سۇراق-جاۋاپ پىشىمىندە وتكەن كەزدەسۋ بارىسىندا الەم چەمپيونى ءوزىنىڭ الداعى جوسپارلارى تۋرالى ايتتى. سونىمەن بىرگە ول جاستاردى قيىندىقتاردان قورىقپاۋعا, ارمانعا ۇمتىلۋعا جانە ۇنەمى دامۋ ءۇشىن ەرىنبەي ەڭبەك ەتۋگە شاقىردى.
نيكيتا اموسكين قاراعاندىنىڭ ىرگەسىندەگى نوۆودولينسك اۋىلىندا دۇنيەگە كەلگەن. سپورتپەن ەرتە جاسىنان باستاپ اينالىسقان ول اۋەلدە گرەك-ريم كۇرەسىنىڭ ۇيىرمەسىنە بارعان ەكەن.
تىنباي تەر توگۋىنىڭ ارقاسىندا ول سپورتتىق اكروباتيكادان حالىقارالىق دارەجەدەگى سپورت شەبەرى اتاعىن يەلەندى. ەكى دۇركىن ازيا چەمپيونى, 2018 جىلى الەم چەمپيونى اتاندى. قازىرگى تاڭدا ول قارمۋ-دىڭ دەنە تاربيەسى جانە سپورت فاكۋلتەتىندە ءبىلىم الىپ ءجۇر.
كەزدەسۋ بارىسىندا شاحتينسك قالاسى اكىمىنىڭ ورىنباسارى قايىرجان تىلەۋبەرگەنوۆ چەمپيونعا العىس حات پەن ەستەلىك سىيلىق تابىس ەتتى.
قاراعاندى وبلىسى
