كۇللى الەمنىڭ كۇلكىسى
بالاسى اكەسىنە ساۋال قويدى:
– اكە, قاراپايىم سوزبەن ءتۇسىندىرىڭىزشى, وسى پرەزيدەنت پەن حالىقتىڭ, مينيستىرلىك پەن كوميتەتتىڭ ايىرماشىلىعى نەدە؟
– مىسالى, مەن – پرەزيدەنتپىن, شەشەڭ – قارجى ءمينيستىرى, اجەڭ – قاۋىپسىزدىك كوميتەتى, سەندەر – حالىقسىڭدار.
... ەرتەسىندە كەزەكشىلىكتە وتىرعان اكەسىنە بالاسى تەلەفون سوعادى:
– قۇرمەتتى پرەزيدەنت, ءبىزدىڭ قارجى ءمينيسترىنىڭ ۇيىقتايتىن بولمەسىنە باسقا پرەزيدەنت كىرىپ كەتتى, قاۋىپسىزدىك كوميتەتى قالىڭ ۇيقىدا, حالىق بولسا – قوبالجۋلى...
***
– اكەم ناۋقاستانىپ قالىپتى, قارالىپ كەلىڭىز دەپ ارعى بەتتەگى مولداعا جىبەردىم.
– ءوزىڭنىڭ تاۋىپشىلىگىڭە كوپشىلىك قۇلدىق ۇرادى ەمەس پە؟!
– مەن قۇرعان انانى... اقشانى ايتامىن, كوپ الادى ەمەسپىن بە...
***
سۋديا ءماجىلىس زالىنان ىشەك-سىلەسى قاتىپ شىعادى.
– نە بولدى؟ – دەيدى ارىپتەسى.
– ىشەك تۇيىلەتىن انەكدوت ەستىدىم!
– ايتىپ جىبەرشى!؟
– ايتا المايمىن, جاڭا عانا سول ءۇشىن ون بەس جىل بەرىپ شىقتىم...
***
كولباسا ساتاتىن دۇكەننىڭ قوجايىنى قىزمەتكە الۋىن ءوتىنىپ كەلگەن ازاماتتان ءار نارسەنى سۇراستىرا كەلىپ, سوڭعى سۇراعىن قويادى:
– ماسەلەن, ويلانباي ايتىڭىزشى, ءبىر كيلوگرامدا قانشا گرامم بار؟
– سەگىز ءجۇز ەلۋ گرامم!
– بارەكەلدى! ەرتەڭنەن باستاپ جۇمىسقا كىرىسىڭىز!
***
كورشى ايەل كەلگەندە شەشەسى بالاسىنا:
– اپكەڭدى ءسۇي, – دەيدى.
– سۇيمەيمىن!
– نەعىپ-ەي!
– وتكەندە, پاپام سۇيگەندە, شاپالاقپەن ءبىر تارتقان...
***
– كەشە ءسىزدىڭ جۇبايىڭىزدى تەاتردان كوردىم. جوتەلگەنى سونشا – جۇرتتىڭ ءبارىن وزىنە قاراتتى, ناۋقاستانىپ قالعان-اۋ, شاماسى؟
– جوق-ا! ول وندا جاڭا كويلەك كيىپ بارعان بولاتىن...
