلى تولعانا سويلەپ.
وسى ءبىلىم ورداسىندا جاس ورەندەردىڭ تالابىنا, تالپىنىسىنا قوزعاۋ سالاتىن, ويلارىن ۇشتايتىن, ىرگەلى ىزدەنىستەرگە جەتەلەيتىن ۇيىرمەلەر تۇراقتى جۇمىس ىستەيدى. سولاردىڭ ءبىرى «وقۋشىلاردىڭ دەنساۋلىعىنا ىقپال ەتەتىن مەكتەپ» دەپ اتالادى. بىرەگەي جوبا ەكسپەريمەنتكە نەگىزدەلگەنىمەن, سالاماتتى ءومىر سالتىن ورنىقتىرۋداعى ماڭىزى ولشەۋسىز بولماق. مەكتەپ ديرەكتورى انتونينا ساچكوۆانىڭ ايتۋىنا قاراعاندا, باعدارلامانى جۇزەگە اسىرۋ بارىسىندا سپورتتقا دەگەن بەلسەندىلىك, فيزيكالىق جۇكتەمە, دۇرىس تاماقتانۋ, پسيحولوگيالىق احۋال ەرەكشە ەسكەرىلەدى. پايدالى باعىتتاردىڭ ءبىرى رەتىندە ارتىق سالماقتان ارىلۋ جايى دا قاراستىرىلعان.
سولتۇستىك قازاقستان وبلىسى
