رۋحانيات • 17 قاراشا، 2019

اقىن-جازۋشىلار اقتوبەدە باس قوستى

116 رەتكورسەتىلدى

بيىل قازاقستان جازۋشىلار وداعىنىڭ قۇرىلعانىنا 85 جىل تولىپ وتىر. وسى مەرەيلى داتا شەڭبەرىندە ەلىمىزدىڭ تۇكپىر-تۇكپىرىنەن جينالعان قالامگەرلەر اقتوبەدە باس قوستى.

كەز-كەلگەن ۇلكەندى-كىشىلى كەزدەسۋدىڭ ارقا تۇتار بەلگىلى ءبىر قازىعى مەن توقايلاسار تۇسى بولاتىنى تابيعي ءجايت. وسى ورايدا «ادەبيەت.رۋح.قوعام» اتتى رەسپۋبليكالىق ادەبيەت فورۋمى اقتوبەدە وتكىزىلگەن ىرگەلى جيىننىڭ باستى باعىتى مەن جولىن ايقىنداپ بەردى دەۋگە ابدەن بولادى. ونىڭ اشىلۋ سالتاناتى كەزىندە اقتوبە وبلىسىنىڭ اكىمى وڭداسىن ورازالين رۋحاني قۇندىلىقتاردى باعالاي ءبىلۋدىڭ باستى جولدارىنىڭ ءبىرى ادەبيەت پەن ونەرگە كورسەتىلەتىن قولداۋ جانە ەل قالامگەرلەرىنىڭ شىعارماشىلىق قىزمەتىنە جاناشىرلىق تانىتۋ ەكەنىن اتاپ كورسەتتى. بۇدان ءارى ءوڭىر باسشىسى اقتوبەدە رەسپۋبليكالىق دەڭگەيدە ۇيىمداستىرىلعان ادەبي جيىن وسى نيەت پەن ماقساتتان باستاۋ العانىن ايتا كەلىپ، بۇل قادام جاس ۇرپاقتىڭ بويىندا كوركەم ادەبيەتتى سۇيە ءبىلۋ مەن ونى وقۋ داعدىلارىن قالىپتاستىرۋعا ىقپال جاساي الاتىنىن جەتكىزدى.

      سودان سوڭ قازاقستان جازۋشىلار وداعىنىڭ توراعاسى ۇلىقبەك ەسداۋلەت زامانالار زىمىراپ وتەتىنى، داۋىرلەر اۋىساتىنى، ونىڭ ءبارى دە وتكىنشى ەكەندىگى وسىندايدا ءسوز، سونىڭ ىشىندە كوركەمسوز ەش ۋاقىتتا ولمەيتىنى جونىندە وي تولعادى. ادەبيەتتىڭ قادىر-قاسيەتى مەن قوعامدا الاتىن ءرولى جونىندە سارا ءسوز، قالامگەرلەردىڭ وسىنداي باسقوسۋىندا ايتىلماعاندا قانداي جەردە ايتىلادى. بۇل تۇرعىدا قاي كەزدە دە تالانتتارعا كەندە بولىپ كورمەگەن اقتوەدەگى وكىلەتتى ورگان جەتەكشىلەرىمەن ادەبيەت جاناشىرلارى تاعىلىم تۇتارلىق ىسكە باستاماشى بولىپ وتىر. سول ءۇشىن ولارعا بارلىق رەسپۋبليكا قالامگەرلەرىنىڭ اتىنان ريزاشىلىق پەن العىس سەزىم بىلدىرەمىن دەپ تۇيىندەدى ءوز ويىن ۇ.ەسداۋلەت. سونداي-اق رەسپۋبليكالىق ادەبيەت فورۋمىنىڭ اشىلۋ ءراسىمى كەزىندە قازاقتىڭ بەلگىلى اقىن قىزى، مەملەكەتتىك سىيلىقتىڭ لاۋرەاتى اقۇشتاپ باقتىگەرەەۆانىڭ جۇرەكجاردى لەبىزى دە ىقىلاسپەن تىڭدالدى. بىزگە بابالاردان قالعان ەڭ ۇلكەن مۇرا –حالىق اۋىز ادەبيەتى ياعني ولەڭ مەن ماقال ەكەنىن ۇمىتپاۋىمىز كەرەك. ءومىر- انانىڭ الدەيىمەن باستالىپ، جوقتاۋىمەن اياقتالادى. مۇنىڭ ەكەۋى دە قۇيىلىپ تۇرعان ولەڭ. بۇگىنگى كۇنى ءبىز ءوزىمىزدىڭ رۋحاني قۇندىلىقتارىمىزدان الىستاپ، جاستارعا بەرىلەتىن تاربيە سولعىن تارتقان تۇستا ادەبيەت پەن قازاقتىڭ قالامگەرلەرىن قولداۋعا باعىتتالعان قادامداردىڭ قولعا الىنۋى – قۇپتاۋعا تۇرارلىق ءىس دەپ ساباقتادى ول ءوز ويىن.

  ء ۇش كۇنگە سوزىلعان جازۋشىلار فورۋمىنىڭ باعدارلاماسى سانالۋان ءتۇر مەن مازمۇنعا تولى بولدى. ونىڭ اياسىندا اقتوبە ايماعىنان شىققان كەسەك تالانت يەلەرى ءىزتاي مامبەتوۆتىڭ 90، ساعي جيەنباەۆ پەن توبىق جارماعامبەتوۆتىڭ تۋعانىنا 85 جىل تولۋىنا وراي ولاردى ەسكە الۋ شارالارى ىسكە استى. سونىمەن بىرگە ادەبيەت پەن ونەردى قولداۋ ماقساتىندا اقتوبە ايماعىندا قولعا الىنعان بىرقاتار تىڭ جوبالاردىڭ تۇساۋ كەسەرى وتكىزىلدى. ءبىر سوزبەن ايتقاندا اقتوبەدە وتكىزىلگەن رەسپۋبليكا قالامگەرلەرىنىڭ فورۋمىندا تۋعان ادەبيەتىمىزدىڭ بۇگىنى مەن ەرتەڭى تۋرالى پايىمدى تۇيىندەر جاسالدى. سونىمەن بىرگە قوعام مۇشەلەرىنىڭ بويىنا رۋحاني ادامگەرشىلىك ءدانىن سىڭىرۋگە قاتىستى ادەبيەتتىڭ باعا جەتپەس ورنى جونىندە تولىمدى دا تولعاقتى وي-پىكىرلەر ورتاعا تاستالدى.

اقتوبە

 

سوڭعى جاڭالىقتار

ماڭعىستاۋدا «جىل ادامى - 2019» انىقتالدى

ايماقتار • 14 جەلتوقسان، 2019

اقتاۋدا تۇرعىن ءۇي پايدالانۋعا بەرىلدى

ايماقتار • 14 جەلتوقسان، 2019

اتىراۋلىقتار تاعى دا ۇزدىكتەر قاتارىندا

ايماقتار • 13 جەلتوقسان، 2019

ۇقساس جاڭالىقتار