ءبىرىنشى كەزەڭى تىركەلۋ, ەكىنشىسى ۇگىت-ناسيحات جۇمىستارى جانە ءۇشىنشى كەزەڭ – داۋىس بەرۋ ناۋقانى. ۇگىت-ناسيحات كەزەڭىنىڭ ۇمىتكەرلەر اراسىنداعى اشىق پىكىرتالاسى 8, 9, 11 قاراشا ارالىعىندا ءوتتى. كانديداتتار اۋداننىڭ ماڭىزدى ماسەلەلەرىن باعدارلامالارىنا قوسىپ, پىكىرتالاستا ورتاعا سالدى.
– پارتيادا جوق, بىراق ءوزىنىڭ پوتەنتسيالى بار, ويى بار, ءوزىنىڭ وسى اۋدانىمىزدىڭ, ءوڭىرىمىزدىڭ داۋمىنا ۇلەسىن قوسامىز دەگەن ءاربىر ازاماتتى ءبىز شاقىردىق. سەبەبى كوزگە كورىنبەي جۇرگەن ازاماتتار بولۋى مۇمكىن. مىنە, بۇگىنگى تاڭدا وسى ازاماتتارىمىز كەلىپ, قازىر 49 كاديدات تىركەلدى, -دەپ مالىمدەدى كادرلىق رەزەرۆ بويىنشا «Nur Otan» پارتياسى مۇنايلى اۋداندىق فيليالى توراعاسىنىڭ ورىنباسارى مۇقانجان كامالوۆ.
سولاردىڭ ءبىرى مۇنايلى اۋداندىق ىسكەر ايەلدەر كەڭەسىنىڭ ءتورايىمى, اۋداندىق ءماسليحات دەپۋتاتى, «ەراسىل» بالاباقشاسىنىڭ ديرەكتورى, كوپبالالى انا - قونىسباەۆا گۇلجانات وتەۋقىزى ىرىكتەۋدىڭ مۇنايلى اۋدانىندا ءوتىپ جاتقانىنا قۋانىشتى ەكەندىگىن جەتكىزدى.
– اۋدانىمىز بۇدان 12 جىل بۇرىن 2007 جىلى ەلباسىنىڭ جارلىعىمەن اقتاۋ قالاسىنىڭ ماڭىنداعى ەلدى-مەكەندەر مەن ساياجايلارعا قونىستانعان حالىقتىڭ الەۋمەتتىك ماسەلەلەرىن ءبىر ورتالىقتان شەشۋ ماقساتىندا قۇرىلدى. ەلباسىنىڭ ءوزى كەلىپ اشىپ بەردى. اۋدان اشىلعالى ءبىزدىڭ بوس جاتقان سايىن دالامىزعا اق شاتىرلى اۋىلدار پايدا بولىپ, ەلدى-مەكەنىمىزدىڭ كوركى بۇرىنعىمەن سالىستىرعاندا ادام سەنبەستەي دارەجەدە كوركەيدى.
«Nur Otan» پارتياسى كادرلىق رەزەرۆ جوباسىنىڭ باستالعانى وتە جاقسى باستاما, «ەسىكتەن - ەسىككە» اكتسياسى اياسىندا حالىقتىڭ ماسەلەسىنە جاقىن تانىسۋعا ۇسىنىستارىن جيناۋعا زور مۇمكىندىك بەردى. ءبىزدىڭ اۋدانىمىز اشىلعاند 48 000 عانا ادام بولسا, قازىردە حالىق سانى 168 مىڭ 400 –گە جەتتى. حالىق كوبەيگەن سايىن, حالىقتىڭ ماسەلەسى دە كوبەيەدى. ءار اۋىلعا جەلى ارقىلى سۋ جۇرگىزۋ, سەبەبى ماەك-تەن كەلەتىن سۋدىڭ مولشەرى جەتىسپەيدى. اۋىل ءىشى جولدارىن اسفالتتاۋ, كاسىپكەرلىكتى دامىتۋ, مەكتەپ جەتىسپەۋشىلىگىن بولدىرماۋ, سپورت الاڭدارىن جابدىقتاۋ, اۋىلدارداعى كىتاپحانا تاپشىلىعىن جويۋ, مۋزەيلەر اشۋ, وقۋشىلار ورتالىعىن سالۋ, اۋىلدى قالا دەڭگەيىنە جەتكىزىپ, حالىققا قىزمەت ەتەتىن مەكەمەلەردىڭ جۇمىس ساپاسىن قالالىق دارەجەگە جەتكىزۋگە ات سالىسۋدى جوسپارلايمىن,- دەدى.
مۇنايلى اۋدانىنداعى كادرلىق رەزەرۆكە ىرىكتەۋ ءالى جالعاسۋدا, قورىتىندىسى 16 قاراشادا كەشكى ساعات 18.00-گە دەيىن جاريالاناتىن بولادى دەپ كۇتىلۋدە.
