ايماقتار • 15 قاراشا، 2019

وزبەك ەتنوسىنىڭ مادەني كۇنى اتالىپ ءوتتى

20 رەتكورسەتىلدى

دوستىق ۇيىندە قىزىلوردا وبلىستىق قازاقستان حالقى اسسامبلەياسىنىڭ قولداۋىمەن وزبەك ەتنومادەني بىرلەس­تى­گىنىڭ ۇيىمداس­تىرۋىمەن «سىر ەلى – دوستىق مەكەنى» جوباسى اياسىندا وزبەك ەتنوسىنىڭ مادەني كۇنى اتالىپ ءوتتى.

ءىس-شاراعا وبلىستىق قازاق­ستان حالقى اسسامبلەياسى حات­شىلىعىنىڭ مەڭگەرۋشىسى ل.تورەشوۆا، ەتنومادەني بىر­لەس­­تىك باسشىلارى مەن بەل­سەندىلەرى، ەڭبەك اردا­گەرلەرى، ستۋدەنت جاستار قاتىستى.

ەتنوس كۇنى اياسىندا دوس­تىق ءۇيىنىڭ فويەسىندە وزبەك حالقىنىڭ سالت-ءداستۇرى مەن ادەت-عۇرپىن، مادەنيەتىن سۋ­رەت­تەيتىن ۇلتتىق اشەكەي بۇ­يىمدارىنان، ورنەكتى ىدىس-اياقتارىنان، تۇرمىستا پاي­دالانىلاتىن زاتتارىنان، ۇلتتىق ناقىشتاعى كيىمدە­رىنەن كورمە ازىرلەندى.

سونىمەن قاتار شىمكەنت قالالىق وزبەك دراما تەاتر­ى ونەرپازدارىنىڭ ارنايى مە­رەكەلىك كونتسەرتى ۇسىنىلدى. مەرەكەلىك كونتسەرت بارىسىندا ل.تورەشوۆا ءوڭىردىڭ دامۋىنا سۇبەلى ۇلەس قوسىپ جۇرگەن وزبەك ەتنومادەني بىرلەستىگىنىڭ بىرقاتار بەلسەندىسىن العىس حاتپەن ماراپاتتادى. ء«وز ەڭبەكقورلىعىمەن سىر ەلىنىڭ دامۋىنا سۇبەلى ۇلەس قوسىپ كەلە جاتقان تاريحى تامىرلاس ەكى حالىقتىڭ دوستىعى ەجەلدەن بەرىكتىگىن بۇزعان ەمەس. بۇگىنگى مەرەكەلىك كونتسەرتتە ءبىز وزبەك اعايىندارىمىزدىڭ ونەردەن بولەك، مادەنيەتىنەن سىر شەرتەتىن ۇلتتىق ناقىش­تاعى قولونەر كورمەسىن تا­ما­شالادىق. ونەرپازداردىڭ ونەرىنە ءتانتى بولدىق. وسى ءسات­تى پايدالانا وتىرىپ، قاحار اليموۆيچ باسقارىپ وتىرعان وب­لىستىق وزبەك ەتنومادەني بىر­لەس­تىگىنىڭ بەلسەندى مۇشە­لەرىنە العىسىمدى بىلدىرگىم كەلەدى»، دەدى ول.

كونتسەرتتە شىمكەنت قالا­سىنان كەلگەن وزبەك ەتنو­سىنىڭ ءان-بي ۇجىمدارى ونەر كور­سەتىپ، ۇلتتىق اسپاپتارىن­دا ءتۇرلى كومپوزيتسيالار ورىندادى.

 

 

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار