قازاقستان • 16 قاراشا، 2019

قازاق جەرىندە تۋعان بالا قامقورسىز قالماۋى كەرەك

139 رەتكورسەتىلدى

«بالالار ءۇيى» دەگەن مەكەمەدەگى كەڭەستىك قامقورلىقتىڭ جەتىم بوبەكتەرگە قانداي بولعانىن ءبارىمىز بىلەمىز. ولاردى ۇكىمەت كۇتىپ، باقسا دا ءبارىبىر انانىڭ قامقورلىعىنداي جىلىلىق بەرە العان جوق. سوندىقتان قاتىگەز، راقىمسىز بالالاردىڭ ءوسىپ شىققانىن جاسىرۋعا بولمايدى.

نەكەسىز تۋعان بالالاردىڭ ەشكىمنىڭ الدىندا جازىعى جوق، ولاردىڭ دا باقىتتى بولۋعا تولىق قاقى بار. ەشكىمنىڭ الدىندا ولاردىڭ ەشقانداي جازىعى جوق. سوندىقتان قازاقتىڭ قالتالى ازاماتتارى وسىنداي بوبەكتەرگە جانە ولاردىڭ قيىن جاعدايدا تاپ بولعان انالارىنا قامقورلىق جاساۋدى 2013 جىلدان بەرى قولعا العان ەدى. ونىڭ باستاۋشىسى «BI-Group» حولدينگىنىڭ باسقارۋشىسى ايدىن راحىمباەۆ. ونىڭ باستاماسىن قولداعان قالتالى ازاماتتار ەلىمىزدىڭ بارلىق وبلىس ورتالىقتارىندا قيىنشىلىققا ۇشىراپ، اياعى اۋىرلاپ قالعان وتىزعا تولماعان قىزدارعا قامقورلىق ورتالىقتارىن قۇردى. مۇندا جاس كەلىنشەكتەر بالاسىن تۋعان سوڭ ولارمەن ءبىر جارىم، ەكى جىلداي تۇرىپ، بوپەسىن وسىرۋگە مۇمكىندىك الادى. ءسويتىپ ولار توعىز اي، ون كۇن كوتەرگەن شاراناسىن تاستامايدى. انالىق سەزىمدەرى ويانعان سوڭ بوبەكتەرىنەن باس تارتپايدى.

پەتروپاۆل مەن قوستانايداعى وسىنداي «انالار ءۇيىن» ايدىن راحىمباەۆتىڭ باستاماسىن قولداعان داۋرەن جاقسىبەك قارجىلاندىرۋدا. ول باستامانى العاشقى بولىپ قولداعان ازاماتتاردىڭ ءبىرى. ءبىز وسى ۇيگە ات باسىن تىرەپ، ونداعى تىنىس-تىرشىلىكتى ءوز كوزىمىزبەن كوردىك. ءۇيدىڭ قىزمەتىن باسقارۋشى مەرۋەرت كوشىمباەۆا قارىنداسىمىز ەكەن. مۇندا كەلىنشەكتەرگە پسيحولوگيالىق جانە مەديتسينالىق جاردەم، قۇجاتتارىن قالپىنا كەلتىرۋ مەن تولەماقىلارىن رەسىمدەۋگە كومەك بەرىلىپ، ءبىلىم جانە جۇمىسقا ورنالاسۋعا ىقپال ەتىلەدى ەكەن.

تاپ-تۇيناقتاي، ەكى قاباتتى كوتتەدج عيماراتقا ورنالاسقان «انالار ءۇيى» قاتىپ قالعان مەملەكەتتىك مەكەمە ەمەس، كادىمگى ءۇيدىڭ جىلىلىعىن سەزدىرىپ تۇر. بوبەكتەر دە جىلاپ، ءۇيدى ازان-قازان قىلىپ جاتقان جوق، ءبارى دە تىپ-تىنىش تىنىستاپ جاتىر. وسى ۇيدە ونشاقتى بوبەك بار دەسەڭ ەشكىم سەنبەستەي.

ءبىز سويلەسكەن اسەمگۇل دەگەن قىز وزبەكستاننان كوشىپ كەلگەن وتبىسىدان ەكەن. جەرگىلىكتى جەردىڭ ءبىر جىگىتىمەن كوڭىل قوسقان، الايدا، ايتۋىنا قاراعاندا، ول قىزدى تەك ۋاقىتشا پايدالانۋدى عانا ويلاپ، اياعى اۋىرلاپ قالعانىن بىلگەن سوڭ عايىپ بولعان... ەندى ۇلبىرەگەن جاس قىز انا اتانىپ، وسى مەكەمەدەن جىلى ۇيا تاپقان. «وسىندا تىگىنشىلىك كۋرستا وقىپ-ۇيرەنۋدەمىن. سەرتيفيكات العان سوڭ جۇمىسقا تۇرىپ، ءسابيىمدى بالاباقشاعا ورنالاستىرامىن عوي» دەدى ول بىزبەن اڭگىمەلەسكەندە.

بارلىعى ونشاقتى قىزدىڭ ۇشەۋى قازاق ەكەن. وسىندا وقۋعا كەلىپ، اياعى اۋىرلاپ، بالا تۋىپ قالعان ءبىر قىزدى نامىستانعان اكە-شەشەسى كورگىسى كەلمەگەنىمەن اجەسى الىپ كەتىپتى. قالعان قىزدار وسىندا تىرشىلىك كەشىپ جاتىر.

ارينە، نەكەسىز بالا تۋعا بولمايدى. الايدا الدانعان قىزداردى دا ارامىزدان الاستاۋ دۇرىس ەمەس. سوندىقتان ولارعا جاسالعان جاقسىلىقتىڭ دا ساۋابى بار شىعار.

پەتروپاۆل

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار