ايماقتار • 08 قاراشا، 2019

بەردىبەك ساپارباەۆ باستاعان ۇكىمەتتىك جۇمىس توبى كەلدى

53 رەتكورسەتىلدى

ۇكىمەتتىك جۇمىس توبىنىڭ مۇشەلەرى حالىقپەن، جۇمىسشىلارمەن، دەنساۋلىق ساقتاۋ جانە ءبىلىم سالاسىنىڭ قىزمەتكەرلەرىمەن كەزدەسۋ وتكىزەدى. سونىمەن قاتار الەۋمەتتىك جانە مادەني نىسانداردى، اۋىلداردى ارالايدى.

سۋرەتتى تۇسىرگەن: ۆالەري بۋگاەۆ

بۇگىن ساپار بارىسىندا بەردىبەك ساپارباەۆ وبلىس ورتالىعىنداعى «بالالاردى وڭالتۋ ورتالىعىن» ارالاپ كوردى.

ورتالىق تىرەك-قيمىل قوزعالىسى بۇزىلعان بالالارعا كەشەندى الەۋمەتتىك-مەديتسينالىق جانە پسيحولوگيالىق-پەداگوگيكالىق كومەك كورسەتەدى.

مۇمكىندىگى شەكتەۋلى بالالار 1 ايدان 1 جىل ۋاقىت ارالىعىندا ەم قابىلداي الادى.

ورتالىقتىڭ الەۋمەتتىك جۇمىس جونىندەگى مامانى ەرنۇر قالەنوۆتىڭ ايۋتىنشا، قازىر 110 بالا تەگىن ەم الۋدا. ولار ءۇشىن ارنايى مەدبيكە جانە كومەكشىلەر جۇمىس ىستەيدى. كۇنىنە التى مەزگىل تاماقتانادى.

سونىمەن قاتار باسسەين، تولىعىمەن جابدىقتالعان فيزيوتەراپيا بولمەسى ورنالاسقان. ورتالىقتىڭ جىلىنا 300-گە دەيىن بالانى ەم-شارامەن قامتۋعا مۇمكىندىگى بار.

وبلىستا 2635 مۇمكىندىگى شەكتەۋلى بالا بار. ونىڭ ىشىندە 489 بالانىڭ تىرەك-قيمىل اپپاراتى بۇزىلعان. 2018 جىلى 181 بالاعا ارناۋلى الەۋمەتتىك قىزمەت كورسەتىلدى. اعىمداعى جىلدىڭ 10 ايىندا 152 بالا وڭالتۋدان وتكەن.

بۇدان كەيىن ۇكىمەتتىك جۇمىس توبىنىڭ  مۇشەلەرى وقۋشىلار سارايىندا بولدى. بالالار تەحنوساياباعىن ارالاپ كوردى.

تەحنوساياباقتا وقۋشىلار تەگىن ءبىلىم الادى. ولارمەن 14 پەداگوگ جۇمىس ىستەيدى. تەحنوساياباق تەحنيكامەن، 3D پرينتەرمەن جابدىقتالعان. وقۋىشلار ءتۇرلى جوبالارىمەن رەسپۋبليكالىق بايقاۋلارعا قاتىسىپ تۇرادى. «تسيفرلى قازاقستان» باعدارلاماسى اياسىندا قۇرىلعان ساياباقتا IT-سىنىپ، Start-Up Academy، 3D-مودەلدەۋ جانە روبوتكەشەندى زەرتحانالارى، استروزەرتحانا، تەلەستۋديا جۇمىس ىستەيدى،-دەيدى ساراي باسشىسى  الما ەرۋباەۆا.

-ءبىلىمنىڭ ساپالى بولۋى بىرىنشىدەن - اتا-اناعا، ەكىنشىدەن – مۇعالىمگە، ۇشىنشىدەن،بيلىككە بايلانىستى، دەپ اتاپ ءوتتى بەردىبەك ساپارباەۆ پەداگوگتار قاۋىمىمەن كەزدەسۋىندە. – سول ءۇش تارماق بىرىگىپ جۇمىس جاساسا، ءبىلىم ساپاسى جامان بولمايدى.

وقۋشىلار سارايىنىڭ شىعارماشىلىق ۇجىمدارى حالىقارالىق، رەسپۋبليكالىق جانە وبلىستىق دەڭگەيدەگى 15 بايقاۋعا قاتىسىپ، 39 ماراپاتقا يە بولدى. قازىر بارلىعى 3 مىڭنان استام وقۋشى مەن 152 پەداگوگ ءبىلىم مەن تاربيە بەرۋدە.

ال، ءبىلىم جانە عىلىم ۆيتسە-ءمينيسترى شولپان كارينوۆا «جاس دارىن» مامانداندىرىلعان مەكتەبىندە بولدى.

شولپان تاڭاتقىزى ءبىلىم ورداسىنىڭ ۇستازدارى مەن وقۋشىلارىمەن كەزدەسىپ، جاڭا STEM-لابوروتوريا جانە وقۋ كابينەتتەرىن ارالاپ شىقتى.

سوڭعى جاڭالىقتار

ۇقساس جاڭالىقتار