14 قاراشا، 2019

«اياجان» ەسىگىن ايقارا اشتى

210 رەتكورسەتىلدى

ەلىمىزدە ءبىلىم بەرۋ سالاسىنا ۇنەمى باسا نازار اۋدارىلىپ كەلەدى. مەملەكەت باسشىسى ق.توقاەۆتىڭ حالىققا جولداۋىندا وسى سالاداعى ماسەلەلەرگە بىرنەشە مارتە نازار اۋدارىپ ء«بىلىم بەرۋ ساپاسىن ارتتىرۋعا كۇش سالامىز» دەگەنى وسى ءسوزىمىزدىڭ ايقىن كورىنىسى.

تۇڭعىش پرەزيدەنت-ەلباسى ن.نازارباەۆ ايتقانداي، «ەلىمىزدىڭ ەرتەڭى – بۇگىنگى جاس ۇرپاقتىڭ قولىندا، ال جاس ۇرپاقتىڭ تاعدىرى – مۇعالىمدەردىڭ قولىندا». ەلباسىنىڭ باستاماسىمەن بيىلعى جىل «جاستار جىلى» دەپ جاريالانعانى ءمالىم. وسىعان وراي 7 قاراشا كۇنى نۇر-سۇلتان قالاسى ءبىلىمدى جاڭعىرتۋ ورتالىعىنىڭ  مۇرىندىق بولۋىمەن №18 «اياجىن» بالاباقشاسىندا قالالىق مەكتەپكە دەيىنگى ۇيىمداردىڭ جاس ماماندارىنا ارنالعان «جاقسىدان ۇيرەن...» اتتى تاربيەشىلەردىڭ ادىستەمەلىك بىرلەستىگى ءوتتى.

شارا بارىسىندا بالاباقشانىڭ پەگاگوگتار ۇجىمى مەكەمەگە كەلگەن جاس مامانداردى كوتەرىڭكى كوڭىل كۇي سىيلايتىن اسەم اۋەنمەن قارسى الىپ، ولارعا گۇل ۇسىندى. پسيحولوگ سايا قونىسباەۆا جاس پەداگوگتاردى «قىزىل كىلەم» ۇستىنەن وتكىزدى، ولاردىڭ كوكەيىندە جۇرگەن ءتۇرلى ساۋالدارعا جاۋاپ بەرىپ، ترەنينگ وتكىزدى.

بالاباقشا مەڭگەرۋشىسى اسەل مۇحامەتجانوۆا سەمينارعا قاتىسۋشىلاردىڭ الدىندا ءسوز سويلەپ شارانى اشىپ بەردى. ولارعا قيىندىعى مەن قىزىعى مول ۇستازدىق جولدا جارقىن جەتىستىكتەر تىلەدى.

جاس پەداگوگتارعا ارنالعان شەبەرلىك توپقا ەلورداداعى گۋمانيتارلىق كوللەدج بەن ەۋرازيا گۋمانيتارلىق ينستيتۋتىنىڭ ستۋدەنتتەرى قاتىستى. سەمينارعا كەلگەن ءاربىر پەداگوگ ءوزىنىڭ پەداگوگيكالىق قورجىنىنا قانداي دا ءبىر پايدالى اقپارات السىن دەگەن نيەتپەن بالاباقشا پەداگوگتارى اشىق ۇيىمداستىرىلعان وقۋ قىزمەتتەرى مەن سۋرەت سالۋدىڭ قىر-سىرىن ۇيرەتىپ، شەبەرلىك جۇمىستارىن اتقاردى.

بالاباقشالار ءاربىر جاڭا وقۋ جىلى باستالعان كەزدە وقىتۋ-تاربيەلەۋ جۇمىستارىندا قانداي دا ءبىر جاڭالىق ەنگىزۋگە قۇمار. «اياجان» بالاباقشاسىندا بيىلعى وقۋ جىلىندا «ينتەللەكتۋم كابينەتى» اشىلعان بولاتىن. سول كابينەتكە كەلەتىن بالالاردىڭ قىزىعۋشىلىعى وتە جوعارى. جاس پەداگوگتارعا مەكتەپالدى دايارلىق «جاس داۋرەن» توبىنىڭ جەتەكشىسى اقتوتى قاپەنوۆا وسى ينتەللەكتۋم ويىندارى بويىنشا «ينتەللەكتۋم ويىندارى ارقىلى بالالاردىڭ شىعارماشىلىعىن دامىتۋ» تاقىرىبىندا اشىق ءدارىس وتكىزدى.

«سامۇرىق» ەرەسەكتەر توبىنىڭ تاربيەشىسى دە «جۇلدىزدى ساعات» اتتى ويىنعا نەگىزدەلگەن شارا ۇيىمداستىرىپ، جاس پەداگوگتاردىڭ ىقىلاسىنا يە بولدى. ترابيەشى گاۋحار شاياحمەتوۆانىڭ «كۇزگى ورمانعا ساياحات» اتتى اشىق وقىتۋ جۇمىسىن دا بالاباقشاعا كەلگەن قوناقتار قىزىعا تاماشالادى. بالاباقشا ۇجىمىنىڭ مۇشەلەرى ۇيىمداستىرعان وسى شارالاردىڭ بارلىعىنا SWOT تالداۋ جۇرگىزىلگەنىن ايتا كەتەيىك. №44 «ۇركەر» بالاباقشاسىنىڭ ادىسكەرى الما ابەجانوۆا، №22 «الەم» بالاباقشاسىنىڭ پەداگوگى نۇرلىگۇل كۇنجاقسينا جانە №58 «وركەن» بالاباقشاسىنىڭ تاربيەشىسى رايحان جومەەۆا تالداۋ وتە ءساتتى شىققانىن ايتىپ، ريزاشىلىقتارىن ءبىلدىردى.

سونىمەن قاتار №31 «اق سۇڭقار» بالاباقشاسىنىڭ تاربيەشىسى نۇرجامال راحمەتوۆا سۋرەت سالۋدىڭ ءداستۇرلى ەمەس تۇرلەرىنەن جاس ماماندارعا «سيقىرلى الاقان» دەپ اتالاتىن شەبەرلىك توپ كورسەتتى. وندا جاس ماماندار ماقتانى بوياپ ويۋ سالسا، ەندى بىرەۋلەرى ەرلەر قىرىنۋعا قولداناتىن كادۋىلگى كوپىرگىش پەن بوياۋدى ارالاستىرۋ ارقىلى ادەمى سۋرەتتەردى سالىپ كورسەتتى. قولجەتىمدى ماتەريالداردان سۋرەتتىڭ بارلىق ءتۇرىن بەينەلەپ بەرگەن پەداگوگقا جاس ماماندار العىس ءبىلدىردى.

گۋمانيتارلىق كوللەدجدىڭ مەكتەپكە دەيىنگى پەداگوگيكا جانە ادىستەمەلىك وقىتۋشىس، جوعارعى ساناتتى پەداگوگ قاپيا قاسىموۆا كەلگەن قوناقتارعا ءوز ىقىلاسىن ءبىلدىرىپ، سەميناردىڭ ۇيىمداستىرىلۋ بارىسى تۋرالى پىكىرىمەن ءبولىستى.

سونىمەن قاتار سەمينارعا نۇر-سۇلتان قالاسىنىڭ ءبىلىمدى جاڭعىرتۋ ورتالىعىنىڭ ۇيىمداستىرۋىمەن وتكەن «ەڭ ۇزدىك جاس مامان» سايىسىنىڭ جۇلدەگەرى اسەم قاناپيانوۆا كەلىپ، ەڭبەك جولىن ەندى باستاپ جاتقان جاس ماماندارعا ءوزىنىڭ شىعارماشىلىعى تۋرالى باياندادى. سونداي-اق ول جاس ماماندارعا ەش نارسەدەن تايسالماي، قيىندىققا مويىماي، تاڭداعان ماماندىقتارى بويىنشا تالماي ەڭبەكتەنۋ كەرەكتىگى تۋرالى ويىن جەتكىزدى.

نۇر-سۇلتان قالاسى مەكتەپكە دەيىنگى ۇيىمدار تاربيەشىلەرىنىڭ ادىستەمەلىك بىرلەستىك جەتەكشىسى گۇلميرا سارسەنباەۆا بالاباقشاعا كەلگەن جاس ماماندارعا ريزاشىلىعىن ءبىلدىرىپ، ترەنينگتەر وتكىزۋ وتىرىپ جاس پەداگوگتاردىڭ قۇقىقتىق-نورماتيۆتىك بىلىمدەرىنىڭ قانداي دەڭگەيدە ەكەنىن ءبىلۋ جانە مەكتەپكە دەيىنگى ۇيىمعا بەيىمدەلۋى تۋرالى ونلاين ساۋالدارعا جاۋاپ الدى.

سەمينار سوڭىندا قوناقتار وسى كۇنى وتكەن شارالار تۋرالى وي-پىكىرلەرىن «ىزگى تىلەكپەن...» البومىنا جازدى. ەندى ءبىرى «كوڭىل اعاشقا» كوڭىل-كۇيلەرىن ءبىلدىردى.

دامەگۇل بەيبىتقىزى،

№18 «اياجان» بالاباقشاسى

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار