قوعام • 14 قاراشا، 2019

جاتاقحانا قۇرىلىسى بيزنەس رەتىندە: ساراپشىلار پىكىرى

50 رەتكورسەتىلدى

1

ەرالى ساۋرانباەۆ،

«Sheber Partners» قۇرىلىس كومپانياسىنىڭ باس ديرەكتورى:

– «شەبەر» كومپانيالار توبى قۇرىلىس نارىعىندا 12 جىلدان استام ەڭبەك ەتىپ كەلەدى. وسى ۋاقىت ىشىندە 1 ملن شارشى مەتردەن استام تۇرعىن ءۇي مەن ونەركاسىپتىك نىساندار پايدالانۋعا بەرىلدى. قازىر ءبىز جوو ءۇشىن جاتاقحانالار سالۋ بويىنشا بىرنەشە جوبانى دايىنداپ جاتىرمىز.

ءبىزدىڭ باستى ماقساتىمىز – قوعامدى، ەكولوگيانى جانە كورپوراتيۆتىك مادەنيەتتى قوسا العاندا، ءبىزدىڭ قىزمەتىمىزدىڭ الەۋمەتتىك تيىمدىلىگىن ارتتىرۋ.

مىسالى، كوپتەگەن ەلدەردە ۋنيۆەرسيتەتتەر ستۋدەنتتەردىڭ جوعارى وقۋ ورىندارىنىڭ كامپۋستارىندا تۇرۋىن تالاپ ەتەدى. كوپتەگەن ساراپشىلار «مۇنداي تالاپتى قويۋعا ۋنيۆەرسيتەت جاتاقحانالارىندا تۇراتىن ستۋدەنتتەردىڭ جاتاق­حانا­دا تۇرمايتىندارمەن سالىستىرعاندا ۇلگەرىمى جوعارى بولاتىن­دىعى نەگىز بولعان» دەگەن پىكىردى ۇستانادى. بۇل فاكتىگە ستۋدەنت­تەردىڭ قولايلى ورتاسى، كوممەرتسيالىق الاڭداردا فيتنەس زالدار، باسسەيندەر، اسحانالار، كىتاپحانالار جانە ت.ب. سياقتى قوسىمشا قىزمەتتەردىڭ بولۋى ىقپال ەتەدى.

ايتا كەتۋ كەرەك، ستۋدەنتتىك جاتاقحانالار قۇرىلىسىنا جاڭا كوزقاراس مەملەكەتتىك جوو-لاردى جەكەمەنشىك ينۆەستور­لار­دىڭ ەسەبىنەن زاماناۋي الەۋمەتتىك ينفراقۇرىلىم قۇرۋ ءۇشىن جەكەمەنشىك كاسىپكەرلەرمەن سەرىكتەستىك قارىم-قاتىناس ورناتۋعا ىنتالاندىرادى.

وسى رەتتە، مەملەكەت بارلىق تاراپتاردىڭ مۇددەلەرىن ەسكەرەتىن وتە تارتىمدى تەتىك ويلاپ شىعاردى. قازىر ينۆەستورلار ءۇشىن، سونداي-اق جاتاقحانالار قۇرىلىسىنا ينۆەستيتسيا سالۋعا نيەتى مەن مۇمكىندىگى بار قۇرىلىس كومپانيالارى ءۇشىن وتە قولايلى جاعداي.

 

2

گۇلنار تۇگىباەۆا،

«Best Realty Astana»

جىلجىمايتىن م ۇلىك اگەنتتىگىنىڭ باسشىسى:

– ءبىزدىڭ اگەنتتىكتىڭ قىز­مەت بەيىنى كوممەرتسيا­لىق جىلجىمايتىن م ۇلىك باعى­تىن قامتيدى. سول سەبەپ­تى مەم­لەكەتتىڭ جەكەمەنشىك سەكتور ءۇشىن ۇسىنىپ وتىرعان ستۋ­دەنت­تىك جاتاق­حانالاردى سالۋ تەتى­گىنىڭ قارجى مودەلىن قاراستىرۋ قىزىقتى بولدى.

بۇگىنگى تاڭدا قازاقستاندا قوناقۇي بيزنەسى كۇردەلى كەزەڭدى وتكەرىپ جاتقانى بەلگىلى. ماسەلە ونىڭ توقىراپ قالۋىندا ەمەس، كەرىسىنشە، بۇل سەگمەنتتەگى باسەكەلەستىك كۇننەن كۇنگە ارتۋدا. سوڭعى ون جىلدا جايعاسۋ ورىندارىنىڭ سانى ءۇش ەسەگە، ال نومىرلىك قور 2،4 ەسەگە ارتىپ، شامامەن 70 مىڭ بىرلىكتى قۇرايدى. ايتسە دە، كەز كەلگەن بيزنەستىڭ تيىمدىلىگىن ايقىندايتىن وزەكتى ءبىر ۇعىم بار، ول – سۇرانىس. بىلايشا ايتقاندا، قوناقۇيلەردىڭ تولىمدىلىعى. شىندىعىنا كەلگەندە، بۇگىندە بۇل سان 30%-دان ءسال عانا اسادى. ياعني، 200 ورىنعا نومىرلىك قور بولسا، ونىڭ نەبارى 60-ى عانا تولاتىنىنا ۇمىتتەنۋگە بولادى. بۇل قىزمەت كورسەتۋ دەڭگەيىنە دە بايلانىستى.

ەندەشە، باسقا «زەرت­­تەلمەگەن»، ايت­سە دە تۇرعىن ءۇي نا­رى­عى­نىڭ ۇقساس سەگ­مەنتى – ستۋدەنتتىك جاتاق­حانالاردى الىپ كورە­يىك. نارىقتىڭ اۋقىمىن ءتۇسىنۋ ءۇشىن بىردەن ءبىر ما­ڭىز­دى فاكتور – جاتاقحانالار تاپشىلىعىن ەسەپكە الۋعا بولادى. ول رەسمي دەرەككوزدەرگە سايكەس 90 مىڭنان استام ورىن جايدى قۇرايدى. ياعني، ەلىمىزدەگى بارلىق قوناقۇي بولمەلەرىن ستۋدەنتتەرگە بەرگەننىڭ وزىندە، 20 مىڭ ادام ورىنسىز قالادى. سوندىق­تان كاسىپكەرلەر مەن دەۆەلوپەرگە وسى تۇرعىن ءۇي نارى­عىن يگەرۋ جونىندە ويلانۋدىڭ ماڭىزى بار. ونىڭ ۇستىنە، جوبانىڭ الەۋمەتتىك ماڭىزدىلىعى مەملەكەت تاراپى­نان قار­جىلىق قولداۋعا ۇمىتكەر بولۋعا مۇمكىندىك بەرەدى.

 3

تالعات تۇرسىنباەۆ،

«قازاقستاندىق مەملەكەت – جەكەمەنشىك ارىپتەستىك ورتالىعى» اق ۆيتسە-پرەزيدەنتى:

– 2018 جىلى ستۋدەنتتەر ءۇشىن جاتاق­حانالاردا 75 مىڭ ورىن ەنگىزۋ تۋرالى باستاما جاريا­لان­عان بولاتىن. سوڭعى 10 جىلدا قازاق­ستاندا مەم­لەكەتتىك قارجى­لان­دىرۋ كەزىندە بارلىعى 10 مىڭ ورىن ەنگىزىلگەنىن ەسكەرە وتىرىپ، بۇل جوبانى ءورشىل دەپ ساناۋعا تولىق نەگىز بار.

جوباعا قاتىسۋدى جوسپارلاي وتىرىپ، ءبىز باسقا ەلدەردىڭ تاجى­­ري­بەسىن جان-جاقتى زەرتتەدىك. ناتيجەسىندە كوپتەگەن جاع­دايدا ەشكىم جاتاقحانا سالمايتىنى انىقتالدى. كەرىسىنشە، قاجەتتىلىك بولعان جاعدايدا جۇمىس ىستەپ تۇرعان وبەكتىلەردى ستۋدەنتتىك جاتاقحانالار ەتىپ وزگەرتەدى، سونداي-اق پروبلەمالىق اكتيۆتەردى بيزنەسمەندەرگە سەنىمدى باسقارۋعا بەرەدى. وسىعان بايلانىستى ستۋدەنتتەردى جاتاق­حانامەن قامتاماسىز ەتۋ تەتىگىنە رەكونسترۋكتسيا جاساۋ وپتسياسىن ەنگىزۋ دۇرىس دەپ سانايمىن.

جاڭا قۇرىلىس سالۋ قاشان دا ەكى تاۋەكەلمەن بايلانىستى بولادى، ولار – قۇرىلىس قۇنىنىڭ جانە ىسكە اسىرۋ مەرزىمدەرىنىڭ ۇلعايۋى. بيزنەس الەۋەتىن قولدانىستاعى اكتيۆتەر تۇرىندە (سالىنىپ بىتپەگەن وبەكتىلەر، بيزنەس-ورتالىقتار، تۇرعىن ءۇي كەشەندەرى) پايدالانۋ، سونداي-اق بانكتەردىڭ پروبلەمالىق كەپىل بازاسىن تارتۋ قۇرىلىسقا بايلانىستى تاۋەكەلدەردى بولدىرمايدى جانە وسى الەۋمەتتىك ماسەلەنى شەشۋ ءۇشىن مەملەكەت قاراجاتىن ايتارلىقتاي ۇنەمدەيدى.

تۇراقسىزدىق ۋاقىتىندا مەملەكەتپەن تولەمدەرى قاراستى­رىل­عان جانە قوسىمشا تابىس الۋ مۇمكىندىگى بار سەگىز جىلدىق كەل­ى­سىم­شارت جاساسۋ ءارى قاراي دامۋعا نيەتتى كاسىپكەر ءۇشىن وتە ءتيىمدى.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار