ايماقتار • 04 قاراشا، 2019

اتىراۋ وبلىسىندا بالىقشىلار 6555 توننا بالىق اۋلادى

61 رەتكورسەتىلدى

اتىراۋ وبلىسىنداعى وزەندەردە جۇرگىزىلگەن ءتۇپ تەرەڭدەتۋ جۇمىستارى وڭ ناتيجە كورسەتتى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە اتىراۋ وبلىسىنىڭ اكىمى نۇرلان نوعاەۆ مالىمدەدى.

2017 جىلى جايىق، قيعاش وزەندەرىندەگى بالىق وتەتىن ارنالاردىڭ تۇپتەرىن تەرەڭدەتۋ جۇمىستارى باستالدى. نۇرلان نوعاەۆتىڭ ايتۋىنشا، اتالعان شارا العاشقى ناتيجەلەرىن كورسەتە باستاعان.

- سۋ كولەمىن جانە گيدروگەولوگيالىق رەجيمدى ارتتىرۋ جوبالارى بالىقتاردىڭ كەدەرگىسىز وتۋىنە، بالىق قورىن ساقتاۋعا، مەكەندەۋىنە جانە تابيعي وسىمىنە قولايلى جاعداي جاساۋعا باعىتتالعان، - دەدى نۇرلان نوعاەۆ.

جايىق وزەنىنىڭ ءتۇبىن تەرەڭدەتۋ جۇمىستارىنا رەسپۋبليكالىق بيۋدجەتتەن 2،151 ملن تەڭگە بولىنگەن. جالپى ۇزىندىعى - 62 كم. 16،9 كم جاڭا ارنا قازۋ جوسپارلانعان.

جايىقپەن بىرگە قيعاش وزەنىنىڭ دە ءتۇبى تەرەڭدەتىلدى. وسى ماقساتقا رەسپۋبليكالىق بيۋدجەتتەن 5،453 ملن تەڭگە بولىنگەن. جۇرگىزىلگەن جۇمىستاردىڭ جالپى ۇزىندىعى  - 154 كم، 2020 جىلى اياقتالادى دەپ جوسپارلانعان.

- بالىق اۋلايتىن وندىرىستىك كووپەراتيۆتەر جىل باسىنان بەرى بەلگىلەنگەن ليميت اياسىندا  - 6 555 توننا بالىق اۋلادى. وتكەن جىلدىڭ سايكەس كەزەڭىندە بۇل كورسەتكىش 4038 توننا بولعان ەدى. وتكەن جىلمەن سالىستىرعاندا كاسىپتىك بالىق اۋلاۋ كولەمى  - 2517 تونناعا ارتتى. بۇل جۇرگىزىلگەن ءتۇپ تەرەڭدەتۋ جۇمىستارىنىڭ وڭ ناتيجە كورسەتكەنىن اڭعارتادى، سونىڭ ارقاسىندا بالىقتاردىڭ وزەنگە ۋىلدىرىق شاشۋعا ءوتۋى جاقساردى، سۋ قويماسىندا بالىق قورى ساقتالدى. 2018 جىلدىڭ اياعىندا بولعان جاپپاي بالىق قىرىلۋ دەرەگىنە قاراماستان، جاقسى ناتيجەلەر بار، - دەدى نۇرلان نوعاەۆ.

اتقارىلعان شارالار وزەندەردىڭ گيدروگەولوگيالىق رەجيمىنە دە وڭ اسەر ەتەدى. «قازگيدرومەت»  رمم اي سايىن جايىق وزەنىندەگى سۋ ساپاسىنا، يون، بيوگەن مەن ورگانيكالىق زاتتارعا، اۋىر مەتاللدارعا مونيتورينگ جۇرگىزىپ وتىرادى. جايىق وزەگىندەگى سۋ ساپاسى نورماداعى كورسەتكىشتەردەن اسپاعان. سونىمەن قاتار، وزەندەگى سۋ باسسەينىنە دە زەرتتەۋ جۇرگىزىلۋدە. جوبانىڭ باستى مىندەتى - جايىق وزەنىنە انتروپوگەندىك فاكتورلاردىڭ اسەرىن ازايتۋ جونىندە ۇسىنىستار دايىنداۋ. زەرتتەۋ بارىسىندا وزەن تۇبىندەگى شوگىندىلەردەن، بالىقتان، سۋدان سىنامالار الىنادى، زەرتحانالىق جاعدايدا سارالانادى. زەرتتەۋ قورىتىندىسىمەن ماماندار وزەننىڭ سۋ باسسەينىنە ادامداردىڭ ىقپالىن تومەندەتۋگە مۇمكىندىك بەرەتىن تۇجىرىم شىعارادى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ولار ءۇي بەتىن كورمەي كۇرەسۋدە

ايماقتار • بۇگىن، 14:42

ۇقساس جاڭالىقتار