قوعام • 12 قاراشا، 2019

حالىقتىڭ ناقتى تابىسىنىڭ ءوسۋى 6،4%-دى قۇرادى — ۇەم

40 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ كەزەكتى وتىرىسىندا 2019 جىلدىڭ قاڭتار-قازان ايلارىنداعى الەۋمەتتىك-ەكونوميكالىق دامۋ قورىتىندىلارى جانە رەسپۋبليكالىق بيۋدجەتتىڭ ورىندالۋى ماسەلەلەرى قارالدى. بيىلعى 10 ايداعى الەۋمەتتىك-ەكونوميكالىق دامۋ قورىتىندىلارى تۋرالى ۇلتتىق ەكونوميكا ءمينيسترى رۋسلان دالەنوۆ باياندادى. بۇل تۋرالى ۇكىمەتتىڭ ءباسپاسوز قىزمەتى حابارلادى. 

قر ۇەم مالىمەتتەرى بويىنشا، ءجىو ءوسىمى قاڭتار-قازان ايلارىندا 4،4%-عا جەدەلدەدى. ەكونوميكا ءوسىمىنىڭ فاكتورلارى — ينۆەستيتسيالىق بەلسەندىلىك، ىشكى سۇرانىستىڭ جانە ءجىو-دەگى شاعىن جانە ورتا بيزنەس ۇلەسىنىڭ ۇلعايۋى، ونەركاسىپتىڭ كىشى سالالارىنداعى ەكى ءماندى ءوسىم، سونىمەن بىرگە، مۇناي ءوندىرۋدىڭ قالپىنا كەلۋى. ەكونوميكانىڭ سالالارى بويىنشا ينۆەستيتسيالىق جوبالار پۋلى قۇرىلدى. بۇل ورتا مەرزىمدى كەلەشەكتە ەكونوميكانىڭ تۇراقتى جانە ساپالى ءوسۋ نەگىزىن قۇرايدى.

«ينۆەستيتسيالار 8،2%-عا ءوستى. حالىقتىڭ ناقتى تابىسىنىڭ ءوسۋى 6،4%-دى قۇرادى. جالپى ىشكى ونىمدەگى شاعىن جانە ورتا بيزنەستىڭ ۇلەسى 28،5%-عا دەيىن ارتتى. ونەركاسىپ ءوندىرىسى ورنىقتى ءوسۋ ءۇردىسىن ساقتاپ وتىر. قاڭتار-قازاندا ءوسىم 3،5%-دى قۇرادى. وڭدەۋ ونەركاسىبى 3،3%-عا ءوستى»، — دەدى ر. دالەنوۆ.

ءوسۋ نەگىزگى وڭدەۋ سالالارىندا قول جەتكىزىلگەن قارقىننىڭ ساقتالۋىمەن قامتاماسىز ەتىلدى. ولار — جەڭىل ونەركاسىپ، ماشينا جاساۋ، فارماتسەۆتيكا جانە سۋسىندار ءوندىرىسى.

«مۇناي ءوندىرۋدى قالپىنا كەلتىرۋ ەسەبىنەن كەن ءوندىرۋ ونەركاسىبىندە ءوسىم 3،7%-عا دەيىن ارتتى. ءتۇستى مەتالدار كەنىن وندىرۋدە 18% دەڭگەيىندە جوعارى ءوسۋ قارقىنى ساقتالدى. قۇرىلىس جۇمىستارى قارقىندى جۇرگىزىلۋدە. ءوسىم 12،7%-دى قۇرادى. 9،8 ملن شارشى مەتر تۇرعىن ءۇي پايدالانۋعا بەرىلدى»، — دەدى ۇلتتىق ەكونوميكا ءمينيسترى.

اۋىل شارۋاشىلىعى سالاسىندا مال شارۋاشىلىعى ونىمدەرىنىڭ ءوندىرىسى 3،9%-عا ۇلعايدى. كورسەتىلەتىن قىزمەتتەر سالاسىندا ءوسىم 4،4%-دى قۇرادى. ساۋدا كولەمى 7،5%-عا، كولىك – 5،6%-عا جانە بايلانىس – 4،5%-عا ءوستى.

ر. دالەنوۆتىڭ ايتۋىنشا، بيىلعى قاڭتار-قىركۇيەكتە سىرتقى ساۋدا اينالىمى 1،5%-عا ءوسىپ، $70،4 ملرد دەيىن جەتتى. ەكسپورت كولەمى – $42،7 ملرد، ال يمپورت $27،6 ملرد قۇرادى. نەگىزگى كورسەتكىشتەر بويىنشا وڭىرلەردىڭ كوبىندە ءوسۋدىڭ وڭ سەرپىنى بايقالادى.

«قۇرىلىس جانە نەگىزگى كاپيتالعا سالىنعان ينۆەستيتسيالار بويىنشا ارتتا قالعان وڭىرلەر سانى قىسقاردى. ماسەلەن، سولتۇستىك قازاقستان وبلىسى قۇرىلىس بويىنشا 3،9% دەڭگەيىندە، ماڭعىستاۋ وبلىسى ينۆەستيتسيالار بويىنشا 2،9% دەڭگەيىندە وڭ ءوسىم كورسەتتى. شىعىس قازاقستان جانە قىزىلوردا وبلىستارى 4 كورسەتكىش بويىنشا، قاراعاندى، باتىس قازاقستان جانە اقمولا وبلىستارى 3 كورسەتكىش بويىنشا جوعارى ءوسىم كورسەتتى»، — دەپ تۇيىندەدى ر. دالەنوۆ.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار